Read Maram Naga HEBRUMEI 9 Bible Online

HEBRUMEI 9 - Maram Naga bible

HEBRUMEI 9

¹Sateichii sat tang karam samtam karei katangpiinado ajai ninado meinahnii katii kamatei bam tei leile.

²Kadapokii dwipeiki hangninii tiimakhii bamtakle; teimah karei ki shang lung tei thaomi kadungpii, bamdung kasagoi ninado Saraa dakii pyiitoi kalei tiirok tei leile; ai ai kamatei bam sii latle.

³Sateichii hangna kashang kalampei mah tai- lampang tei kamatei hang phyiiryiito kamatei sii kalat dwipeiki tei leile;

⁴teilung tei tiiroutou rutang karam mah sanapii katii Saraago pyiika- toibam ninado sat tang karam sam- tam mah rangbung matum madum sanapii gom kabam ninado sanapii katii tiirok haikalei bairipeek, ting- nhii boipat katu Aron mah koktui, sateichii kakhatsam kearii ryiikai kabam atukok hangna;

⁵sateichii rangbung phyiiryii tei Saraa haika- leimah kamangou tiisii kashii kapung kounah hangteinii, kem hang kaleikapyii bam phyiiryii teito ahnyiimah kashyii teipiinii lampatsii leile. Nlenii aitoinii ai mahlyii hang ai mashang sii tampeiwo lakle.

⁶Teihang tei kada takumpiinii tiikada bampo katu tei aile, kanat kajum atingmei hangnii tingnei tingneikii ahnyiimah tha tiitang karam jangpiinii dwipeiki mah kajangpii shang teinii sating kata liit leile.

⁷Nlenii dwipei ki mah alungpii shang teinii kanat kajum tingdipii roinii liit leile, sateichii mpoudo tingkumkii kito liit binii roinii liit leile. Mpounii mpou jangpii ninado meihangmah kem jangpii Saraago pyiitoi tang karam zai tei poisupiinii liitmakle;

⁸dwipeikimah kajangpii shang tei satsii kaleitanii, kamatei bam ki liit tang karam jangpii pwiditei rei laatmakle katu tei aipii rangii kamateinii mangousii leile.

⁹Dwipeiki ai tingnei ha jangpii nda teile, nda tiida kabam ai taiswisii Saraa dakii pyiikatoi ninado kakarat hang kapyii teinii mata kaleimei hangmah kabi kashyii tikabui lungswi tei sajek kaga tiipei wolakle.

¹⁰Kadapokii ahnyiinii kachii kasak ninado tiikamatei mah kanat hang gotei kaswisii kalei taiswisii, aihang ainii bitang karam jangpii tiikaliloi katumah tinglang tei gong kasuta jumtang karam poumah tat kalei ajaihang teile.

¹¹Nlenii Kristanii aikito kabam mah kabi hang mah kanat kajum tingdipii hangninii tiisii gongpyii takle. Mpounii nga ngakalei dwipei ki ai dibwile sateichii kisii sajek gale, ai ainii meinahnii katii dwipeiki makle, katunii ainii sazyii pouryii baichem aimah makle.

¹²Kristanii matei kaki bam kitei meihang jangpii binii tat kaliit tinglang kak, kakarat pot hangninii tiisii Saraa dakii pyiitoi tang karam jangpii mpounii amyiinah ninado twomnah mah zai tei poimakle, nlenii mpoumah zai sektei mpounii poi wotakle ninado kalui kaga kaleikapyii karing tei nyii jangpiinii doupyiile.

¹³Kadapokii amyiinah ninado twom madang hangmah zai ninado twomnah hangmah rukatu buinei tei kanat lamto matei kasu meihang gamkii kajuikai leile sateichii kanat lamto matei kasu hangtei poitoi katu aipiinii ahnyiigo tiimateipyii leile.

¹⁴Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

¹⁵Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

¹⁶Kadapokii kamaning kamazhii leikatu nitei, teitei tam katupii mei hangninii mah katai tei pat matu tang karamle,

¹⁷kamaning kamazhii tam katupii teinii tai kasuta teinii teitei samah kado gale, kadapokii kamaning kamazhii tei tam katupiinii katai tainii doutangle.

¹⁸Teijangpiinii sat tang karam samtam karei teido zai haisupiinii tiimajyii womakle.

¹⁹Kadapokii ajaitingshang hangmah kakhatsam hangtei Mosesnii meihang dakii saa ka-mpat tinglang kak mpounii twomnah ninado amyiinah hangmah zai tei dwi, langkong kaghang, ninado hyssop tei kaswisii poisii larekbung ninado meihang gamkii kajuikai pyiisanii tamle,

²⁰“Ai ai Saraanii gonyii dakii kakhatpyii kabam sat tang karam samtam mah zai teile.”

²¹Sateichii dwipeiki teido sateichii mata katuki jum katu mah hang phyiiryii teikii Mosesnii tei takumpii zai teipii kajuikai pyii takle.

²²Kasangle, ajaitingshang taiswisii mahlyii hang tei zaipiinii tiimateile, sateichii zai majoumang katu tei gasii kem kaleikapyii katu tei gale.

²³Teijangpii sating gam mah mah hang mah njai poisii kalei hang go kanat aihang piinii tiimatei tang karam sekle, nlenii sating gam mah mah hang teinii aisung kisii kabi kakarat hangtei liit tangle.

²⁴Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

²⁵Sateichii kanat kajum tingdimei hangnii kamatei bamki tingkum satui mpoumah zai sektei kasu zai tei kaswisii liit katu takumpii, mpounanii, mpou roinapii mpougo nlai nlailoisii pyiitoi tang karam jangpii tatliit makle;

²⁶Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

²⁷Sateichii meinah jangpii binii tai matu katu sateichii tei taito samtak katii gong katu ai retkabam takumpii,

²⁸meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.