Read Maram Naga 1 TIMOTHI 4 Bible Online

1 TIMOTHI 4 - Maram Naga bible

1 TIMOTHI 4

¹Rangiinii matei sageisii tamle, katunii kana tinglangki mei kangkanii kamalum tei rat toi aitangle; ahnyiinii kasang kasu rangii hangnii katam tei jaitangle sateichii seitan hangmah rali kapyii tei switangle;

²ai ai kachuimei mah kabijai tiikanyii kito patle, sateichii ahnyiinii ahnyiimah kasang kama- jyii tikabui lungswi kikii miru kama- gang sagyiipii rusii kaleimei teile;

³ahnyiinii kalakna katiido namle, sateichii kamalum mei ninado kasang tikalumeinii tam kamatoi katam njasii tiimatu tang karam jangpii Saraanii tiikapyii chiitak tei ryiimatu tang karam jangpii kakhatsam pyiile.

⁴Saraanii tii mpat kapyii hangteinii kabile sateichii hakalang tei njasii poi woleponii, mazhii kalak samah kado gale.

⁵Kadapokii Saraamah samtam ninado kariita teipiinii tiimatei matule.

⁶Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle.

⁷Nlenii tam kakadak, Saraa haikasu meinahnii likalu kakadak rasam ki teito mpaa wolo. Nang goroinapii Saraago kama- ning kiteito tiiralilo,

⁸kadapokii pumzaimah tiikarali teinii cheng- niikii jangpii roinii mai bamle, nlenii Saraago kamaning teinii aitoi jangpii sateichii gong tang karam mah ringtang karam riishii jumsii kalei jangpiinii mahlyiihang jangpii maiteengle.

⁹Tam kalei samtam ai matwisii lukai tang karam ninado malum tang karam jangpii kasangle.

¹⁰Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

¹¹Sam hang ai kakhatsii tam ralipyiilo.

¹²Nang karanumeile sii mei kata hangninaniido maning kamajaang tei tiimatu sulo; nlenii kamalum jangpii samtam kito, jairali kito, lungkasyii kito, kamalum kito, kamatei kito meigo tiikamangou hangninii tiilo.

¹³Inii gong kasuta, kabi rasam kafii kikii, tam katat kikii, karali kikii lungliitlo.

¹⁴Lung- kakalingmeinii tam ka-mpat sateichii katingmeinii go phyiiryiikii bah poikai katu tinglang kak, godakii pyiikabam, godato kalei rangiimah luha gotei kalet sulo.

¹⁵Mei hangnii gomah doitat kalei tha tei ngoukabui tiisii, aihang ai tiiralilo, teihang kiteikii goroinapii nangnii lung- pyiitoi ailo.

¹⁶Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.