Read Maram Naga MATIMANGOU KAPYII 14 Bible Online

MATIMANGOU KAPYII 14 - Maram Naga bible

MATIMANGOU KAPYII 14

¹Teito Inii ngoutakle, sateichii julo, Zaiyon zang gamto Jaonah teinii sat takle, sateichii ahnyii saiphang gamkii ahmah zei ninado ahmah pfii zei ryiibamsii kalei mei lakh hangninii tang rekdaisiimadai nkhii (144000) ahgo kaswi leile.

²Sateichii sating gamto rok hang- ninii dwi nrung takumpii ninado katei sating katwi koi takumpii Inii shiitakle, sateichii shii katu roktei ketat-tung kakongmeinii ahnyiimah ketat-tung kakongmah rok takum;

³sateichii ahnyiinii sagongbam doi- teito, sateichii karing kounah madai doiteito sateichii katingmei hang doiteito kasatai lhii hangninii tiile. Lhii tei sazyii pouryiito kalei kalumei lakh hangninii tang rekdaisii madai nkhii (144000) teisupiinii mei hang- ninii kado tei lhii tei ralipei wolak kiile.

⁴Ahnyii teinii sapwimeigo ka- swisii mashung kamaha tha tiisupii ahnyii roinapii ahnyiigo mateisii mbam katumeile, ahnyiinii satumle. Jaonah teinii katatlyii hangki ahnyiinii swile. Ahnyii teinii sazyii pouryiimei kak kito kalai wotakle sateichii Saraa dakii ninado Jaonah dakii pyiitoi tang karam riiti karei teile.

⁵Sateichii ahnyii mwi kito kachui tei doumakle, ahnyiinii sajek gale.

⁶Teito sazyii pouryiito lungkalei hang dakii, lui, sadung ninado lat sateichii meihang dakii tam mpat tang karam jangpii, kalui kaga kabi rasam kaswi kalei sating gamlui hangninanii Sating gamto jungkalei tei Inii ngoutakle;

⁷Sateichii ahnii rok sagoisii tamle, “Saraago hinglo, sateichii ahgo tam matoilo. Kada- pokii samtak tiitang karam ahmah tinglang tei gongtakle, ninado sating go, sazyii pouryiigo, dwijaigo ninado dwipok hang go tiikapyiipii ahgo matalo.”

⁸Hangna kashang sating gamlui kaki hangninanii tamle, “Luihang go mpoupeimah matei kasu lungka- syiimah jou sak matu katu, kadi Bebilon tei koutakle, mpoupei tei koutakle!”

⁹Ahnyiitai kana hangtum kashang kaki sating gamlui hangninanii tamle, “Mei kata hangninanii saram- kowgo sateichii ahmah tingtu param gotei mata leponii sateichii ahmah seiphang gamkii mak-kii bah kikii siiti tei douleponii,

¹⁰ahmah raka- rhiimah peek kiteikii teimaham matumpii ahnii ruikai kabam, Saraamah jou tei ahniido sak tangle! Sateichii ahgo mipii sateichii sul- phurpii kamatei sating gamluihang ninado jaonah doiteito tiikamage tangle.

¹¹Ahnyiigo tiikamage katumah mika tei kalui gasii hamtu takle; sateichii saramkowgo ninado ahmah tingtu paramgo kamateimei hang teiniido, sateichii ahmah siiti dou- kalu ahnyiihang teiniido tinghum tingna ntak makle.”

¹²Saraamah kakhatsam ninado Jisumah kamalum go swisii kalei kamateimei hangnii lung lehti tang karam jangpii lat leile.

¹³Sateichiisating gamto rok hangninanii aitiisii katam Inii shiitakle, ai ryii wolo: Aitoisekpiinii Bangpii dato tai kaleimei hangtei sadoibile. Rangiinii tamle, “Nle, sadoibi kasangle. Ahnyiimah tha katii kito ntak matulo; kadapokii ahnyiimah tha tei ahnyiigo kaswi leile!”

¹⁴Sateichii Inii jule, ninado julo, mongjyii kaha ninado mongjyii phyiiryii teito aphyii gamkii sanapii katii sagong phyiihung sateichii bah kikii mwi kabi kadou kalei meinah sapfii mpougo karai hangninanii bamle.

¹⁵Sateichii kaki sating gam- lui hangninanii Saraa kamaningki nito tatpatsii mongjyii phyiiryiito bam kalei ah dakii rok sagoisii tamle, “Gomah kadou tei poi wosii rachet tulo, kadapokii rachet tang karam tinglang tei gongtakle, kadapokii sazyii pouryiimah lutei mwitakle.”

¹⁶Sateichii mongjyii phyiiryiito kabam ah teinii sazyii pouryiikii ahmah kadou tei m-mang pyiisanii sazyii pouryiigo rachet takle.

¹⁷Sateichii kaki sating gamlui hangninanii sating gamto kalei kamatei Saraa kamaningki teito tatpat takle, sateichii ahdo mwikabi kadou hangninii leile.

¹⁸Sateichiimi phyiiryiito teimaham kalei kaki sating gamlui hangninanii Saraago pyiikatoibam kiteito tatpatsii, kadou mwikabi poikalei ah dakii rok sagoisii latle, “Gomah kadou mwikabi tei poiwosii sazyii pouryiimah darkha riitilu kiteito darkhati hangtei rachet tulo, kadapokii darkhati tei mwitakle.”

¹⁹Sateichii sating gamlui teinii ahmah kadou tei sazyii pouryiikii m-mang pyiisanii, sazyii pouryiimah darkhati hangtei rachet tosanii, teitei Saraamah hangkapii hungsii rakarhiimah darkhati kakaryii kadi kiteikii toikai aitakle;

²⁰Sateichii darkhati kakaryii bamtei namdiki sabato karyiile sateichii takoi ghii kikii kakai sagyiireng kanat metar hangnakii kathok ninado mail haina katang tei darkhati kakaryii bam kito zai tei longtat takle.