Read Maram Naga JON 6 Bible Online

JON 6 - Maram Naga bible

JON 6

¹Aitai Jisunii Galili mah dwijai, Tiberiya dwijai, lugang khii takle.

²Sateichii meimoinii mpoutai swileile dapochiinii mpounii rakanimei dakii tiikamangou siiti hangtei ahnyiinii ngoutakle.

³Jisunii zang gamtei tatpisii, mpou boumeigo kaswisii bamle.

⁴Aitoinii Jehudimei mah takbai, kaakamaju mah takbai tei natakle.

⁵Teipiinii Jisunii rajang makhii, meimoinii mpouda gongkalei tei ngou wosii Filip dakii tamle, “Ahnyiinii chiitang karam jangpii nyiinii kada kito lyiitangpo?”

⁶Mpougo jaiju tang karam jangpii Jisunii ai ai mpougo tamle, dapokii mpounii kadapei chiitangpo katu mpouroinapii mpounii tile.

⁷Filipnii mpougo khekalatle, “Dinar haina mai tiirok lyiichiido ahnyii meihangnii cheng chengna kachiido buiwolakle.”

⁸Mpoumah boumei kak kito mei hangninii Saimon Pitar sanapii Andrunii mpou dakii tamle,

⁹“Tiirok pang mangii ninado kaa pakna haikalei nah sapfii mei hangninii aiki leile, nlenii mei aitiidzyiikii kak kito teiteinii dapei tiitangpo?”

¹⁰Jisunii tamle, “Meihang gotei ntombam matulo,” sateichii teibam kitei hiinhii hangka lungleile; aitiisii sapfiimei thang mangiikii ntumbam takle.

¹¹Teito Jisunii tiirok tei poisii, hakalang tamsii ntombam kaleimei hang dateikii jai takle, teitakumpii mpounii kaa teido ahnyiinii kama- reita tei jaipyii takle.

¹²Sateichii ahnyii hangnii moi maghii kaleitai, mpounii boumei dakii tamle, “Samah kado maga kasu tiisii, masak kalei tiirok kapang hangtei poi ndwi wolo.”

¹³Teipiinii ahnyiinii teitei poi nkom wotakle, sateichii meihang teinii chiisii, tiirok pang mangii kiteito kamasak taksak tei razyii kearii- siinakhii kai tokryii wotakle.

¹⁴Teijangpii meihang teinii mpounii tiikalei tiikamangou siiti tei ngoukalu kito tamle, “Sazyii pouryii gongtang karam Saraa mah Lung- kakalingpii tei kasangpii aile.”

¹⁵Mpougo sagong tiimatu tang karam jangpii, ahnyiinii gongsii pumtei tiisii jumle ziitakle katu Jisunii tiwosii, mpouroinapii mpounii zang gam tat tutakle.

¹⁶Tingkhiiliit sek-kii mpou boumei teinii dwijai kitei tat hum takle;

¹⁷sateichii ahnyiinii malyii- lung liit tong wosii Kaiparnam katang dwijai kaale, sateichii aitoinii myiitakle; sateichii Jisunii ahnyiida gong makle rei,

¹⁸sateichii tingkai teisii gwikatu jangpii dwijai tei sagoi khiitu takle.

¹⁹Ahnyiinii mail tang- tum madaikii hoipat sek-kii, Jisunii dwijai pouryiito pipii tatpisii malyii kutei manangpi kalei tei ahnyiinii ngoutakle, teito ahnyiinii hangkapii hingtakle,

²⁰Nlenii mpounii ahnyii dakii tamle, “I-le hingsulo.”

²¹Teito ahnyiinii mpougo mazhiisii malyii lungkii lukai wotakle sateichii tei- sek-kii ahnyiinii tatsii kalei sazyiiki tei malyii tei gongtang wotakle.

²²Supounei leimik dwijai lugamto kalei mei teinii teikitei malyii hang- ninii roinii leitakle katu sateichii Jisunii mpou boumeigo kaswisii mal- yii lung liit sutakle, nlenii mpoumah boumei hangteinii mpougo haisupii ahnyii roinapii tat tutakle katu tei titakle.

²³Teitii kado Abangpiinii hakalang pyii kaleitai ahnyiinii tiirok kachii bam kutei Tiberiya kito malyii chengniikii gong takle.

