Read Maram Naga MATIMANGOU KAPYII 12 Bible Online

MATIMANGOU KAPYII 12 - Maram Naga bible

MATIMANGOU KAPYII 12

¹Sateichii tiikamangou kadi hangninii sating gamkii ngoule, sapwimei hangninanii lei- mikpii peimani kai wotakle, sateichii sakhiipii mpoupei pi kangkii, sateichii sageiti keariisiinakhii mah phyiihungpii phyiigamkii choi wotakle.

²Sateichii mpoupeinii moi mpung leile, sateichii mpoupeinii nah lungtang karam mah katchii ninado mage tei piinii mpoupeigo tiimahatsii leile.

³Sateichii kaki tiikamangou hangninii sating gamkii ngoule; julo, phyiibung sana, kha kearii kapung sateichii phyiibung sana phyiiryii teikii sagong phyiihung choikalei kadi kaghang Mwigatpwi hangninii leile.

⁴Sateichii mpoupeimah mee teipiinii sating gam mah sageiti hangmah njai hangtum kito njai hangninii gotei chyii m-mang sazyii- kii toikai aitakle, sateichii sapwi mpei teinii nah gotei lung m-mang sekchii, mwigatpwi teinii nah gotei poichii tang karam jangpii, nah lungtang karam pei doi teito sat totakle.

⁵Sateichii mpoupeinii nah sapfiimei hangninii lung takle, nah sapfii mpou teinii luihang go sagyii tingrangpiinii apum tiitangle. Nlenii nah gotei Saraa dakii ninado mpoumah sagongbam kikii majat matu takle.

⁶Sateichii mpoupeigo leimik 1260 makotsii jupyii tang karam, mpoupei jangpii Saraanii tiidapyii kabam sazyii kamarong bam hangniniiki sapwi mpei teinii pakga takle.

⁷Sateichii sating gamto saryii pat takle, Maikel ninado ahmah sating gamlui hang teinii mwigatpwi gotei saryii tiitang karam jangpii tatpatsii mwigatpwi ninado ahmah sating gamlui hangteinii saryii tiitakle;

⁸nlenii mwigatpwi gotei ngam wo- takle, sateichii ahgo ninado ahmah sating gamlui hang gotei sating gam mbamdo mbam loisu takle.

⁹Ndou peipaomei mah sanhii, mwigatpwi sii kalat sara kashyii ninado seitan — - kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

¹⁰Sateichii sating gamto kasagoi rok hangninanii aitiisii tam kalei tei Inii shiile, “Aitoinii keikapyii karing, pumtei, ninado nyiimah Saraamah sating sazyii ninado mpoumah Kristamah teimaham tei gongtakle. Kadapokii nyii kangsanameigo nyii Saraa doito tinghum tingna chuisii hemsii kalei ahnyii gotei toi m-mang aitakle.

¹¹Sateichii ahnyiinii mpougo Jaonah mah zai teipii sateichii ahnyiimah sakchyii kapyiimah sam- kang teipiinii ngam wotakle, kada- pokii ahnyiinii ahnyiimah tiilung gotei katai katang marai makle.

¹²Teijangpii nta tulo, Oh sating ninado teilungto kalei gonyiihang! Nlenii kamagele gonyii jangpii, Oh sazyii pouryii ninado dwijai, kada- pokii sara kashyii teinii hangkapii rarhiisii gonyiida tat hum takle, dapochiinii ahmah tinglang ai dwitakle katu ahnii tile.”

¹³Mwigatpwi teinii ahgo sazyiikii toi m-mang aitakle katu tei tigong sek-kii, ahnii nah sapfiimei lungkapyii sapwi mpei gotei jumle, gile katupii taiswitu takle.

¹⁴Nlenii mpoupeigo tingkum hangtum aphang ai makotsii jupyii tang karam, mwigatpwi dateito mpoupei bam, sazyii kamarong kitei jung ga kabui tiisii mpoupeigo kalhang ruinah kadimah kashii hangna tei pyiitakle.

¹⁵Teito sanhii teinii sapwi mpei gotei dwi kadi teipiinii taipung matutang karam jangpii, sapwi mpei taiteikii karyii takumpiinii dwitei ahmwi kito rui mpat takle.

¹⁶Nlenii sazyii pouryii teinii sapwi mpei gotei tiiha takle, sateichii sazyii teinii mwi kokga patsanii, mwigatpwi teinii mwi kito rui ka m-pat dwi tei majung wotakle.

¹⁷Sateichii mwigatpwi teinii sapwi mpei gotei rarhiisanii ahmah mashak kalei tatreng, Saraa- mah kakhatsam hang swisii kalei ninado Jisugo sakchyii pyiisii kalei ahnyii gotei saryii tiitang karam jangpii tat tutakle.

¹⁸Sateichii mwi- gatpwi teinii dwijaimah kangneng phyiiryiito sat takle.