Read Manggarai KOLOSÉ 3 Bible Online

KOLOSÉ 3 - Manggarai bible

KOLOSÉ 3

¹Landing hitu, émé méu pandé to’o kolém agu hi Kristus, kawé koém apa situt éta, nia mangan hi Kristus, ata lonto oné racap wanang de Mori Keraéngy.

²Nuk koém apa situt éta, toé so’ot oné lino.

³Ai méu poli matas agu mosé de méu ceha cama-cama agu hi Kristus oné Mori Keraéng.

⁴Émé hi Kristus hitut mosé dité, itay tai, méu kolé te ita cama agu Hiam oné angosn.

⁵Landing hitu pandé matas oné wekis sanggéd taung situt de lino, ho’os: nlung, rinek, todong, motor agu ngomper ata cama agu io pina-naéng,

⁶sanggéd taung situ pandé rabo Mori Keraéng (latang te sanggéd ata toé lorong).

⁷Danong kolé méu pandé apa situ du méu mosé bonén hitum.

⁸Maik te ho’on, oké taung so’o, ho’os: rabo, ngger ného acu, pandé da’at, nggecer-nggewuk, agu curup da’at ata pé’ang oné-mai mu’u de méu.

⁹Néka manga kolé méu adong taus, ai méu poli loak manusia mangas agu gaukn,

¹⁰agu poli paké manusia weru hitut nukung pandé werun kudut tiba pecing ata molord, lorong gambar de Mori Dédék;

¹¹oné apa ho’o toég manga kolé ata Yunani ko ata Yahudi, ata poli sunat ko ata toéd sunat, ata Barbar ko ata Skit, mendi ko ata toé mendi, maik hi Kristus oné sanggén taung, agu manga oné sanggén cao-ca.

¹²Landing hitu, ai méu ata poli pilé le Mori Keraéng ata pandé nggelu agu ata momang Diha, paké koé le méu: lembak nai, gawas, kasi-asi nai, wendos, agu ngéngga nai.

¹³Ngéngga koé nais méu, hiat cengata agu ata bana agu ampong koé hiat cengata agu ata bana, émé hiat cengata ngetek ata banay, cama ného Mori poli ampong méun, pandé nenggitu kolé méu.

¹⁴Bétan mai sanggéd taung situ: Paké koé le méu momang, kudut luing pongo pandé neki-cas agu pandé besik.

¹⁵Poro hambor-libur di Kristus perénta oné nai de méuy, ai latang te hitu muing méu poli béntas oné ca weki. Agu wali di’am ga.

¹⁶Nahé curup di Kristus ka’éng déméng monggu-roun oné bahi-réha méu, wiga méu ali dod mbeko toing agu hiat cengata babang haé atan agu canggu déré mazmur agu déré naring agu déré de nais, méu wali di’a kamping Mori Keraéng oné nais.

¹⁷Agu sanggéd cao-ca ata pandé le méu ali curup ko pandé, pandé taung situ oné ngasang de Mori Yésus, cang agu wali di’a lut Hia oné Mori Keraéng, Ema dité.

¹⁸Oé méut ngasang wina, denggut koém agu ronas, ného nian oné Morin.

¹⁹Oé méut ngasang rona, momang koé winas agu néka sehak agu hia.

²⁰Oé anak-anak, lorong koé ata tu’as oné sanggéd cao-ca, ai hitu ata henan oné Morin.

²¹Oé méut ngasang ema, néka pandé beti-nai de anaks, boto mbalo naid.

²²Oé méut ngasang mendi, lorong koé moris oné lino ho’o, oné sanggén cao-ca, néka hanang oné ranga disé kanang kudut nisang nai disé, maik ali lulus nai landing rantang Morin.

²³Apa kaut pandé de méu, pandé koé ali di’am cama ného latang te Morin agu toé latang te manusia.

²⁴Pecing le méu, te oné-mai Morin méu kudut tiba mbaté ata ciri lahé de méu. Hi Kristus hitu tuangy, agu méu ciri mendi Diham.

²⁵Céing kaut ata pandé sala te tanggong salan hitu, ai Mori toé manga lélo atan.