Read Maram Naga MARK 9 Bible Online

MARK 9 - Maram Naga bible

MARK 9

¹Sateichii mpounii ahnyii dakii tamle, “Inii gonyii dakii kasang- pii tam leile, aikito satsii kalei ahnyii mei kangkanii Saraa mah sating sazyii tei teimaham haisii kagong ngou kasuta taiga lakle.”

²Zang-saruknii tai Jisunii Pitar, Jems ninado Jon ahnyiigo roinii pangsii zang kasagoi hangniniiki pile, sateichii mpounii ahnyii doito jaitalui tei kali takle.

³Mpou peimani tei haranousii seilik-lik pat takle, sazyii pouryiimei peimani kakatamei mei hangninii kaniido teiziikii kata maha woleimakle.

⁴Teito mpoubou- mei hangtum teinii Ilaijah ninado Moses-nii Jisugo riishii kalei tei ngoule.

⁵Sateichii pitar-nii Jisuda tamle, “Madhiikapyiipii, nyiinii aiki kabam ai bitakle; nyiinii dwipeiki hangtum, gojangpii hangninii, Moses jangpii hangninii sateichii Ilaijah jangpii hangninii tiile.”

⁶Kadapokii mpounii dapei sam tam tangpo katu tisutakle, dapochiinii ahnyii tei hangkapii hingtakle.

⁷Teito kamong teinii gongsii ahnyiigo gomnei wotakle, sateichii kamong kiteito lat hangninii mashiile, “Ai ai Inii lungkasyii gunah sapfii mpou teile, mpounii katam tei gonyii swilo.”

⁸Teito ahnyiinii kalangsii n-nuk nryiisii jule, nlenii ahnyiigo kaswi kalei tei Jisu roisupiinii mei kaki hangninii kado ngoumakle.

⁹Sateichii ahnyiinii zang gam teito tat kahum tinglang kak, Jisunii ahnyiigo kakhat katwumsii tamle, meinah sapfii mpou teinii katai kito ringkhiiloi kasuta gonyiinii ngou kalu hangtei meida kado tam mati sulo.

¹⁰Ahnyiiniimpou sam taiswisii makum wotakle, nlenii ahnyiiroi- napii karashiitu takle, “Katai kito ringkakhii katu ai kadapeipo?”

¹¹Sateichii ahnyiinii Jisuda n-nhiile, “Kadajangpii ajaitingshang kati ojameinii Ilaijah gongrei tanglesii tam leipo?”

¹²Jisunii ahnyii dakii khekalatle, “Kasangle, Ilaijahnii gongrei tangle amahlyii tiikada tang karam jangpii, nlenii meinah sapfii mpou teinii kamage hangka leh-tangle sateichii mpougo mazhiilakle katu ai kada- jangpii kabi rasam kikii ryiibampo?

¹³Nlenii Inii gonyii dakii tam leile, Ilaijah teinii gongtakle, sateichii ah- nyiinii mpougo tiikanyii tei tiitakle, mpoumah kaang kito ryiikabam kumpii.”

¹⁴Sateichii ahnyiinii mpoubou- meida gong wosek-kii, meimoinii ahnyiigo bangbungsii kalei sateichii ajaitingshang kati ojameinii ah- nyiigo chyii n-gisii kalei tei ahnyiinii ngoutakle.

¹⁵Sateichii binasek-kii meimoinii Jisugo ngou wosek-kii hangkapii sung gatakle, sateichii ahnyiinii mpouda pakpi mpougo salam tiile.

¹⁶Teito mpounii ahnyiigo n-nhiile, “Gonyii ahnyiigo kadapei sam kakai leipo?”

¹⁷Teito meimoi kak kito mei hangninanii mpougo khekalatle, “Madhiikapyiipii, sara kashyii kaswi kalei lat pat kasu gunah sapfii mpougo Inii goda pang gongleile.

