Read Maram Naga ROMMEI 5 Bible Online

ROMMEI 5 - Maram Naga bible

ROMMEI 5

¹Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.

²Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

³Sateichii airoinii makle, nlenii nyiimah kamage kalak hang kito ntale, kamage kalak teipii leh kati;

⁴sateichii leh kati teipii Saraa mah kamazhii sateichii mpoumah kamazhii teipii doutang lesii maning kamalum tei patle katu tei nyiinii tile;

⁵sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

⁶Kadaponii nyiinii suisii kalei tinglang kak Saraanii, Saraago tika- sumei jangpii taipyii takle.

⁷Kada- ponii kasang kamajyiimei hangninii jangpii mei kata hangninanii taipyii tang karam ai hungle, Amei kabimei hangninii jangpiiniido mei hangni- nanii taipyii tang karam ai hing tangle.

⁸Nlenii nyiinii kem tiisii tiisii leibangpii Kristanii nyii jangpii taikapyii teipii Saraanii nyiijangpii mpoumah lungkasyii tei mangou pyiitakle.

⁹Teijangpii toinii mpou zai teipiinii nyiigo tiimajyii pyii takle; mpounii kisii nyiigo Saraa mah rakarhii kito keipyii tangle.

¹⁰Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

¹¹Tei roisupii, Nyiinii aitoi Saraamah kanghemei tiikatu doumatu wokalu, nyii Bangpii Jisu Krista paito nyiinii Saraa dato ntale.

¹²Teijangpiinii mei hangninii jangpii kem, sateichii kem jangpiinii katai tei sazyii pouryii gongtakle, sateichii katai tei meihangda gong- takle. Kadapokii meihang ai kem pungleile.

¹³Ajaitingshang tei pyii kasunato kem katu tei sazyii pouryii leile, nlenii Ajaitingshang kaga ki teinii kem tei fiipyii makle.

¹⁴Nlenii Adam sekto Moses mah tinglang ka- tangtei katai teinii sagong takumpii magongsii leile. Adamnii kakhatsam tiipak kalei gotei njoisii kem tiika- sumei pyiiryiikii dole; Adam ainii gongtang karampii mah ajaitalui teile.

¹⁵Nlenii hangna teinii njoimakle, kadapokii Saraanii matapii kapyii luha teinii Adam mah kem takum makle. Mei hangninii mah kem jangpii meihangkii taitakle katu ai kasangle, nlenii Saraa mah jumage kapyii teinii disang dibwile, teipiinii mpoumah matapii kapyii luha tei meihangkago pyiile, Mei hangninii, Jisu Krista paito.

¹⁶Sateichii matapii kapyii luha tainii mei hangninii mah kem katii jangpii pat kalei teitakum makle: Kadaponii kem katii hang- ninii go samtak katii teinii kama tei pung gongle, nlenii kem hangkii kito matapii kapyii luha teipiinii tiimajyii pyiile.

¹⁷Kadaponii mei hangninii mah kem jangpii katai teinii, tei mei hangninii jangpii sagong takumpii magongsii lungleponii, jumage kapyii katokryii sateichii matapii kapyii kasang kamajyii tei doukalumei hangnii mei hangninii katunii, Jisu Krista jangpii tiilung kito Kisii disii sagong takumpii lung tangle.

¹⁸Teipiinii mei hangninii mah kem jangpiinii mei hang go kama kikii pang kagong takumpii, mei hangninii mah kasang kamajyii tha teipiiniido meihang go ring tang ka- ram jangpii tiimajyii kapyii kiteikii chyiitat pyii takle.

¹⁹Kadaponii mei hangninanii katam swi kasu jangpii mei hangkago kem katiimei tiimatu katu takumpii, hangninii mah katam kaswi jangpiiniido mei hangkago kasang kamajyii mei tiimatu tangle.

²⁰Kem tei moibuibui matu tang karam jangpii ajaitingshang teido gongtakle, nlenii kem moibui bui kalei nitei, Saraa mah jumage kapyii teido kisii moibuile.

²¹Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.