Read Manikion MATIUS 1 Bible Online

MATIUS 1 - Manikion bible

MATIUS 1

¹Dan dog dau mougt mera medam, moho Daud dara Abraham, lan mardebeito, moho Yesus Krisdus, en meijemouwer dou yen dag gini:

²Abraham en meisi Isag. Isag en meisi Yakub. Yakub en meisir Yehuda an en maguner dara magtor.

³Yahuda mesira ebsa mebeba Tamar, kaba, lan maraisi Peres dara Serah. Peres en meisi Hesron. Hesron en meisi Ram.

⁴Ram en meisi Aminadab. Aminadab en meisi Nahason. Nahason en meisi Sarmon.

⁵Sarmon en eici Rahab, kaba, lan maraisi Boas. Boas en eici Rud, kaba, lan maraisi Obed. Boas en meisi Isai.

⁶Isai en meisi Daud leng Yahudi meren mougt mera medam. Daud en mesira ebsa Uria mesouwa, kaba, lan maraisi Solaiman.

⁷Solaiman en meisi Rahabeam. Rahabeam en meisi Abia. Abia en meisi Asa.

⁸Asa en meisi Yosapad. Yosapad en meisi Yoram. Yoram en medebeito Usia.

⁹Usia meisi Yotam. Yotam en meisi Ahas. Ahas en meisi Hiskia.

¹⁰Hiskia en meisi Manasei. Manasei en meisi Amon. Amon en meisi Yosia.

¹¹Yosia en medebeito Yakonia an en maguner dara magtor len laugwan. Hanoba ogdoc len gini meriresebaba, kaba, leng Babel lahwan len dag sogougb dig meren hancob.

¹²Sug Yesus meijemouwer len lecicugb dau Babel dig meren hancobohob, kaba, len meroho aududi dag gini: Yakonia en medebeito Sealtiel. Sealtiel en meisi Serubabel.

¹³Serubabel en meisi Abiud. Abiud en meisi Eliakim. Eliakim en meisi Asor.

¹⁴Asor en meisi Sadog. Sadog en meisi Akim. Akim en meisi Eliud.

¹⁵Eliud en meisi Eleaser. Eleaser en meisi Matan. Matan en meisi Yakub.

¹⁶Yakub en meisi Yusub. Yusub gini en eic gidob hom, en moho Mariam, dag en mesouwa. Dangga Mariam gini en ouwadan meisi hom en moho dag Yesus. Lusud leija Yesus gini dag Krisdus, anai en eigdoc len dau meren gogom augwan.

¹⁷Dangga Yesus men meijemouwer dau Abraham terimda edebeij Daud, kaba, merug sisa hobjerogu. Dara men meijemouwer dau Daud terimda leng Babel lahwan len aud meren hancob, kaba, merug sisa hobjerogu. Dara sug len lecicugb dau Babel terimda edougdoc sug Krisdus enin, kaba, en meijemouwer merug sisa hobjerogu toua.

¹⁸Yesus Krisdus sug mem ouwadan en, kaba, men meijouhw augwan audud dag gini: Sug sud hom moho Yusub, dara Yesus mem moho Mariam, lan lameicimbuma, kaba, en menuhwohob. Anai Yusub en erba ara debin en dousaba. Doba gini ogdoc Mena Gogoufu men goubesa dous.

¹⁹Dangga Yusub areg en moho aiga Mariam enohob, kaba, en ouwan ogod ameiji dougwo eni. Doba en medoc edag beim an Mariam namcir. Hang en emod en moho se simei. Anai en emouwan naugb esmesman en deseino lusud leinyanero.

²⁰Doba sug en auwaman ucina naugb sug en ogod ameiji dougwo en deb, kaba, maman Adehsud men malaikad hom ens enin dou en se augwa. Hanoba en enara, endagai: Yusub, Daud medebeito, igdebes emeba ban an Mariam sug bahwan en dag ban absouwero. Anai godeh hom gebsa mem menuhwa gini, kaba, dau Mena Gogoufu dous.

²¹Dangga sug en ouwadan meisi hom gini, kaba, ban beija en moho dag Yesus. Anai enin dous eng emeigdoc men lusud laugwan dau meren sesar augwans.

²²Aremer augwan gini esogwesa dau areg Allah enara ogdoc Yesaya deb nosohob, endagai:

²³Ban bemeiya gidob hom gemebarebma, en menuhwa, en ouwadan meisi hom, kaba, ban beija en moho dag Imanuel. Gini leija dag Allah eigtou desij mamanohob.

²⁴Dangga sug Yusub eisa dau atoudohob, kaba, en eicara aimo dau areg Adehsud men malaikad enara dou enohob. Hanoba en ahwan Mariam dag en mesouwa misen toua.

²⁵Doba en emeici Mariam terimda en ouwadan meisi hom gini dauwahabi. Dangga sug en ouwadanohob, kaba, Yusub eija godeh gini en moho dag Yesus toua.