Read Maram Naga HEBRUMEI 11 Bible Online

HEBRUMEI 11 - Maram Naga bible

HEBRUMEI 11

¹Kamalum ai nyiinii maning kamalum mah soisupii dou- leng tang karam, nyiinii mikpii ngou- peiwo kalak mah pot mah timaseng kalu aile.

²Kadapokii ndou kareimei hangnii ahnyiimah kamalum tei- piinii Saraamah kamazhii sakchyii tei douwole.

³Sazyii pouryii ai Saraamah sam- kangpii tii mpatpyii takle, teipiinii ngoukalei mahlyii hang ai ngoukabui mah pot hang kito patmakle katu tei, kamalum teipii nyiinii tile.

⁴Kamalum jangpii Abel-nii Ken sung kisii Saraa dakii kisii kabi kakarat pot tei pyiitoi takle; teimah paikito Saraanii mpoumah luha kapyiihang phyiiryii teikii kamazhii sakchyii pyiisii, mpounii kasang kamajyiimei hangniniile sii kamazhii sakchyii doutakle; mpounii taitakle, nlenii mpoumah kamalum paikito mpounii aitoido tamsii leile.

⁵Inoknii katai tei ngou matulak tang karam jangpii, kamalum teipiinii mpougo poimakhiitu takle; sateichii Saraanii mpougo poikalu jangpiinii mpougo dousu takle. Kabi rasam kito tamle, katunii, Inok go poimakhii kasuki, mpounii Saraa dzyii kabi tei tiitakle.

⁶Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.

⁷Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

⁸Kamalum jangpii Abrahamnii, mpougo lat katu tinglang kak, mahtou toutang karam mei hangninii takumpii, mpounii doutang karam sazyiiki katang tei tatpat tang karam jangpii katam tei swiwo takle; sateichii mpounii kadaki tat tangpo katu tisupiinii tatpat takle.

⁹Kamalum jangpii Saraanii mpou dakii riishii tiikabam sazyii kiteito sapumnah hangninii tiisii mpounii lungle, Saraa dato njoi katu riishii dou njoi katu Isak ninado Jakob takumpii mpounii dwipei kiteito lungle.

¹⁰Kadapokii Saraanii tiido tiikamakhii, lido likamakhii, bangmaa kalei namdi gotei mpounii rajangsii leile.

¹¹Kamalum jangpii Sarah niido tingkum tinglang jukalei tainii moi mpung tang karam mah teimaham tei doutakle, kadapokii riishii tiika- pyii ah teinii malum kabuile katu mpoupeinii malumle.

¹²Teijangpii kataimei takumpiinii kalei sapfiimei hangninii gamto sating gam sageiti kamoi mazhii sateichii syiipei kalak dwijaiku kangneng takumpii taa nahmei hangtei lungtakle.

¹³Riishii tiikabam tei dousupii, nlenii teigo tei ngou wosii, teigotei kadhii kito salam tiisii, ninado sazyii pouryiito ahnyii ai sapumnahle ninado sabameile katu tei tisii ahnyii hang tei kamalum kito taitakle.

¹⁴Kadapokii aitakumpii tam kalei mei ainii ahnyii jangpii ahnyiimah sazyii hangninii fiileile katu tei aipii mateisii mangoule.

¹⁵Ahnyiinii tat kapat sazyii gotei maningsii leile leponii, nlai kagong kabui tinglang kabi tei ahnyiinii doulei tang takle.

¹⁶Nlenii kisii bikaki sazyii katunii, sating gam mah ki hangninii, ai ahnyiinii dounyiiwo takle. Teijang- piinii ahnyiimah Saraale sii lat tang karam ai Saraanii nroumakle, kada- pokii mpounii ahnyii jangpii namdi hangninii tiikadapyii bamtakle.

¹⁷Abraham go jaikaju tinglang kak, kamalum kito mpounii Isak go kakarat pot hangninii tiisii Saraa dakii pyiitoi aitakle, sateichii riishii hang doukalu ah teinii mpounah sapfii mpou fiilipiigo tei kakarat pot hangninii tiisii Saraa dakii pyiitoi tang karam jangpii tiikada wotakle;

¹⁸ah mah kaang kito aitiisii tamle, “Isak paikito gotaa gonahmei hang go zei lat tangle.”

¹⁹Saraanii kataimei kak kitodo Isak go tiimaringpyii wobuile sii mpounii maning takle. Teipiinii tam kabam tei mpounii Isakgo katai kito douloi wotakle.

