Read Maram Naga 1 TIMOTHI 2 Bible Online

1 TIMOTHI 2 - Maram Naga bible

1 TIMOTHI 2

¹Teijangpii karei reisang kito Inii tam katwi leile, katunii, nyiinii Saraago sadzyii ngariit tiisii sateichii koira gasii ninado majung makungsii lungtang karam jangpii,

²sagongbam ninado kasagoibam kito bamkaleimei hang jangpii, riita kakhang, kariita, kakimei hangninii jangpiinii kakhang sateichii hakalang sam katam hangtei Saraa dakii meihang jangpii tiipyiilo.

³Meihang go keipyii kanyii sateichii kasang gotei timatu kanyii,

⁴nyiigo keikapyii Saraamah mik doito ai ai ngoukabi ninado kamajyii teile.

⁵Kadapokii Saraa hangninii leile sateichii Saraa ninado meinahgo poigong nja kapyii hangniniido leile;

⁶mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile;

⁷teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

⁸Teipiinii sapfiimeinii rakarhii sateichii n-gi tei gasii bah kamatei tei poimatusii bamlyii hang kito kariita tei Inii mareile.

⁹Teitakumpii, sapwi- meinii ache katii ninado ka-nrou tei tisii peimani kai kamajyii kai katu tei Inii mareile. Phyiitaam kakhi teipii, mak-kii sona teipii, mak-kii mai kating kamaleek teipii, mak-kii mai kating peimani teipii supii, tha kabi kabi hang teipiinii tiimatou matulo.

¹⁰Kanat kabi pwilesii tam kalei sapwimei jangpii ai ai tiimajyiile.

¹¹Sapwimeinii lung kasana hang teipii rali matulo.

¹²Sapwimeinii ralikapyii mak-kii sapfiimei phyiiryiito teimaham kajum Inii mazhiimakle, mpoupeinii malhiilak tang karamle.

¹³Kadapokii Adamgo tii mpat reile, tei tainii Eve go tii mpatle;

¹⁴sateichii Adam go chuisii hemwo makle, nlenii sapwi mpei gotei chuisii hem wole, sateichii kem kama katiimei hangninii tiituwole.

¹⁵Nlenii sapwimeinii lung kasana tei njasii, kamalum kito, lungkasyii kito, sateichii kamatei kito taksupiinii leileponii mpoupei nah ka-mpung kito keipyii tangle.