¹⁸Sateichii mpougo sara kashyii tei- nii kajumta mpougo sazyiikii chyiido chyii koule, sateichii mpoumwi kito mahom patle, sateichii aghii kagetsii pum ai teikok-kok nkungruru tule; Inii go boumeigo ai sara kashyii ai baatoi seilosii tamle, nlenii ahnyiinii baatoipei wolak kiile.”

¹⁹Teito Jisunii ahnyii dakii khekalatle, “Oh, kamalum kagamei ha, Inii gonyiigo kadatakii kaswisii bam tangpo? Inii gonyiigo kaswisii kadatakii pungha tangpo? Mpougo guda pang patlo.”

²⁰Teito ahnyiinii nah sapfii mpou gotei mpouda pang gongle. Sateichii sara kashyii teinii mpougo ngou wosek-kii, binasek-kii nah sapfii mpou gotei tiimachii tii- manhii pyii takle, sateichii mpounii sazyii koumang ndangtak-taksii mwi kito poktai mahom tourum-rumsii bam takle.

²¹Teito Jisunii mpou- pfiida n-nhiile, “Mpou gamto aitiisii pat kalei ai kadatakii takpo?” teito mpounii tamle. “Tiina kaleidouto takle.”

²²“Sa- teichii ainii mpougo tiimaga tang karam jangpii, dwi mi kikii toikai- sang toikaile; nlenii nangnii tiikabui leidinchiinii nyiigo lungsyiisii tiihalo.”

²³Teito Jisunii mpougo tamle, “Tiibuichiinii, katutei! Kamalum kalei ah jangpiinii mahlyii hangtei tiiwobuile.”

²⁴Binasek-kii nah sapfii mpou mah pfii teinii saasii tamle, “I-ma- lumle; gumah kamalum tang kasu ai tiihalo!”

²⁵Sateichii meimoinii ahnyiida pakpi kalei tei Jisunii ngou wosek- kii, mpounii sara kashyii gotei n-gisii tamle, “Nang, khoi kapang lat kaga rangii, Inii n-go kakhat leile, aipou dato pat tolo sateichii mpouda nlaisang nlailiit loi sulo.”

²⁶Teito rangii teinii saasii nah napou gotei tiimachii tiimanhii pyiisii pat-to takle. Nah napou tei kataimei takum takle, sateichii meimoinii tamle, “Mpounii taitakle.”

²⁷Nlenii Jisunii nah napou gotei bahto jum makhii masat takle, sateichii mpounii tusat-to takle.

²⁸Sateichii Jisunii ki kalung liit sek-kii mpou- boumeinii mpougo makumpii n-nhiile, “Dajangpii nyiinii rangii kashyii gotei baatoipei wolek kiipo?”

²⁹Teito mpounii ahnyii dakii tamle, “Ai kakum ai kariitapii supii- nii kaki hangninii paniido baatoipei lakle.”

³⁰Jisu ninado mpouboumeinii teibam tei toi aisii doidoi tat tutakle, Galili tei tat majusii Jisunii mpou kaleini tei meigo kado timatunyii makle.

³¹Dapochiinii mpounii mpou- boumei dakii ralipyiisii bamle; “Meinah sapfii gotei mei bah kikii pyiitoi tangle sateichii ahnyiinii gi- tangle, nlenii jangtumnii tai mpounii ringkhii tangle.”

³²Nlenii ralikapyii samtei kada- peipo katu tei ahnyiinii tisutakle, sateichii ahnyii tei mpougo n-nhii- hing takle.

³³Sateichii ahnyii tei Kaiparnam ki gongle, sateichii kilung liit sek-kii, Jisunii mpouboumeida n-nhiile, “Gonyii dajangpii pwidi lamto kakai leipo?”

³⁴Nlenii ahnyii tei malhiisu takle; dapochiinii ahnyii kak kito ahnyii roinapii pwidilamto “Tanii kadi disangpiipo” katu kaang kito kakaisii leile.

