Read Yamano 3 Zɔ̃̀ɔ̃́ 1 Bible Online

3 Zɔ̃̀ɔ̃́ 1 - Yamano bible

3 Zɔ̃̀ɔ̃́ 1

¹Má m mi dìè káa, ḿm̀ wèè ɓí ò i si Géyà, lɛ́ i lɔ̀ kpɔ́ɔ̀ lɛ m mɔ̀, lɛ́ m̀ lɔ̀ kɛ̀ i ká wánà kpó-kpó káa bà.

²M̀ lɔ̀-kɛ̀á-mì, ḿm̀ sɛ̀nɛ ɓo kɛɛ pɛ séĩ́ kɛɛ̀ é kɛ i mɔ̀ lɔ́ɔ́-lɔ̀ɔ̀, ɛ̃́ɛ̃́ kɛ i gbĩ-kpàla yí é kɛ wéĩ́-wèĩ̀. Ḿm̀ yí dɔ i i zò píé kéléŋ-kèlèŋ.

³M géli kɛ kpó-kpó ɓo lɛ̀ lɛ́ ko lèe-gé vɔ̀ dò o ɓɔ m mɔ̀, lɛ́ wa gèe kélɛ̀ i zò dɔɔ̀ lɛ wánà-wɔ̃̀ɔ mɔ̀, ɛ̃́ɛ̃́ tó ɓáà tàà à kpáá yía ká.

⁴Wɔ̃́ gbɛɛ lɛ̀ɛ́ bɛ̀i à mɔ̀ é m gé li é diá yé maà ma kélɛ̀ m̀ nɔ́ɔ̀ o táápìà wánà-wɔ̃̀ɔ kpáá yía káa là.

⁵M̀ lɔ̀-kɛ̀á-mì, yɛɓo lɛ́ ɓà kɛ̀ ko lèe-gé vɔ̀ lɛ̀ɛ, yé bɛ̃̀ɛ̃ o lɔ̀ɔ̀-mìà ká yia káa, i zò-dɔ̀à-mɔ̀ zɛ̀ à kɛɛ̀ yí.

⁶Waà zi lɛ́ o lɔ̀ kpɔ́ɔ̀ lɛ à ká i mɔ̀ yia wɔ̃̀ gèe Wálà-mìà yé o zèea lɛ̀ɛ. É kɛ̀á íì lo o gã̀ káà zi là zi lɛ́ è lo Wálà zò dàà à káa káa, kɛɛ ɓa kɛ sɛ̀.

⁷Ƃii o gbɛ̃̀ táá lɛ́ wa ɓo Kɛ́lɛ̀ì mɔ́ɔ̀ wɔ̃̀ mɔ̀ɔ ɓoò ká, tó òó gbaa pɛ lɛ́ míá òó Wálà dɔɔ o kɛ à nɔpìà o lɛ̀ɛ kṹ.

⁸À mɔ́ɔ̀ wɔ̃̀ mɔ̀ɔ, lɛ ko bɛ̃̀ɛ̃ ko mɔ̀ kɛ kó gbũ gɔ̃à sùu o kéa mɔ̀, kɛɛ kò ye nì kó dɔ yɛɓo lɛ́ ò kɛ̀ wánà-wɔ̃̀ɔ wɛ̃́ĩ̀a yí.

⁹M wéé ɓéĩ́ dò bɛ̃̀ɛ̃ Wálà-mìà píé. Kɛɛ Diɔ́tólófi, lɛ́ à nàà é kɛ o líé-sí-mì káa, m míní wá bɛ̃̀ɛ̃ à là.

¹⁰À mɔ́ɔ̀ wɔ̃̀ mɔ̀ɔ, ḿ nùáa, ḿm̀ lo wɔ̃́ séĩ́ lɛ́ aà kɛɛ gèeè. Lɛ́ɛ̀ wɔ̃́ yɔɔ̀ yɔɔ̀ gèe ko gbĩ mɔ̀. Kɛɛ à zò lɛ̀ɛ́ dà wɔ̃́ e kília kɛɛ̀ yí. Kɛɛ lɛ̀ɛ́ e kɔ̀ yà ko lèe-gé vɔ̀ lɛ́ ò nua wì. Ɛ́ɛ̃́ lɛ́ɛ̀ mia lɛ́ ò nàà ó o kɔ̀ yà ko lèe-gé vɔ̀ɔ wìa, tèa à kɛ̀ kíli mɔ̀, tó áà kɛ-zì nàà é o lúó Wálà-mìà bà.

¹¹M̀ lɔ̀-kɛ̀á-mì, yékɛ̀ í mia lɛ́ ò wɔ̃́ yɔɔ kɛ̀ɛ píé gɔ̃́. Kɛɛ ì mia lɛ́ ò yiè kɛ̀ɛ píé gɔ̃́. Mi lɛ́ lɛ wɔ̃́ yiè kɛ-mì káa, lɛ Wálà là mi ká. Mi lɛ́ è wɔ̃́ lɛ́ lɛ yɔɔ kɛ̀ɛ, kɛɛ lɛ̀ɛ́ Wálà gɛ̃̀ do.

¹²Mia séĩ́ óò Dìmítìà tɔ́ yiè gèe. Wánà-wɔ̃̀ɔ vɔ̀ɔ lɛ́ɛ̀ à tɔ́ yiè gèe. Ɛ́ɛ̃́ ko ko dìè kò kélá ká, ɛ̃́ɛ̃́ káà wɔ̃́ lɛ́ kò gèea kɛ̀ wánà ká míní si.

¹³Wɔ̃́ búnùzɛ̀ lɛ m lé ḿ gèe i lɛ̀ɛ. Kɛɛ m̀ḿ naa ḿ gèe pɛ̃́ɛ̃̀ wà pɛ̃́ɛ̃̀-yíí ká.

¹⁴M zò laa mɔ̀ kɛ ḿ i gɛ̃̀ dɛɛ ká. Yé aà kɛ kília, mɛ́ĩ́ lɛ́ɛ̀ lo góò ko kíe nì lé kɔ́áà mà.

¹⁵Zò-yà-gé é kɛ i píé. I ɓɛ́ĩ̀ nì o wéé i bà. Ì wéé ko ɓɛ́ĩ̀ nì bà o tɔ̀ là doó doó ko lɛ̀ɛ.