²⁴Teipiinii Jisudo boumei hangdo teibam kitei gatakle katu tei meihangnii ngou wosek-kii, ahnyiinii malyii lungtei liit tosii Kaiparnamki Jisugo fiigong takle.

²⁵Ahnyiinii mpougo dwijai lugangkii dou wosek-kii, ahnyiinii mpougo tamle, “Rabbi, (Katunii Madhiikapyiipii) nang aiki kadadou gongpo?”

²⁶Jisunii ahnyii dakii khekalatle, “Inii gonyii dakii kasangpii tam leile, gonyiinii n-gu fiikaleinii tiikama- ngou siiti ngoukalu jangpiinii makle, nlenii gonyiinii tiirok tei chiiwosii moi maghii kalu jangpiiniile.

²⁷Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

²⁸Teito ahnyiinii mpou dakii tamle, “Saraanii kamarei tha tiisii leitang karam jangpii, nyiinii kada dapei tiitang karampo?”

²⁹Jisunii ahnyii dakii khekalatle, “Mpounii lang magong kabam ahgo gonyiinii kamalum katu ai Saraanii kamarei tha teile.”

³⁰Teito ahnyiinii mpou dakii tamle, “Teitiileponii nyiinii ngouwosii n-go malum wokabui jangpii nangnii kadapei kamadat tiikamangou siiti tiipyii tangpo? Nangnii kadapei tiimangou tangpo?

³¹Nyii Pfii nyiipaomei hangnii sazyii kamarong kito manna chiitakle, aitiisii ryiikabam takumpii, ‘Mpounii sating gamto kachii pot chiimatu tang karam jangpii ahnyii dakii pyiile.’ ”

³²Teito Jisunii ahnyii dakii tamle, “Kasangpii Inii gonyii dakii tam leile, gonyii dakii sating gamto kachii pot kapyii tei Mosesnii makle, nlenii gu pfiinii gonyiigo sating gamto kasang kachiipot tei pyiile.

³³Kadapokii sating gamto humsanii sazyii pouryii dakii karing kapyii tei Saraa mah tiirok teile.”

³⁴Ahnyiinii mpou dakii tamle, “Bangpii sating kata tiirok ai nyiigo pyiilo.”

³⁵Jisunii ahnyii dakii tamle, “Karing mah tiirok tei I-le, guda kagongmei hangteinii moi mazyii- lakle, sateichii n-gu kamalum mei hangteinii saryiisang saryiiloi lakle.

³⁶Nlenii Inii gonyii dakii tam takle, gonyiinii n-gu ngoutakle teitii kido malum makle.

³⁷Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

³⁸Kada- pokii gumaning gu marai roinii tiitang karam jangpii sating gamto Inii hum makle, nlenii n-gu lang ka m-mang ah mah kamaning kamazhii tei tiitang karam jangpii humle;

³⁹Sateichii n-gu lang kamagong ahmah kamaning kamazhii tei aile, ahnii gudakii pyii kabam hang kiteito Inii mah hangninii kado ma- gasupii, kalui piinei leimik ahnyiigo ringkhii matu tang karam teile.

⁴⁰Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

⁴¹Teito Jehudimei hangteinii mpougo manam marangtu takle, kadapochiinii mpounii tamle, “Sating gamto kahum tiirok tei I-le.”

⁴²Ahnyiinii tamle, “Ai nyiinii mpou pwi mpou pfiigo tisii kalei, Joseph nah sapfii mpou teimakde? Inii sating gamto humlesii aitoi mpounii kada takumpii tamleipo?”

⁴³Jisunii ahnyii dakii khekalatle, “Gonyii kak kito manam marangsulo.

⁴⁴N-gu lang kamagong Pfii teinii ahgo gudakii chyiigong pyii suleponii, mei kaniido guda gongpei wolakle, sateichii Inii mpougo kalui piinei leimik tiimaringpyii tangle.

⁴⁵Aitiisii lungkakalingmei mah larek kikii ryiibamle, ‘Sateichii ahnyii hang go Saraanii ralipyii tangle.’ Pfii dato shiikalu ninado rali kalumei hang- teinii guda gongle.

