Read Maram Naga MATIMANGOU KAPYII 10 Bible Online

MATIMANGOU KAPYII 10 - Maram Naga bible

MATIMANGOU KAPYII 10

¹Teito sating gamlui kaki kadi hangninii sating gamto humkalei tei Inii ngoutakle; sateichii phyiibung gamtei tuipiirok leile, sateichii ahmah jutei leimik takumle, ninado ahmah pitei mimah kaching takumle.

²Sateichii ahmah bah kitei laat kabam larek kacheng hangninii leile, sateichii ahmah pi ajiilam tei dwijai kikii, sateichii abilam teinii sazyii gamkii kaibamle;

³Sateichii Nongsanii nrakalei takumpii ahnii rok sagoisii saa takle; sateichii ahnii saa ka-mpat kak, sating katwi sananii khoi nratakle.

⁴Sateichii sating katwi sana teinii ka-nra tinglang kak, Inii ryiikai aina takle; “Sateichii sating katwi sana teinii tam ka-mpat hangtei seal kai ailo, nlenii ryiinii ryiikai sulo,” sii katam sating gamto rok hangninii Inii shiitakle.

⁵Sateichii dwijai ninado sazyii gamto satsii kalei Inii kangou sating gamlui teinii ahbah ajiilampang sating gamkii poi makhiisanii.

⁶Kalui gasii ringkalei, sating ninado teilungto kaleihang go tiikapyii, dwijai ninado teilungto kaleihang go tiikapyii, Ah zei kito, riishii tii aitakle, katunii, “Riloi lakle.”

⁷Nlenii sana kashang sating gamlui teinii ahmah kachem kakong kak, ahnii mpouki kaleimei hang dakii mati kabam taiswisii Saraamah kamakum samtei gong matwi tangle.

⁸Sateichii sating gamto Inii shiikalu rok teinii nlailoisii n-gu tamloile, “Tat tulo, dwijai ninado sazyii pouryiito sat kalei sating gamluimah bah kito laat kabam larek tei poi wolo.”

⁹Teipiinii Inii sating gamlui datei mangsii Larek kacheng tei n-gu seilosii Ah dakii tamle, teito ahnii n-gu tamle, “Poi wolo ninado teitei chii wolo; sateichii teitei gomoi jangpiinii kha tangle, nlenii go mwi kitonii kuidwi takumpiinii kumtangle.”

¹⁰Sateichii Inii larek kacheng tei sating gamlui mah bah kiteito poisii teitei chii wotakle sateichii teitei gu mwi kitonii kuidwi takumpiinii kumle, nlenii Inii chii wosek-kii gu moigo kha matutakle.

¹¹Sateichii gudakii “Nangnii mei hangkii mah luihang mah, lat hang ninado sagong hang mah, kaang kito nlailoisii Saraa sam saa mpat tang karamle,” sii tam takle.