Read Ngünechen ñi Küme Dungu Mapudungun Matew 1 Bible Online

Matew 1 - Ngünechen ñi Küme Dungu Mapudungun bible

Matew 1

¹Tüfa Jesucristo tañi kuyfike tuwün pu che em, David em ka Abraam em tañi pu yomel ürke:

²Abraam em yallfi ta Isaak,Isaak em yallfi ta Jakob.Jakob em yallfi ta Juda ka tañi pu peñi.

³Juda em Tamar mew yallfi ta Fares ka Sara.Fares em yallfi ta Esrom.Esrom em yallfi ta Aram.

⁴Aram em yallfi ta Aminadab,Aminadab em ta Nason,Nason em ta Salmon.

⁵Salmon em ta Raab mew yallfi ta Boos,Boos em Rut mew yallfi ta Obed,Obed em ta Isay.

⁶Isay em yallfi tati longko ülmen David. Tati longko ülmen David Uria em ñi kure mew yallfi ta Salomon.

⁷Salomon em yallfi ta Roboam,Roboam em ta Abia,Abia em yallfi ta Asa.

⁸Asa em yallfi ta Josafat,Josafat em ta Joram,Joram em yallfi ta Usia.

⁹Usia em yallfi ta Jotam,Jotam em ta Akas,Akas em yallfi ta Esekias.

¹⁰Esekias em yallfi ta Manase,Manase em ta Amon,Amon em yallfi ta Josias.

¹¹Josia em yallfi ta Jekonia ka tañi pu peñi, feychi tripantu mew püresukonayengelu tati pu israelche Babilonia trokiñ mapu mew.

¹²Dew rupalu ti tripantu ñi püresukonalepun engün,Jekonias em yallfi ta Salatiel,Salatiel em yallfi ta Sorobabel.

¹³Sorobabel em yallfi ta Abiud,Abiud em ta Eliakim,Eliakim em yallfi ta Asor.

¹⁴Asor em yallfi ta Sadok,Sadok em ta Akim,Akim em yallfi ta Eliud.

¹⁵Eliud em yallfi ta Eleasar,Eleasar em ta Matan,Matan em ta Jakob.

¹⁶Jakob em yallfi ta Jose, Maria tañi füta,Maria em choyüfi ta Jesus iñchiñ taiñ Cristo pikeel.

¹⁷Femngechi ta kom tati mülekechi pu che, llitulu ta Abraam mew ka David mew, fentepulu mari meli tuwünche em ürke: llitulu ta David mew ka tunteñma ñi püresukonalepun ti pu israelche ta Babilonia trokiñ mapu mew ka femngechi rupay ta mari meli tuwünche. Ka femngechi mari meli tuwünche ta rupay dew lifreletulu engün tañi püresuyengefel tati israelche Babilonia trokiñ mapu mew ka puwi mari meli tuwünche feychi choyüngelu ta Jesus tati Cristo.

¹⁸Fey famngechi choyüngey ta Jesucristo: Maria, Jesus tañi ñuke, Jose engu dew eludunguniewürkey tañi kureyewael,[1] welu petu tañi kureyewnon engu, Maria kimuwi tañi niepüñeñkülen tati Lif Küme Püllü tañi pepiluwün mew.

¹⁹Fey Jose, Maria tañi fütayeaelchi wentru kiñe rume nor piwke wentrurke, fey ayülay tañi yewelkayafiel ta Maria, feymew rakiduami tañi ellka elkünutuafiel.

²⁰Fey Jose dew rakiduamlu tañi femngechi femael, feymew Ñidol tañi kiñe werken püllü pewfaluweyew ta pewma mew, ka feypieyew: “Jose, David tañi yomelche, ngünewkilnge tami kureyeafiel ta Maria, tati Lif Küme Püllü ñi pepiluwün mew nieay tañi püñeñ.

²¹Maria ta nieay kiñe wentru püñeñ, fey Jesus[2] pintukulelafimi tañi üy. Famngechi feypingeay kisu am montulafilu tañi trokiñche ñi yafkan mew.”

²²Kom tüfachi dungu ta femngechi feley tañi mupiael kom tañi feypikünuel ta Ñidol ñi pu pelon wentru mew:

²³“Niepüñeñay ta kiñe üllchadomo petu fütangenolu, fey nieay ta kiñe wentru püñeñ. Emanuel pintukulelngeay tañi üy” (tüfa ta feypin ürke: “Ngünechen müley ta iñchiñ mew”).[3]

²⁴Feymew Jose trepelu tañi pewma mew, kom femi chumngechi tañi feypietew tati werken püllü, fey kureyefi ta Maria.

²⁵Welu kurewen reke kudulay engu dew nielu wüla ñi wünen[4] püñeñ ta Maria, fey Jose, Jesus pintukulelfi ti pichiche ñi üy.