Read Yamano 1 Tɛsàlónìà 2 Bible Online

1 Tɛsàlónìà 2 - Yamano bible

1 Tɛsàlónìà 2

¹Ko lèe-gé vɔ̀, ka dìè-tĩ́ káà yí dɔ kélɛ̀ ko zì ɓɔ̀-ka-píé lɛ̀ɛ́ gbaa kɛ dà tã́ã̀ zɛ̀.

²Káà zi lɛ́ waà wɔ̃́ yɔɔ̀ yɔɔ̀ kɛá ko ká, ɛ̃́ɛ̃́ tó o nyìɛ áà fɔ̃̀ ko yí lɛ̀ lɛ́ ko kɛ Félépà, kɛ kó tĩã́ bɛ̃̀ɛ̃ nuù ka píé yia, káà dɔ. É kɛ bɛ̃̀ɛ̃ kília, kò Wálà aà ko wɛ́lɛ́ dà ko yí kɛ kó wɔ̃́ làṹ yiè lɛ́ è go à kɛ̀lɛ̀ɛ gèe ka lɛ̀ɛ, yé bɛ̃̀ɛ̃ mia búnùzɛ̀ o kɛ gèlè gɔ̃pìà ko káa ká.

³Wɔ̃́ lɛ́ kò gèe ka lɛ̀ɛ, à gã̀-gbɛ̃̀ɛ̃̀ wá wɔ̃́ niì, ɛ̃́ɛ̃́ yɛ́lɛ́-táá yɔɔ là. Ɛ́ɛ̃́ zeĩ́, kòó à kɛ-zì naa kɛ kó kpàlà-kpálá kɛ.

⁴Kɛɛ kóò wɔ̃́ gèe lɛ̀ zí Wálà à nàà kó gèe à káa lɛ́ ɓe, ɓii e wéé ko mɔ́ɔ̀ wɔ̃̀ mɔ̀, ɛ̃́ɛ̃́ e wɔ̃́ làṹ yièa kpɔ́ ko kɔ̀ là. Kòó à kɛ-zì naa kɛ mia zò é dà ko píé. Kɛɛ kóò à kɛ-zì nàà kɛ Wálà lɛ́ è ko zò píé mɛ́ nyɛɛ, kó zò-dà-wɔ̃̀ kɛ.

⁵Káà yí dɔ kélɛ̀ nú kɔa ɓo ka píéa, kòó gbaa dà-mia-wì wè gèe ka lɛ̀ɛ. Ɛ́ɛ̃́ kɛ bɛ̃̀ɛ̃ kó pɛ séĩ́ lɔ̀-kpɔ̀-mi-mɔ̀ bĩ̀ĩ̀-wè gèe. Wálà lɛ́ e ko kélá káa.

⁶Kòó gbaa kɛ-zì naa kɛ mia ó ko tɛ̀nɛ. Kòó gbaa kɛ-zì naa kɛ ka yeeo, e bɛ̀i, mia gbɛɛ ó ko tɛ̀nɛ,

⁷yé bɛ̃̀ɛ̃ e kɛ ko mɔ̀ kɛ kó kɛ ka kɔ̀ là ko zì kɛ̀ àpɔ́sɔ̀lɔ̀ káa mɔ́ɔ̀ wɔ̃̀ mɔ̀ɔ ká. Kɛɛ ko kɛ kpóló-kpɔ̀-mɔ̀ zɛ̀ lɛ̀ lɛ́ ko kɛ ka píéa ká, lɛ̀ zí lee lɛ́ è e yɛ́lɛ́ yiè kɛ̀ là nɔ́ɔ̀ mɔ̀ɔ lɛ à ká kpóló-kpɔ̀-mɔ̀ zɛ̀ɛ lɛ́ ɓe.

⁸Ka zì lɔ̀-kpɔ̀ ko mɔ̀ mɔ́ɔ̀ wɔ̃̀ mɔ̀ɔ, ko pɛ̀ kɛɛ̀ e kɛá kɛ kó wɔ̃́ làṹ yiè lɛ́ è go Wálà kɛ̀lɛ̀ɛ nɔ ka lɛ̀ɛ. Ɛ́ɛ̃́ ye wá wɔ̃́ làṹ yièa doó ká. Kɛɛ é kɛ bɛ̃̀ɛ̃ ko dìè káa, ko pɛ̀ kɛɛ̀ e kɛá kɛ kó ko dìè nɔ ka lɛ̀ɛ, ɓii ka mɔ́ɔ̀ wɔ̃̀ diè e kɛ à ká ko zò káa mɔ́ɔ̀ wɔ̃̀ mɔ̀.

⁹Ko lèe-gé vɔ̀, ka zò lɛ́ɛ̀ vùò zi lɛ́ ko yɛɓo kɛá, lɛ́ ko mɛ́ e kpɔ̀nɔɔ ká. Ko yɛɓo kɛ bĩ́ã́ ɛ̃́ɛ̃́ nyɛ́nɛ́ĩ́, yékɛ̀ ko mɔ́ɔ̀ wɔ̃̀ é kɛ vũ gbííni ká ka wĩĩ́, yé kɔaà kɛ wɔ̃́ làṹ yiè lɛ́ è go Wálà kɛ̀lɛ̀ɛ gèepìà ka lɛ̀ɛ ká.

