Read Maram Naga MATIMANGOU KAPYII 15 Bible Online

MATIMANGOU KAPYII 15 - Maram Naga bible

MATIMANGOU KAPYII 15

¹Teito sating gamki ngouka- hing ninado kamadat kaki pat tang karam siiti hangninii katunii, Sararahum sana kalei sating gamlui sanago, Inii ngoutakle, Sararahum sana tei nale, kadapokii ahnyii hang dato Saraamah rakarhii tei kaluile.

²Sateichii sakhiibung mah dwi- jaigo raikatu mi ryii nja katu hangninii Inii ngoule. Sateichii saramkowgo ninado ahmah akhii ninado ah mah zei tung tiisii kalei asaa hang go ngamkalu meihang goteido Inii ngoutakle. Ahnyii teinii Saraanii ahnyii dakii pyii kabam levii tei poisii, sakhiibung mah dwijai kuto satsii leile.

³Sateichii ahnyiinii Saraaki kaleipii, Moses mah ninado jaonah mah lhii tei aitiisii tiile: “Bangpii Saraa kadi, gomah tha hangtei daziikapiinii madatpo! Luihang mah sagong, gomah pwidi hangtei kadaziikapiinii majyiipo sateichii kasangpo!

⁴Bangpii tanii gozeigo hinglakpo? Gomah katei kamaham tei tanii tam mpat lakpo? Nang roiniile kamatei, Lui hangnii gongsii n-go mata tangle; dapodinchii gomah kasang kamajyii tha hangtei meihangnii ngoutakle.”

⁵Sateichii tei taito Inii jule, sateichii Saraanii haikalei dwipeiki go kaswi kalei sating gamto kalei Saraa kamaningki laat kabam tei Inii ngoutakle,

⁶sateichii Saraa kamaningki lung teito Sararahum sana kaswi kalei Sating gamlui sana teinii kamatei ninado kamaleek pei kamanoi natkai kai wosii, sateichii ahnyii takou tei sona haikak kak wosii pat katu tei Inii ngoutakle.

⁷Sateichii karing kounah madai kak kito hangninanii sating gamlui sana dateikii kalui gasii ringkalei Sa- raamah rakarhii teipiinii katokryii Sona kok sana pyiitakle.

⁸Sateichii Saraa kamaning kitei Saraamah pumtei kava kito ninado ahmah teimaham kito kapat mika teipiinii tokryii takle; sateichii sating gamlui sanamah sararahum sana tei lui kasutatei, Saraa kamaning kilung tei meikaniido liitpei wolak takle.