Read Maram Naga 1 KORENMEI 13 Bible Online

1 KORENMEI 13 - Maram Naga bible

1 KORENMEI 13

¹Inii meinah mah sateichii sating gamlui hang mah lat katham katham tambuisii lei kido malahle, nlenii Inii lungkasyii tei gu dato galeponii, I-ai sagyiikoi kapat mak-kii lak kalei pung hangninii takumle.

²Sateichii lungkakaling mah teimaham hangtei leikado satei- chii Inii Saraa sam tam ka-mpat mah luha tei dou kado, kamakum sam hang sateichii swirek kati hangtei tiwo kado sateichii zang hang go bam tii-nlai kabui mah kamalum hangtei Inii lei kado, lungkasyii tei galeponii Inii samah kado makle.

³Sateichii Inii gumah kabam hangtei pyiitoi aikado sateichii gupum ai miru matu tang karam jangpiinii pyiitoi aikado lungkasyii tei galeponii, aipiinii n-gu samah kado kabi tiipyii makle.

⁴Lungkasyii teinii lung leh kati sateichii jumage kati teile, lung- kasyii teinii meigo maimhii makle, mak-kii palhiidi leimakle.

⁵Lungkasyii teinii ajai kashyii tiileimakle, mpou jangpii roinii fiilei makle, rarhiilei makle, lungkasyii teinii kama tei poi ndwi leimakle;

⁶lungkasyii teinii tiikama kito nta leimakle. Nlenii kasang kamajyii kito ntale.

⁷Lung- kasyii teinii toisang toilei makle; mpou mah kamalum sateichii leh kati tei madou kasu tiisang tiilei makle.

⁸Lungkasyii teinii kalui gale, Saraa sam tam ka-mpatmei kangkii leile. Nlenii ahnyii teinii shangniikii jangpiile, lat katham katham katam mah luha hangkii leile, swirek kati tei leile, nlenii teiteinii gatu tangle.

⁹Kadapokii nyiimah swirek kati sateichii Saraa sam tam ka-mpat ainii bimasang womakle,

¹⁰nlenii bi- kamasang tei gong sekchii bimasang kasu ai gatu tangle.

¹¹Inii tiina kalei kak; nahmei hangninii takumpii Inii malhiile, nahmei hangninii takumpii Inii ma- ningle, nahmei hangninii takumpii Inii tile. Aitoinii Inii ting sek-kii, nahmei mah tingshang rali tei toi aitakle.

¹²Kadaponii aitoi nyiinii ngoukalei ainii skhiibung kito myii mararyii ryiisii ngou kalei khiina hangninii takumle; nlenii atainii jukarapii kadou tangle. Aitoi Inii kati ainii timashang womakle, nlenii atainii (Saraanii n-gu tikamashang takumpii) Iniido mashangsii titang- le.

¹³Teijangpiinii maning kamalum sateichii lungkasyii ai taksupii leile; sateichii ai hangtum kak kito kadi disang teinii lungkasyii teile.