¹⁰Ka ko kélá vɔ̀ ká, ká dàá Wálà bà, zi lɛ́ ko kɛ wɔ̃́ kɛpìà à ká mia lɛ́ ka zò dɔɔ̀ lɛ Wálà mɔ̀ɔ káa mɔ́ɔ̀ wɔ̃̀ mɔ̀. Wɔ̃́ kɛ-zì e kília e kɛ púlú, ɛ̃́ɛ̃́ kpeĩ, e bɛ̀i kɛɛ nyɛɛ̀ e kɛá à mɔ̀ féfé le.

¹¹Káà yí dɔ kélɛ̀ ko wɔ̃́ kɛ ka ká lɛ̀ zí gɔ̃ è wɔ̃́ kɛ̀á là nɔ́ɔ̀ káa lɛ́ ɓe.

¹²Ko ka kɛ ka fã̀ã́ áà wàà. Ko ka nɛ̀ɛ-nɛ́ɛ́. Ɛ́ɛ̃́ ko kɛ lìè-wè dɔpìà ka lɛ̀ɛ. Ko kɛ à kɛpìà kíli kɛɛ ká yìì zi lɛ́ Wálà lɛ́ è ka súo kɛ̀ kɛɛ ká kɛ lɛ̀ lɛ́ à tóò lɛ mia là yia mɔ̀, káà dɔ̀ à zì lɛ̀-fɔ̀nɔ-kɔ̀ɔ yía, à nàà à káa ká.

¹³Wɔ̃́ yé e kéa lɛ́ kò mɔ́ɔ̀ Wálà zúo ɓo teelea. Ye lɛ́ e kélɛ̀, lɛ̀ lɛ́ ko nu Wálà lé-wè ká ka píéa, ka ma ɛ̃́ɛ̃́ ka kṹ ka zɔ̃̀ɔ̃̀ ká. Ka kɛ kíli Wálà lé-wè mɔ́ɔ̀ wɔ̃̀ mɔ̀, kɛɛ à kɛɛ̀ wá kíli mi gbunu lé-wè mɔ́ɔ̀ wɔ̃̀ mɔ̀. Ɛ́ɛ̃́ lɛ Wálà lé-wè mɔ́ɔ̀ wɔ̃̀ ká wánà ká. Ƃii Wálà lɛ yɛɓo kɛpìà mia lɛ́ ka zò dɔɔ̀ lɛ à mɔ̀ɔ yí.

¹⁴M lèe-gé vɔ̀, wɔ̃́ nɔ́ doó lɛ́ e kɛ Wálà là mia lɛ́ o Zùdíàa káa, e kɛ ka bɛ̃̀ɛ̃ ka ká nɔ́ kíli. Míá o kília, o lɛ́ o Kɛ́lɛ̀ì Zízɛ̀ là mia nì káa. Sã̀-dɔ nɔ́ doó lɛ́ ka gɛ̃̀ ka pà-mìà kɛ̀lɛ̀ɛ, lɛ́ o bɛ̃̀ɛ̃ wa gɛ̃̀ Zúù-mìà kɛ̀lɛ̀ɛ.

¹⁵Zúù-mìàa o ko Dàa-mì Zízɛ̀ kpɔ́ Wálà là dɔ̀-lé-là-mìà mɔ̀, o o zɛ. Ɛ́ɛ̃́ o ko sã̀ dɔ. Wa kɛ Wálà zò lɛ̀ɛ́ gbaa dà. Ɛ́ɛ̃́ óò gèlè gɔ̃ mia séĩ́ ká.

¹⁶O à kɛ-zì naa vɔ̀ ó ko tèá wɔ̃́ lɛ́ è lo nuù la-ɓo káa, gèè sɛ́lɛ́ gbɛɛ yí-mìà lɛ̀ɛ mɔ̀. Waà à kɛ gbaa pɛ lɛ́ ò o zì kɛ-wɔ̃̀ yɔɔ lɛ́ ò kɛ̀ teelea gɔ̃ à yía, aà pa gbaa súlúú le. Ɛ́ɛ̃́ dɛɛ ká gbaa, Wálà zì wɔ̃́à-wàa-kɔ̀ aà nu gbaa o là.

¹⁷Ko lèe-gé vɔ̀, lɛ̀ lɛ́ ko gó ka píé lúó zààle píéa, ka lɔ̀ e kɛ ko kɛpìà, kɔ́áà kɛ-zì kpó-kpó nàà kɛ kó ka gɛ̃̀ zeĩ́. Kɛɛ ko zò yee góò lɛ̀ɛ́ gbaa kɛá ka píé, yé bɛ̃̀ɛ̃ ko gbĩ-kpàlaa lɛ̀ɛ́ gbaa kɛ yía ká.

¹⁸Kɔa naa kó nu ko mɛ̀ĩ́ ka píé. Ma Pɔ́ɔ̀, ma kɛ-zì naa ḿ nu m mɛ̀ĩ́ zeĩ́, ɛ̃́ɛ̃́ m̀ḿ gbaa à kɛ nɔ́ ɓɔ̀ɔ lúó doó píé. Kɛɛ Sétɔ̃̀ e ko tèá nuù mɔ̀.

¹⁹Kéa, dé ko zò lɛ à mɔ̀, ɛ̃́ɛ̃́ dé e kò géli wà kò pɛ lɛ́ kɔaà mɔ́ɔ̀ gèlè gɔ̃, lɛ́ kò lo lé-gbùò kɛɛ̀ à là ko Dàa-mì Zízɛ̀ wɛlɛ mɔ̀ yé aà nua káa ká? Ḿ gɔ̃̀, ka lɛ?

²⁰Ka kɛ̀ kò lé-gbùò kɛ̀à-là-pɛ̀, e bɛ̀i, ko zì géli káa lɛ wánà kpó-kpó ká.