Read Manggarai GALATIA 5 Bible Online

GALATIA 5 - Manggarai bible

GALATIA 5

¹Te ho’on ga ité ata céla, ai hi Kristus poli céla mosé dité. Landing hitu lencek kéta hesés agu néka éng kolé te tékék le mendo.

²Nuk di’a, aku hi Paulus taé agu méu, émé méu lorong wintuk sunat, hi Kristus toé kéta manga betuan latang te méu.

³Aku taé cangkalin kolé, néténg ata hitut lorong wintuk sunat, te hia hitu paka lorong sanggéd wintuk Taurat.

⁴Méu betém oné-mai hi Kristus, émé méu bengkes te patun le Mori Keraéng lut wintuk Taurat. Ali hitu, méu mosé be pé’ang mai widang de Mori Keraéng.

⁵Ai ali Nai Nggeluk agu ali imbi oné hi Kristus, ité géréng te patun le Mori Keraéng hitut bengkes dité.

⁶Ai latang te sanggéd ata situt nai ca anggit agu hi Kristus Yésus, sunat ko toé sunat toé manga betuan. Ata mésén kali, hanang imbi oné hi Kristus hitut si’ang le pandé momang haé ata.

⁷Danong méu rié di’a-di’am. Céing ata pangga méu wiga méu toé junggu lorong ngoéng de Mori Keraéng?

⁸Reku kudut néka lorong hitu, toé mai oné-mai Mori Keraéng hitut poli bénta méu.

⁹Cekoén kaut ragi ngancéng pandé beka sanggéd situt poli hamold.

¹⁰Imbi tu’ung laku, méu toé manga imbi cebanas ai poli nai ca anggit agu hi Kristus. Maik ata pandé karu-kak méu te tiba wahéngy, koném ného nia kaut ata hitu.

¹¹Agu aku ho’o asé-ka’én, émé aku ngai keréba kin wintuk sunat, co’o tara wahéng kig aku lata? Ai émé aku ngai keréba kin wintuk sunat, panggol di Kristus toé ciri watu timpok laing kolé gi.

¹²Céwé di’an isé situt karu-kak méu, tu’i weki rud kaut!

¹³Asé ka’én, bo tu’ung méu poli pilés kudut céla. Maik néka papé le méu céla hitu latang te pandé ndékok, maik nahé méu momang agu keturu cama taus.

¹⁴Ai sanggéd icid wintuk Taurat manga oné curup ho’o kauts, “Momang ga haé atam, cama ného momang weki rum.”

¹⁵Landing émé méu ramek agu kodel cama taus, jerék di’a, boto méu pandé ampus cama taus.

¹⁶Betuan daku nggo’oy, Mosé koém lorong ngoéng de Nai Nggeluk, wiga méu toé lorong belek de wekis.

¹⁷Ai belek de weki galu taud agu ngoéng de Nai Nggeluk, agu ngoéng de Nai Nggeluk galu taud agu belek de weki, wiga cemoln ga méu toé pandé lorong apa ata ngoéng de méu.

¹⁸Maik émé méu téing wekis lorong titong de Nai Nggeluk, ali hitu méu toé kuasa le wintuk Tauratm.

¹⁹Ho’os belek de weki situ: loma, réngkes, belek da’at,

²⁰io pina-naéng, janto, pulang tau, léwang tau, guér, rabo-tau, nuk kaut sékék de ru, biké agu behas,

²¹jogot, langu tuak, agu ramé hébo-hak. Latang te sanggéd taung situ, aku langga méu — cama ného hitut poli langgan laku danong — te céing kaut ata pandé sanggéd belek de weki situ, toé patun te manga oné weki serani.

²²Maik ho’os wua de Nai Nggeluk: momang, nisang nai, hambor-libur, lembak, gawas, di’a gauk, junggu;

²³nai ngalis agu maring weki ru. Toé manga wintuk ata léwangd tombo situ.

²⁴Céing kaut ata ciri paéng di Kristus Yésus, hia poli panggol wekin agu sanggéd belek da’atn agu ngoéng don.

²⁵Émé ité mosé ali Nai Nggeluk, mosé dité kolé paka titong le Nai Nggeluk.

²⁶Néka mésé nai, néka kolé meget agu jogot cama taud.