Read Maram Naga THA 24 Bible Online

THA 24 - Maram Naga bible

THA 24

¹Sateichii leimik mangiitai ka- nat kanhii kajum Tingditupii Ananiyasnii katingmei kangkago sateichii ajaitingshang kati ojamei hangninii Tertulas go kaswisii tat humsii governor Felix doi gongsii Pol phyiiryiikii ahnyiinii tam mashyiile.

²Sateichii Pol go lat tosanii Tertu- lasnii mpougo aitiisii tam mashyiitu takle: “He teimaham kajumpii Felix, gopaikito nyiinii hangkapii kamajung tei dousii kalei sateichii ai lui jang- piinii tiikalisu kashyii ajaitingshang kadaziikii tiikali pyiisii kalei taiswisii,

³nyiinii hangkapii maning kamakhang tei njasii mahlyii hang kito sateichii bamlyii hang kito nyiinii aigo lukaile.

⁴Nlenii Inii gomah tinglang kathangkii tiikadak kasu tiisii, golung kasyii teipiinii nyii sam kadwi ai shiisei matu tang karam jangpiinii khang leile.

⁵Kadapochiinii sapfii mpou ainii tiikamashyii tha katii sazyii pouryii hang kito kalei Jehudimei hang kak kikii n-gi nrung tiikakai sateichii Nazaret bemei mah apum katiimeile katu tei nyiinii doutakle.

⁶Mpounii Saraa kamaning ki gotei tiimaga tang karam jangpii tiile, teito mpougo nyiinii jum wotakle.

⁷Nlenii aphyii kasatpii Laisiasnii gong hungsii n-gisii nyii dato mpougo pang wotakle.

⁸Nyiinii mpougo tam mashyii kalei hang mah kaang kito gopum sekpiinii mpougo n-nhii lepochiinii mpou dato tiwo buile.”

⁹Sateichii tam kalei sam ai kasangle katupii satsii Jehudimei hangnii mpougo kasamjoi wotakle.

¹⁰Sateichii Governornii mpougo sam tam matu tang karam jangpii tinglang tei laatpyii sek-kii, Polnii tamle, “Nangnii tingkum kathangkii lui aimah samtak katiipii tiipi takle katu tei Inii tisii, n-gu dangtang karam gusam ai Inii nta ntasii khe leile.

¹¹Inii Jerosalem kito Saraago mata tang karam jangpii tat kapi tai leimik keariisiinakhii majumakle katu tei nangnii tiwo buile;

¹²Sateichii mei kata hangninii nei I-ka n-gi kajyii katu, mak-kii meihang go n-gi nrung tii ka-mpat Saraa kamaning kitodo, Jehudimei mah ndwi kitodo mak-kii namdi kitodo ahnyiinii doumakle.

¹³Ahnyiinii toi guphyii- ryiikii tam kamashyii hang ai kasangle katu tei tam majyiipei wolakle.

¹⁴Nlenii ai ai Inii godakii tam mpat leile, katunii ajaitingshang taiswisii kabam ninado lungkaka- lingmei mah larek bung kikii ryii kabam hangtei malumsii, ahnyiinii matou maklesii katam pwidi taiswisii Inii nyiipei nyiipaomei mah Saraa gotei mata leile.

¹⁵Iniido Saraa dakii kamalum tei bamle, ahnyiinii kabam takumpii, katunii, meihang, kabimeido kashyiimeido katai kito ringkhii tangle.

¹⁶Tei- jangpii Inii tinglang kaleita Saraa doitodo mei doitodo lung mateisii mbam tang karam jangpii tiile.

¹⁷Sateichii tingkum kathangkiitai Inii gului dakii tiikaha sateichii Sa- raago kakat pot poigong tang karam jangpii gongle.

¹⁸Inii aitii leibangpii ahnyiinii n-gu Saraa kamaning kilungto tiimatei kalu tei dou wole, tei kitei meimoido gale, n-gi nrungdo gale. Nlenii Asia kito Jehudimei chengniikii leile.

¹⁹Ahnyiinii guphyiiryiikii tam mashyii kanyii leileponii, godoito pat satsii guphyiiryiikii tam mashyiitu tangle.

²⁰Makchiinii Inii katingmei samtak katiimei doi sat kalei tinglang kikii ahnyiinii kama doukalu tei tam matulo.

²¹Sam hangninii aipou Inii gonyiidoi kasat kak tam mpatle, ‘gonyiinii n-gu tingnei samtak ai tiileile kadaponii Inii kataimei ai ringkhii tanglesii maning kamalum jangpii.’ ”

²²Sateichii Felixnii samtei tii- gatpii shii wosanii mpounii ahnyiigo tamle, “Samtak katiipii Lasias hum sekchiinii Inii gonyii mah siiset ai tiitakpyii tangle.”

²³Mpounii mwija pyiisanii koikalei kadipii dakii Pol gotei koi mbilosii tam takle. Nlenii mpougo mpou rangra katii sateichii mpou kangmeinii mpougo nga ngakajyii kito nam matu sulosii tam takle.

²⁴Leimik shangniikii sou kaleitai Felixnii mpou nou Jehudimei pwi Drusila go kaswisii gong, Polgo lat mpat tosii, Jisu Krista go kamalum mah kaang kito mpou dato sam shiitakle.

²⁵Sateichii tingshang kabi mpouroinapii mpoupum pung kama- jyii mah Sateichii gong tang karam samtak katii kaang mpounii karashiipi tusek-kii, Felixnii hingsii khekalatle, “Aitoi jangpiinii nang tat tulo, sateichii Inii tinglang kabi dousekchii n-go lat tangle.”

²⁶Tinglang aikak-kii Polnii mpougo sana pyiitang manasii mpounii maningdo maning takle, teijangpiinii mpougo latjat jatsii mpougo sam rashiile.

²⁷Nlenii tingkum hangna tat maju kaleitai Felix tung Porsios Festasnii abam touwole; sateichii Felixnii Jehudimei dzyii karanga tiinyiisii Polgo poi mpat pyiisupii kabang kikii kaibamsii toutakle.