Read Maori Bible 1952 – Te Paipera Tapu Ehetere 10 Bible Online

Ehetere 10 - Maori Bible 1952 – Te Paipera Tapu bible

Ehetere 10

¹I whakaritea ano e Kingi Ahahueruha he takoha ma te whenua, ma nga motu o te moana.

²Na, ko nga meatanga katoa o tona kaha, o tona nui, me te korero katoa o te nui o Mororekai i whakanuia nei e te kingi, kihai ianei i tuhituhia ki te pukapuka o nga meatanga o nga ra o nga kingi o Meria, o Pahia?

³Ko Mororekai Hurai hoki te tuarua o Kingi Ahahueruha, he nui ano ia i roto i nga Hurai, he matenuitanga na te mano tini o ona tuakana, teina; he rapu tonu tana i te pai mo tona iwi, he korero ano i te ata noho ki ona uri katoa.