Read Maram Naga JEMS 5 Bible Online

JEMS 5 - Maram Naga bible

JEMS 5

¹Aitoinii patlo, he mah kanimei! Gonyii phyiiryii gongkalei kamaswi kamage hang jangpii hatlo sateichii hat nrung tulo.

²Gonyiimah kani kahii hangtei thamga ramga takle, sateichii gonyiimah peimani hangtei karaknii chiitoi aitakle.

³Gonyiimah sanah ninado sana raguiba hangtei dwihet tiiga takle, sateichii teimah dwihet katii hang teinii gonyii phyiiryiikii sakchyii tiitangle, sateichii mi takumpii gonyiimah pumpot tei chii tangle, gonyiinii tinglang kareiki kani kahii poi nduibam takle.

⁴Gonyii lu kara- chet meigo gonyiinii tha katiimai ajhang pyiimakle; ahnyiinii saa kalei tei shiilo! Gonyii lu karachet meinii saa kalei hangtei Saraa kadi Bang- piimah khoi kito shiitakle.

⁵Gonyiinii sazyii pouryiito doukamajyii sung kisii kashaat ninado kasamou tiilung tei lung takle, gonyiigo gitang karam leimik piinei jangpii gonyii roinapii gonyiinii pokfiibam takle.

⁶Kasang kamajyiimeigo gonyiinii tam ma- shyiile sateichii gido gi aitakle, sateichii mpounii gonyiigo mazhii kasu tiimakle.

⁷Teijangpii gukangsanamei, Bangpii gong kasuta lung leh kati tei leilo. Julo, tha kathamei hangninanii mpoumah sazyiimah ti mati matu tang karam jangpii mpounii daziikapii lung lehtisii koisii leipo? Hiiboi tingryii karei ninado hiiboi tingryii kana gotei mpounii lung lum kasarhiisii koileile.

⁸Gonyiido lung lehtilo, gonyii lung tiisangtinglo, ka- dapokii Bangpiimah kagong tinglang tei natakle.

⁹Kangsanamei, gonyiigo samtak tiikasu tiisii, gonyii hangninanii hangninii phyiiryiikii tam mashyii sulo, julo, samtak katiipii teinii kikam kuto satsii leile.

¹⁰Kangsanamei, Bangpii zei kito katam lungkakaling- mei hang gotei maning gonglo. Ahnyii gotei kamage kalak kadou sateichii lung leh katimah nda tiikamangou hangninii tiisii poipyiilo.

¹¹Julo, lung nlai kasumeigo nyiinii sadoi kabimeilesii latle, Job mah lung nlai kasumah kaang kito gonyiinii shiitakle, sateichii Bang- piinii kalui luisang kito mpougo kada takumpiinii pyiipo katu tei gonyiinii tile, kadapokii Bangpiinii lungsyii kati ninado lungset katipiinii tokryiile.

¹²Nlenii kangsanamei, mahlyii hang phyiiryiito, sating sazyiipii mak-kii, mah kata hangninii piiniido riishii riisat poisulo. Nlenii gonyii- mah nle katu tei nle matulo, sateichii gonyiimah makle katu tei makle matulo. Teitiileponii gonyiinii Sa- raamah samtak katii kangtei liit lakle.

¹³Gonyii kak kito mei kata kangkii kamage kalak dousii lei- manii? Ahnii riita matulo, mei kata kangkii ka-nta dousii leimanii? Ahnii tam kamatoi lhii tiimatulo.

¹⁴Gonyii kak kito mei kata kangkii ranisii leimanii? Ahnii Charsh ki kating- meigo lat matulo, sateichii ahnyiinii Bangpii zei kito thao manuk pyiisii, ah phyiiryiikii riita kaipyii matulo.

¹⁵Sateichii kamalum meimah ka- riita teipiinii rakanipii gotei keipyii tangle sateichii Bangpiinii ahgo kok matupyii tangle; sateichii ahnii kama tiibam leponii, ahgo kaleipyii tangle.

¹⁶Teipiinii gonyiigo tii-mbi- pyii matu tang karam jangpii, gonyii hangninanii hangninii dakii kama tei tam mpatsii hangninanii hangninii jangpii riita pyiilo. Kasang kama- jyiimei mah riita kakhang ki ai hangkapiinii katei teimaham tei leile.

¹⁷Ilaijahdo nyii takumpiinii nu- nuto meinah hangniniile, satingryii matulak tang karam jangpii mpounii lungliitsii riitale, sateichii tingkum hangtum sakhii saruk jangpii sazyii- kii sating ryiipyii makle.

¹⁸Sateichii mpounii nlailoisii riitasii, satingnii tingryii tei pyiile, sateichii teinii ti mati takle.

¹⁹Gu kangsanamei, gonyii kak kito mei kata kangkanii kasang kito dhiisii tat tuleponii, sateichii mei kata kangkanii ahgo pang nlaigong leponii,

²⁰kem katii hangniniigo ahmah kama pwidi kito pang nlai kagongmei hangteinii kem katii- piimah rangii tei katai kito keipyii tangle sateichii kama hangkii maga kapyii tei pung gong tangle katu tei ahnii timatulo.