Read Maram Naga THA 14 Bible Online

THA 14 - Maram Naga bible

THA 14

¹Toinii Ikoniam ki teito mpou- piinanii kaswisii Jehudimei mah ndwiki nitei liit takle sateichii samtei tam katu kito Jehudimeido Grikmeido mei hangkii malum wotakle.

²Nlenii malum kasu Jehudimei teinii lui kakimei lungtei riiteikai pyiisanii, kangsanamei phyiiryii teikii karyiitu takle.

³Teijangpiinii ahnyiinii Bangpii paikito kahing gasii karashii sii teikito tinglang kathangkii bam takle, ahnyii bahpiinii tiikamangou ninado kamadat kamadat tiimangou pyiisii mpoumah kalungset mah samtam kito mpounii sakchyii pyii takle.

⁴Nlenii teiki namdiki meihang teinii tat n-noutakle sateichii mei chengniikanii Jehudimei doi ninado mei kangkanii Tiilamlwi kapyiimei doi sat takle.

⁵Sateichii ahnyii mah apum katii- meigo kaswisii lui kakimei sateichii Jehudimei hangteinii ahnyiigo tii nroutang karam jangpii ninado kuitupii rot tang karam jangpii koi nrung tei pat sek-kii,

⁶ahnyiinii teitei tigong wosanii, Lukaonia kito kalei Lustra ninado Derbe namdiki sateichii teiki pungbang hangki pak gong takle;

⁷sateichii teikito ahnyiinii kabi rasam tei tam ralipyiile.

⁸Sateichii Lustra kito api lui lung kama, pwi moilungto pi tuisii lung ka m-mang, tatsang tatpei kalak sa- pfiimei hangninii kadoutakle.

⁹Sapfii mpou aipou ainii Polnii tam kalei tei shiileibangpii, Polnii mpougo tiigat- pii jusii, tii-mbipyii matu tang karam jangpiinii mpoumah kalei kamalum tei ngou wosek-kii,

¹⁰lat sagoisii tamle, “Gopi gamto sat majyiitok wolo.” Teito mpounii nkung tusii tat tutakle.

¹¹Sateichii Polnii tiikalei hangtei meimoinii ngou wosek-kii Lukounianmei latpii, “Sara hangnii meijai talui poisii nyiida gongpyii takle!” sii lat sagoisii saale.

¹²Sa- teichii ahnyiinii Barnabas go Zeus, sateichii Pol go, mpounii sam katam aphyii kasat taiswisii Markuri sii latle.

¹³Sateichii teinamdi ki leimik kapat lamto kalei Zeus mei mah Saraa kamaning ki kanat kajum Atingpii teinii twom madang hang ninado hiipa tiipok tei takam kamwiku poigongsii, kakarat pyiika- toi tei meihang go kaswisii tiilesii tam takle.

¹⁴Nlenii Tiilamlwi kapyiimei tei, katunii, Barnabas ninado Polnii teitei shiiwo sek-kii, ahnyii-pei mani hetriit tosii meihang kak ki ntoi liitsii saasii tamle,

¹⁵“Gonyiinii tha aihang ai kada tiisii tiileipo? Nyiido mei- nahle, gonyiigo njoi katumeile; gonyiinii kakadak tha hangkito ringkalei aiki aito Saraada nryiigong wokabui jangpiinii kabi rasam ai nyiinii gonyii dakii pung gong leile. Mpounii Sating, sazyii, dwijai ninado matum madum ailung aito kalei hang ai tiipyii takle.

¹⁶Tukalei ha kareiki mpounii luihang go ahnyiinii kamaning kamarei pwidi hangki tat matutakle.

¹⁷Nlenii mpoumah sak- chyii gasanii kaibam makle, katunii mpounii kabi tiipyiisii sating gamto tingryii ninado ati kamati tingkum tinglang hang tiipyiisii gonyii lung ai kachii kasakpii ninado kasamou teipii kasaat pyiile.”

¹⁸Sateichii ai ai tamsii ahnyii dakii pyiitoi tang karam pyiikatoi kakarat hangtei ahnyiinii kamagesii namtakle.

¹⁹Nlenii Antiyok ninado Ikoniam kito Jehudimei hangteinii teiki tei gongtakle; sateichii ahnyiinii mei- hang go katwikai pyiisanii, Polgo kuitupii rotsii, mpou taitakle katupii maningsii namdi kiteito sabakii mpougo chyiipat toi aitakle.

²⁰Nlenii Boumei teinii mpou kuto gong ndwiwo sek-kii, mpounii gungtu sat tosii namdi kitei liit takle sateichii supounei kakum kiteito Barnabas go kaswisii Derbe sazyiiki tat tutakle.

²¹Sateichii ahnyiinii teiki namdi ki teito kabi rasam tam ralipyiisii meihang kago boumei tiiwosii Lustra, Ikoniam ninado Antiyok ki nlaigong takle.

²²Bamlyii hang ki teito boumei lung tiisangting pyiisii kamalum kiteito taksupiinii bam matutang karam jangpii katwisii kamage kalak hangkago kaswisii nyiinii Saraa mah sating sazyiiki liit tang karamlesii tam ralipyiile.

²³Sateichii ahnyiinii malot karyii ninado kariita njasii Charsh hang kito ahnyii jangpii katingmei hang kalai mpatpyii kaleitai, ahnyiinii kamalum Bangpii dakii ahnyiinii ahnyiigo pyii aitakle.

²⁴Teito ahnyiinii Pisidiya tat majupatsii Pamphaliya ki gongtakle.

²⁵Sateichii ahnyiinii Perga kikii kabi rasam tei tampyii sanii, Attaliya ki tat hum takle.

²⁶Teito ahnyiinii tiimasang kalu atha jangteipii Saraa mah kalungset kito ahnyiigo pyiika- bam Antiyok sazyii ki tei malyii hoisii gongtakle.

²⁷Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.

²⁸Sateichii ahnyiinii boumei hang go kaswisii tinglang kathangkii bam takle.