Read Maram Naga IPISAMEI 3 Bible Online

IPISAMEI 3 - Maram Naga bible

IPISAMEI 3

¹Ai kaang jangpiinii, gonyii luikakimei hang jangpii Krista Jisumah kabang kito kaleimei hangninii tiisii kalei, Pol, Inii, Saraa dakii riitale,

²madousupii gonyiinii shiitakle, katunii Saraanii mpoumah jumage kapyii kito gonyii jangpii kabi tha tiilosii aimah tha ai gudakii pyiibam takle.

³Saraanii mpoumah tiitang karam karaang kamaning kamakum tei mati mangoule satei- chii gudakii mati pyiile. Ai kaang kito Inii dwisii ryiibamle.

⁴Sateichii Inii ryiikabam tei gonyiinii fiileponii, Kristamah kamakummah kaang kito gumah kati tei gonyiinii tiwobuile.

⁵Karei tinglang kinii aimah kama- kum ai meinah dakii tam makle, nlenii aitoinii teitei Saraanii rangii teipii mpoumah tiilamlwi kapyii kamateimei ninado doisam katam meihang dakii mati mangoupyii takle.

⁶Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

⁷Tha tiisii kalei mpoumah teimaham paikito gudakii pyiikabam Saraamah jumage kapyiimah luha kapyii taiswisii n-gu kabi rasam mah nga kangamei hangninii tiimatupyii takle.

⁸Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

⁹Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

¹⁰katunii, charsh paikito sating gam mah pum katiimei sateichii sating gam sazyii kito kalei teimaham hangnii Saraamah swirek kabi tei jai katham katham tiisii aitoi timatu tang karam jangpiile.

¹¹Saraanii saroisekto raang kabam teiswisii mpounii tiile, ai ai pat matutang karam jangpii mpounii Krista Jisu nyii Bangpiigo poisii tha tiitakle.

¹²Mpougo nyiinii kamalum paikito ninado nyiinii Kristago hangninii tiisii nja kalu kito, maning kamalum hangteipii lungnyii lunghou katu gasii lungdisii Saraa doi liit tang karam tei nyiinii doule.

¹³Teipiinii Inii gonyii jangpii kamage kalak pungsii kalei jangpii gonyii lung tailam nlaitu sulosii Inii gonyiigo khang leile; Ai hang ai gonyiimah kabi jangpiile.

¹⁴Ai kaang jangpii sating gamto ninado sazyii pouryiito kalei kikalung mpung hangnii mpou dato zei tak kabam,

¹⁵pfii doi teito Inii kok kumsii khangleile,

¹⁶katunii, alungto kalei mei dakii mpou rangii- mah paikito gonyiigo teimaham pyiisii tiisangtingpyii matu tang karam jangpii,

¹⁷sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,

¹⁸teimah det kamaja, ta kathang, sagoi ninado kathok tei kadapeipo katu tei gonyiinii kama- teimei hang go kaswisii titang kabui,

¹⁹sateichii meinah swipii tipei kalak Kristamah lungkasyii tei tikabui jangpii, katunii Saraamah katokryii hang teipii gonyiinii tokryii matu tang karam jangpii, Inii khangleile.

²⁰Aitoinii nyii lung kito tha tiisii kalei mpoumah teimaham teipiinii nyiinii kakhang mak-kii kamaning hang sungdo kisii moisii tikabui mpougo,

²¹Charsh kito ninado Jisu Krista zei kito meilui meiha hangnii kalui gasii pumtei kava tei matulo, Amen.