²⁰Gongtang karam tinglang kanaki jangpii Isaknii Jakob nei Isau dakii satoi hang pyiitangle sii riishii tiikapyii tei kamalum kitole.

²¹Kamalum kito Jakob-nii taituna, mpoumah koktui toi tei nkwimang matasii, Joseph nah sapfiimei nsang nsang gotei satoi pyii takle.

²²Kamalum kito Josephnii taituna Isrelmeinahnii Izip kito tat n-nou tang karam sam tamle, ninado mpougo tiigoi tang karam mah kaang kito tam kakhatpyiile.

²³Moses go lung wosek-kii, kamalum kito pwi pfiinii mpougo sakchyii hangtum ai poi kabai takle, kadapokii mpou ai ngoukabi nahmei hangniniile katu ahnyiinii ngou- takle, sateichii ahnyiinii sagong mah mwija gotei hingmakle.

²⁴Kamalum kito Mosesnii tingpat sek-kii Pharo nah sapwi mpei nahle sii lat katu tei mazhiisu takle;

²⁵teitungpii tinglang shangniikii jangpii kem mah kasamou kadou sungnii, Saraamah meihang go kaswisii kamage kalak dou njoitang karam tei mpounii kalai wotakle.

²⁶Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

²⁷Kamalum kito mpounii sa- gongmah rakarhii tei hingsupii Izip tei toi aisii tatpat totakle; kadapokii mikpiinii ngoupei kalak ah gotei ngoukalu takumpii mpounii leh wotakle.

²⁸Nah lung karei hang go kataimah rangii teinii ahnyiigo deng matu kasu tiisii, kamalum kito kaa- kamaju mah takbai ninado takam gamkii zai kajuikakai tei mpounii tiimakhii takle.

²⁹Kamalum kito kaghang dwijai sumto sazyii kathang ki takumpiinii kaa majupat-tole; Izipmei hangnii tei takumpii tiilesii tiikatu kito dwijai teinii ahnyiigo majungwo takle.

³⁰Kamalum kito Jeriko mah mbaang tei leimik sana tat magui- bang kaleitai koumang takle.

³¹Kamalum kito shaat kasupei Ra- habnii makumpii meijai kajumeigo tiigatpii lukai kapyii jangpii Saraanii katam swikasumei hang go kaswisii mpoupeinii gatu makle.

³²Sateichii Inii kisii kadapei tam tangpo? Kadapokii Gideonmah, Ba- rakmah, Samson mah, Jeptha mah, Devit mah, Samuel mah, ninado lungkakalingmei hangmah kaang kito Inii tam leponii, gumah tinglang gatangle.

³³Ahnyiinii kamalum pai- kito sagong magongsii kalung sazyii hang go apum tiiwo takle, kasang kamajyii tha tiiwo takle, riishii tiikapyii doutakle, kou nongsa hang mah mwi makatneiwo takle,

³⁴Ngoukahing migo tiimiit wotakle, saryiikhang mah mwi kito nlek wotakle, kasui kiteito teimaham doutakle, saryii kito kadi kathang tiiwo takle, sapumnah hangmah saryiimei hang go baatoi takle.

³⁵kamalum paikito sapwimei hangnii ahnyii ki kalungmei hang go katai kito ringkhiiloi katu tei dou- takle. Kakimei hangteinii arangra katii tei lurousii tiikamage tiika- malak kang teito taitakle...bikaki karing kiteito ringkhii tang karam jangpii,

³⁶sateichii kakimei hang- teinii hoksii kanui ninado tingrang lak katu, sagyiirengpii kapei ninado kabang kikii bang katu tei leh wotakle.

³⁷Ahnyiigo kuitupii rotle, ahnyiigo hangna tiisii rumle, ah- nyiigo saryiikhangpii gile, ahnyiinii Amyiinah mah ninado Jaonah mah tiigyii peimani kaisii tatle, mah kaga, karajam, ninado tiikamashyii tiika- maka tei ahnyiinii doutakle.

³⁸Sazyii pouryii ai ahnyii jangpiinii bisutakle. Sazyiinah kasumei takumpii sazyii kamarong ninado zang hangki tatsii tatsii kuitu karung kang ninado sazyii ki kachet hangki ahnyiinii lungle.

³⁹Ahnyiinii kamalum kito kada- ziikapii kabi tei doutakpo! Nlenii Saraanii riishii tiipyii kabam tei ahnyiinii doumakle;

⁴⁰Kadapokii Saraanii nyii jangpii kisii kabi tei reipii ngoubamle. Mpounii kamaning tei nyiigo kaswi katu roinii kito ahnyiigo tiimatuipyii tangle katu teile.