³⁵Jisunii hum bam wotakle, sateichii mpouboumei keariisiinakhii gotei lat magongsii tamle, “Mei kata kangkanii karei reisang tei tiinyii lepochiinii mpounii meihang kakto kana nasang sateichii meihang mah nga-nga matulo.”

³⁶Sateichii mpou- nii nah kacheng hangninii ketsii ahnyii doikii masat takle, mpounii mpou bah teipii nah gotei gaisii ahnyii dakii tamle,

³⁷“Mei kata kangkanii ai kakum nahmei kacheng kak kito hangniniigo gu zei kito lukaipyii leponii, n-gu lukai leile, sateichii mei kata kangkanii n-gu lukai leponii, n-gu lukai makle, nlenii n-gu lang kamagong mpou gole.”

³⁸Jon-nii mpouda tamle, “Madhii- kapyiipii, mei hangninanii gozei kito sara kashyiigo baatoi kalei nyiinii ngoule, teito nyiinii mpougo namle, kadapokii mpounii nyii-tai kaswimei makle.”

³⁹Teito Jisunii ahnyii dakii tamle, “Mpougo nam sulo; dapochiinii gu zei kito kamadat tha tiisanii n-gu kalangsii tam mashyiiwo kabuimei mei kado gale.

⁴⁰Kadapokii kata kangkanii nyiigo mazhii kasu tiika- sumei teinii nyii jangpiiniile.

⁴¹Inii gonyii dakii kasangpii tam leile, mei kata kangkanii gonyii ai Krista meile katu jangpii dwi peek kado gonyiigo pyiisak lepochiinii ah mah lang teinii madou kado gasang galakle.

⁴²“N-gu malumsii kalei nahmei kacheng ai kak kito hangniniigo kado mei kata kangkanii ah mah kamalum tei tiimaga aisii kem kama kikii chyiikai aileponii; ah jangpiinii kakaryii kuitu kadi hangninii kagung kikii kuikaisii dwijai kikii toikai kalei teiniipou bibwile.

⁴³Sateichii go bah hangninanii n-go kem tiimatusii leileponii ryiitoi ailo, go-bah hangna pungsii kalui kaga mibam ki liit katu sungnii; go-bah hangninii pungsii karing bamki liit kalu teinii gojangpii bibwile.

⁴⁴(Mibam kitei ahnyiigo kari kounah matai tei taisang tai leimakle, satei- chii ahnyiigo karu mitei miitsang miitlei makle.)

⁴⁵Sateichii gopi hangninii teinii n-go kem tiimatusii lei lepochiinii ryiitoi ailo, kadapokii pi hangna pungsii mibam kikii toikai kalei sungnii pi-lipii karing bamki liit kalu teinii gojangpii bibwile.

⁴⁶(Mibam kitei ahnyiigo kari kounah matai tei taisang tai leimakle, satei- chii ahnyiigo karu mitei miitsang miitlei makle.)

⁴⁷Sateichii gomik hangninanii n-go kem tiimatusii lei lepochiinii, go-mik tei lat toi ailo; gomik hangna pungsii mibam kikii toikai kalei sungnii mik-lipii Saraa mah sating sazyii bamki liit kalu teinii gojangpii bibwile.

⁴⁸Mibam kitei ahnyiigo kari kounah matai tei taisang tai leimakle, sateichii ahnyiigo karu mi tei miitsang miitlei makle.

⁴⁹“Kakarat pot tei athaipiinii tiikamatei takumpii meihang go mipiinii tiimatei tangle.

⁵⁰“Athai ai kabile; nlenii thai teinii ahmah kakum tei maga aitakleponii kada takumpii nangnii thai tei tiimakumloi wotangpo? Thai takumpii kakum tei gonyii dato leilo, sateichii hangninanii hangniniigo majungsii lunglo.”