⁴⁶Mei kata hang- ninanii Pfiigo ngoutakle katu mah makle, Saraa dato kagong ahtei roinii Pfiigo ngoule.

⁴⁷Kasangpii Inii gonyii dakii tam leile, malumsii kaleimei hangteinii kalui kaga karingtei doutakle.

⁴⁸Karing mah tiirok tei I-le.

⁴⁹Gonyii peipaomei hangnii sazyii kamarong kito manna chii wotakle, ninado ahnyii tei taitakle.

⁵⁰Mei kata hangninanii chii wosii tailak tang karam sating gamto kahum tiirok tei aile.

⁵¹Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

⁵²Teito Jehudimei hangtei hang- ninanii hangniniigo ka n-gitu takle, “Mei aipou ainii kada takumpii mpoumah kamyii tei nyiigo chiilosii pyii wotangpo?”

⁵³Teipiinii Jisunii ahnyii dakii tamle, “Kasang, kasangpii Inii gonyii dakii tam leile, gonyiinii meinah sapfii mpou mah kamyii tei chii suleponii sateichii ahmah zaitei sak suleponii, gonyii dato karing tei gale.

⁵⁴Gumah kamyii kachiimei ninado gumah zai sak kalumei teinii kalui kaga karingtei doutakle, sateichii Inii ahgo kalui piinei leimik tiima- ringpyii tangle.

⁵⁵Kadapokii gumah kamyii ainii chiitak kasangle satei- chii gumah zai ainii kasak kasangle.

⁵⁶Gumah kamyii chiisii kalei ninado gumah zai saksii kalei ahteinii gudato taksupiinii leile, sateichii Inii ah dato taksupiinii leile.

⁵⁷Ringkalei Pfii teinii n-gu lang kamagong takumpii, sateichii Inii Pfii jangpii ringkalei takumpii, n-gu kachiimei hangteinii gu jangpii ahdo ring tangle.

⁵⁸Sating gamto kahum tiirok tei aile; peipaomei hangnii chiiwosii taikaga takum makle, tiirok ai chii kalumei hangteinii kalui kaga tiisupii ringtangle.”

⁵⁹Mpounii Kaiparnam kito rali- kapyii tinglang kak, sam ai mpounii Jehudimei ndwibam kito tamle.

⁶⁰Mpoumah boumei hangkanii sam ai shii wosek-kii tamle, “Ai sam kahungle, tanii ai ai shiipei wobuipo?”

⁶¹Nlenii mpoumah boumei hangteinii ai kaang kito sampei kalei tei Jisu sekpiinii tiwosanii ahnyii dakii tamle, “Aipiinii gonyiigo sadoishyii matu leipo?

⁶²Teitiileponii meinah sapfii mpou teinii nubam kitei khii katu gonyiinii ngouleponii, kadale tang?

⁶³Karing kapyii tei Saraa mah rangiiniile, meinah mah teimaham teinii samah kado kabi tei gale. Inii gonyii dakii katam samtei rangiile, ninado karingle.

⁶⁴Nlenii gonyii kak kito malum kasumei kangka leile. Kadapokii malum kasumei hangtei tatapo? Sateichii mpougo schoi choikai tang karam mei tei tatapo katu Jisunii saroisekto tile.”

⁶⁵Sateichii mpounii tamle, “Kaang aijangpii Inii gonyii dakii tamle, katunii pfiinii ahgo pyii kasutanii mei kaniido guda gongpei wolakle.”

⁶⁶Aijangpiinii Jisu mah boumei hangkanii tai nlai tutakle ninado mpougo kaswisii tatloi sutakle.

⁶⁷Teipiinii mpounii boumei kearii- siinakhii dakii tamle, “Gonyiido tat tunyiipo?”

⁶⁸Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

⁶⁹Sa- teichii nangnii Saraa mah kamatei teile katu nyiinii malum wotakle ninado titakle.”

⁷⁰Jisunii ahnyii dakii khekalatle, “Inii gonyii keariisiinakhiigo kalai wotak makpo? Sateichii gonyii kak kito hangninanii seitanle!”

⁷¹Saimon Iskariot nah sapfii mpou Judas mah kaang kito sam ai mpounii tamle, kadapokii keariisiinakhii kak kiteito hangninii ainii mpougo schoi choikaine leitakle.