Read Maram Naga METIU 16 Bible Online

METIU 16 - Maram Naga bible

METIU 16

¹Sateichii Farasismei ninado Sadhumeinii gongsii mpougo jai jutang karam jangpii sating gamto tiikamangou siiti hangninii ahnyii dakii mangou matu tang karam jangpii mpou dato ahnyiinii khangle.

²Nlenii mpounii ahnyii dakii khekalatle, “Tingkhii liit sek-kii ‘sating bitangle, kadapokii sating ai ghang ziile;’ sii gonyiinii tamle,

³sateichii tingchoi sek-kii ‘tingnei sating shyiitangle, kadaponii sating ai ghang ziile sateichii zingziil’ sii gonyiinii tamle. Gonyiinii sating jai tei jusii kadapei pat tangpo katu tam wobuile, nlenii tinglang mah tiikamangou siitinii kadapei pat tangpo katu tipei wolakle.

⁴Kashyii kahong ninado meinou meinahgo kashyii katiimei ha ainii tiika- mangou siiti hangninii fiile, nlenii Jonah mah tiikamangou siiti teisupii tiikamangou siiti hangninii kado pyiilakle.” Teipiinii mpounii ahnyiigo toi aisii tat tutakle.

⁵Jisu ninado mpou boumeinii dwijai lugang ka majupat katu tinglang kak, ahnyiinii mangai aisii tiirok pang kado pung sutakle.

⁶Jisunii ahnyii dakii tamle, “Fara- sismei ninado Sadhumei mah ahee kiteito sakai wolo ninado tiigatpii jumatou wolo.”

⁷Teito ahnyii karapii ahnyii kak kito “Nyiinii tiirok pangkado pung kasu jangpii mpounii ai tam leitakle katupii rashiitu takle.”

⁸Ahnyiinii tam kalei tei Jisunii tiwosii mpounii tamle, “Tiirok pang- kado kaga mah kaang kito dajangpii gonyiinii gonyii kak kito rashiisii leipo? Oh kamalum kachengmei!

⁹Gonyiinii timakde rei? Inii mei thang mangii jangpii tiirok pang mangii tiikapak tinglang ki gonyiinii razyii kadazii poi ndwi wopo katu gonyii maning sutakde?

¹⁰Mak-kii tiirok pang sanapii mei thang madaigo pyii-chii katu sateichii razyii kadazii poi ndwi wopo katu gonyii maning sutakde?

¹¹Inii tiirok mah kaang kito gonyii dakii tam makle katu tei gonyiinii kada- kumpii timakpo? Farasismei ninado Sadhumei mah ahee kiteito sakai wolo.”

¹²Teito mpounii ahnyiigo tiirok kikii kai kalei ahee kiteito sakai wolosii tam makle, nlenii Farasismei ninado Sadhumei mah ralikapyii kiteito sakai wolo katupii mpounii tam leile katu tei ahnyiinii tiwotakle.

¹³Aitoinii Jisunii Kaisariya Filipi sazyiiki kagong tinglang kak, mpounii mpou-boumeigo n-nhiile, “Meihang- nii Meinah sapfii mpou aigo talesii tam leipo?”

¹⁴Ahnyii kangkanii tamle, “Jon dwi mpum kapyiipii teile, kangkanii Isaiyale sateichii kakimeinii Jeri- maiya mak-kii Lungkakalingmei kak kito hangniniile sii tamle.”

¹⁵Mpounii ahnyii dakii tamle, “Nlenii gonyiinanii n-gu taleziipo?”

¹⁶Simon Pitarnii khekalatle, “Nang karing Saraanah sapfii mpou teile.”

¹⁷Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

¹⁸Sateichii Inii godakii tam leile, Nang Pitar-le, sateichii kuitu kadi aiphyiiryiikii Inii gumah charsh tiimakhii tangle sateichii katai teinado teigotei ngamsang ngampei wolakle.

¹⁹Inii godakii sating gam sazyii mah chabyii tei pyiitangle; sazyii pouryiito nangnii mazhii kasu tei sating gamtodo mazhiilakle, sateichii sazyii pouryiito nangnii kamazhii tei sating gamtodo mazhii tangle.”

²⁰Teito mpounii mpou boumei dakii I-Kristale katu ai meidakado tam sulosii mwija pyii takle.

²¹Teitinglang sekpii Jisunii mpou boumei dakii mpounii Jerosalem ki maasii katingmei, tingdimei sateichii ajaitingshang kati ojamei bah kito kamage kalak hangka doutang karamle; sateichii gitangle ninado leimik hangtum piineinii ringkhii tangle katu ai mangoutu takle.

²²Sateichii Pitarnii mpougo lat mpat tham wosii mpougo n-gisii tamle, “Saraanii ai ai mpatsei matu sulo, Bangpii! Godato teitei mpat- sang mpat matulak tang karamle!”

²³Nlenii mpounii nryiigong Pitar dakii tamle, “Gudato tat tulo, seitan! gujangpii nang pi kapiiswi hang- niniile, kadapokii gomah kamaning lungswi hang ai Saraa dato gong makle, nlenii meinah datole.”

²⁴Teito Jisunii mpou boumei dakii tamle, “Mei kata hangninanii gutai swinyii leponii, mpounii mpouroinapii mpougo mazhiisu matulo sateichii mpounii mpoumah Krosh tei poi ma- tusii gutai swi matulo.

²⁵Kadapokii mpoumah karing keikanyii meihang teinii teitei maga tangle sateichii gujangpiinii karing maga kalei mei hangteinii teitei doutangle.

²⁶Kadapokii mei hangninanii sazyii pouryii hang doutakpokii, mpou mah karing maga aileponii, mpoumah liipat kadapei leipo? Mak-kii mei hangninanii mpou mah karing tei kadapeipii kahek wobuipo?

²⁷Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

²⁸Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”