Read Yamano Wɛ̀lɛ̀vèlésɔ̃̀ 8 Bible Online

Wɛ̀lɛ̀vèlésɔ̃̀ 8 - Yamano bible

Wɛ̀lɛ̀vèlésɔ̃̀ 8

¹Lɛ̀ lɛ́ Ƃáá nyɔ̀nɔ́ɔ e pɛ lé-taa-pɛ̀ sálápèèlɛ zɛ̀ɛ lé ɓoa, lɛ̀à e ga lɛ̀í-sɛ̀lɛ̀ yí yà-zɔ̀-zɔ̀ kpolà vũ̀ yààka píé vɔ̀.

²M bɛ̀i m Wálà là vɔ-mìà sálápèèlɛ lɛ́ ò dɔ Wálà wɛlɛ mɔ̀ɔ gɛ̃̀. Túlú sálápèèlɛ nɔɔ̀ e kɛ à ká o lɛ̀ɛ.

³E bɛ̀i Wálà là vɔ-mì doó e nu zeĩ́, e dɔ sálà-ɓòà-là-pɛ̀ɛ sɔ́nɔ́. Kɔ́pò lɛ́ à kɛɛ̀ e kɛá góò ká pɛ gĩĩ yiè zɛ̀ kàà yí wɛ̃́ĩ̀a, e kɛ à kɛ̀lɛ̀. O pɛ gĩĩ yiè zɛ̀ nɔ à lɛ̀ɛ gbùò kɛ á dà Wálà-mìà séĩ́ wà sɛ̀nɛ ò ɓoa bà, kɛ é à nɔ Wálà lɛ̀ɛ sálà-ɓòà-là-pɛ̀ lɛ́ à kɛɛ̀ lɛ góò ká, lɛ́ lɛ dɔ̀á dɔ-táŋánáa wɛlɛ mɔ̀ɔ là.

⁴Pɛ gĩĩ yiè zɛ̀ lɛ́ o kɛ à gélépìàa zì gbɛ̃́ĩ́, e bɛ̀i Wálà-mìà zì sɛ̀nɛ o kɛ à ɓopìàa e gó Wálà là vɔ-mì lɛ́ e kɛ dɔ̀á à wɛlɛ mɔ̀ɔ kɛ̀lɛ̀, áà lò lɛ̀í.

⁵Yé e kɛ kília, Wálà là vɔ-mìa e kɔ́pòa sí a pa tíé lɛ́ a sí sálà-ɓòà-là-pɛ̀ɛ làa ká, a dùòá tã́ã̀ zèe. Lɛ̀í e kɛ wéépìà. Pɛ wéè áà dɔ̀. Lɛ̀í-kɛ-gɛ́lɛ́ áà kɛ̀. Ɛ́ɛ̃́ sɛ́lɛ́ áà kã̀ áà lò gìè.

⁶Yé e kɛ kília, Wálà là vɔ-mìà sálápèèlɛ lɛ́ túlú sálápèèlɛ e kɛ o kɛ̀lɛ̀ɛ, o o dìè pɛ̀ kɛ à pìeè wɛ̃́ĩ̀.

⁷Vɔ-mì bèĩzɛ̀ɛ e là túlúa pìè. Laa-wɛ́lɛ́ wà tíé o bɔ̀nɔ̀ léà ká zɛ̀, e gó lɛ̀í áà nù tã́ã̀. O kpóṹ là yí gìnì. À pɛ̃́ɛ̃́ e kɛ yààka. À pɛ̃́ɛ̃́ yààkaa doó-mì e gélé. Pɛ nɔ́ doóa à kɛɛ̀ e kɛá yílí ká. Sùu ɓéèe séĩ́ e gélé.

⁸E bɛ̀i vɔ-mì tò-ko-mɔ̀ zɛ̀ɛ e là túlúa pìè. Pɛ dò lɛ́ à ɓɔɔ̀ e kɛá tɔ̃̀ũ̀ gbèkèni lɛ́ tíé lɛ à mɔ̀ áà luú gèlèa bàa, wa dùò mɛ̀ĩ́ bà.

⁹Mɛ̀ĩ́ yí gìniì e kɛá. À pɛ̃́ɛ̃́ e kɛ yààka. À pɛ̃́ɛ̃́ doó e kɛ léà dòló ká. Pɛ ɓéèe séĩ́ lɛ́ e kɛ mɛ̀ĩ́ bàa yí gìniì e kɛá. À fĩ̀ã̀ ɓoò e kɛá yààka. À kù doó-mì e ga e nyɛ. Pɛ nɔ́ doóa kɛɛ̀ e kɛá gɔɔ ká.

¹⁰Ɛ́ɛ̃́ zeĩ́, vɔ-mì tò-ko-mɔ̀ yààka zɛ̀ɛ e là túlúa pìè. Sĩ̀ã́ã̀ŋèlè gbùò dò lɛ́ e kɛ kṹpìà lɛ̀ kpã́ã̀ lɛ́ ɓea e gó lɛ̀í, e dà yíí lɛ́ wa yí gìnì lɛ́ à pɛ̃́ɛ̃́ e kɛ yààkaa, à pɛ̃́ɛ̃́ doó-mì bà, ɛ̃́ɛ̃́ e dà yíí to píé píé.

¹¹Sĩ̀ã́ã̀ŋèlè e kília tɔ́ lɛ́ Pɛ Nyɔ́ɔ̀ɔ. Yíía lɛ̀ yé sĩ̀ã́ã̀ŋèlèa e dà yia, e kɛ nyɔ́ɔ̀ɔ. Mia búnùzɛ̀ o ga. Ƃii o yíí lɛ́ à kɛɛ̀ lɛ e nyɔ́ɔ̀ɔ káa mi.

¹²Ɛ́ɛ̃́ zeĩ́a, vɔ-mì tò-ko-mɔ̀ yììsɛ zɛ̀ɛ e là túlúa pìè. Nyɛ́nɛ́ e bɛ̀i mɛnɛ, ɛ̃́ɛ̃́ zeĩ́ sĩ̀ã́ã̀ŋèlè vɔ̀ɔ o o yí gìnì. O pɛ̃́ɛ̃́ e kɛ yààka yààka. Pɛ e mɛ̀ o sɛ̃́ĩ́ mɔ̀ doó doó. O sɛ̃́ĩ́ yé pɛ e mɛ̀ yia bĩ́ e dà gbaa yí o zì lɛ̀-fɔ̀nɔ-kɔ̀ɔ là. Lɛ̀-kpɛ̀iì káa, lɛ̀ lɛ̀ɛ́ gbaa fɔ̀nɔ áwà yììsɛ píé. Pɛ nɔ́ doóa e kɛ bĩ́míà bɛ̃̀ɛ̃ mɔ̀.

¹³M bɛ̀i m lɛ̀ gɛ̃̀. M kɔ̀a lɛ́ à dàaà e kɛá lɛ̀í gbèkènia wéè gágà ma weeá kélɛ̀, “É ké nìé. É ké nìé. É ké nìé. Yé kɔaà túlú yààka lɛ́ e Wálà là vɔ-mìà yààka yé o tóa kɛ̀lɛ̀, lɛ́ ò lo à pìè dɛɛ káa wéè maa, lɛ́ɛ̀ lo kɛɛ̀ yéĩ̀zɛ̀ mia lɛ́ o pà kã́ã̀ lɛ tã́ã̀a mɔ̀ kpó-kpó ɓoo.”