Read Maram Naga 2 TIMOTHI 2 Bible Online

2 TIMOTHI 2 - Maram Naga bible

2 TIMOTHI 2

¹Teijangpii gunah sapfii mpou Krista Jisu dato kalei jumage kapyii kiteito nang sangtingsii bamlo.

²Sateichii sakchyii meihangkii doito nangnii gudato shiikalu tei mei kakimei dakiido ralipyii kabuimei dakii tiilosii tampyiilo.

³Krista Jisumah saryii kabimei hangninii tiisii kamage tei njai poi njoilo.

⁴Saryii katiimei kata hangni- naniido mpougo saryii tiimatu tang karam jangpii zei kaikapyiipii gotei dzyii karanga tiitang karam jangpii meida tiisii kalei mei machiimah tha hang kiteikii mpoupumgo poi nja leimakle.

⁵Pak kamaga katu ki haikalei nhok kamaga katumei hangninanii nhok mah ajai gotei swikasuta teinii mpounii alangh tei doupei wolakle.

⁶Kamagesii teisii tha tiikalei lu tha katamei teinii rachet kareimah njai tei doutang karamle.

⁷Inii kadapei tamleipo swi mashaklo, daponii mahlyiihang kito kati tei Abangpiinii n-go pyii tangle.

⁸Inii tam ralikapyii kabi rasam taiswisii kataimei kak kito ringkhii kalu, Devit mah tatreng kito kagong Jisu Krista gotei maninglo.

⁹Inii kabi rasam katam karali jangpii mei tiikanhii tiikaleimeigo takumpii reng kapei katang kamage kalak tei Inii leh takle; nlenii Saraamah samtam teinii peinei aimakle.

¹⁰Teijangpii kalai kalumei teiniido kalui kaga pumtei kava tei njasii Krista Jisu dato kalei keikapyii karing tei doumatu tang karam jangpii ahnyii jangpii Inii mahlyiihang pungpyii takle.

¹¹Tam kalei sam ai malum wobuile. Nyiinii mpougo kaswisii tai aitakleponii, nyiinii mpougo kaswisii ringdo ring njoitangle.

¹²Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

¹³Nyiidato malum kabui tei galeponii mpounii malum kabwi tei taksupii leile, dapokii mpounii mpouroinapii mpougo mazhii kasu tei tiipei wolakle.

¹⁴Ahnyiigo aihang ai tam maningpyiilo sateichii samah kado kabi kaga; kashiimei hang go tiika- maga sam kasousii kajyii matulak tang karam jangpii, Bangpii doito ahnyiigo tam kakhat pyiilo.

¹⁵Kasang mah samtei tiigatpii jum majyiisii kalei nroutang karam kaang kaga tha katiimei, Saraanii lukai kalumei hangninii tiisii gopum Saraa dakii pyiitang karam tei mahunglo.

¹⁶Saraa dato meigo kisii kisii chyiitai katu kakadak ninado kapang ka- mang mah sam karashii katu kiteito mpaa wolo.

¹⁷Teikakum ralikapyii teinii kamyiikang go chii kalei kataam rajam kapung takumle. Tei kakum ralipyii kaleimei hangna teinii Haimeneos ninado Filitas le.

¹⁸Aitoinii katai kito ringkakhii ai maju taklesii tamsii kasangmah pwidi kito mpaasii tat tukaleimei ainii mei kangkiimah kamalum tei tiimagasii leitakle.

¹⁹Teitii kido Saraamah bangmaa kasangting teinii nlaisupii satsii leile, aimah siiti ai pungsii; katunii “Bangpiinii mpoumah katu- mei hang go tile,” sateichii “Bangpii zeigo latsii kaleimei hangteinii kakui kama kiteito mpaa matulo.”

²⁰Sateichii ki kadi kitei sanah mah sateichii sanah raguibamah koklat roinii makle; nlenii ting mahdo sazyii rangrhii mahdo leile; sateichii koklat kangkago hungsii jumle sateichii kangkagonii mai malasii jum leile.

²¹Teijangpii mei kata kangkanii mpou roinapiinii mpougo kamala kito aihang tiimatei aitakle- ponii, mpounii maihungsii kajum tiimatei kalei ki apumpiinii jumtang karam jangpii kabi, sateichii tha kabi hang jangpiinii tiida kabam koklat hangninii tiitangle.

²²Teijangpiinii rahang ralhii mah marai majang hang kiteito nlek wole, kamatei lung- swi kiteito Abangpiigo kalatmeigo kaswisii kasang kamajyii lungkasyii sateichii kamajung teitei swilo.

²³Nlenii kapang kamang ninado tikasu ngoukasu sam kajyii katu teipiinii n-gi razyii tii-mpatle katu tei tisii teiki teito nlek wole.

²⁴Sateichii Bangpii ki kaleimeinii ka n-gi kajyii leimakle, nlenii bamlyiihang kito lung kamanoi rali kati lung leh kati,

²⁵ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

²⁶Sateichii ahnyiinii ahnyiimah swi kitei swiling gongsii ahnyiigo jumsii mpoumah kamaning kamarei teitei swi matusii kalei seitan mah mphee kiteito ahnyiinii nlek aido malahle.