Read Maram Naga MATIMANGOU KAPYII 17 Bible Online

MATIMANGOU KAPYII 17 - Maram Naga bible

MATIMANGOU KAPYII 17

¹Teito kok sana kalei sating gamlui sana kak kito hangninanii guda patsii tamle, “Patlo, sazyii pouryii sagongmei hangnii mpoupeigo kaswisii ma- shung kamaha tha katii ninado mashung kamaha tha katiimah jou teipii sazyii pouryiito lungkaleimei hangnii panhiisii kalei,

²dwi hangkii phyiiryiito bam katu kadi saha kahapeimah samtak katii tei Inii n-go mangoule.”

³Teito rangii teinii n-gu jum wotakle, ninado sating gamlui teinii n-gu sazyii kamarong kikii pangpat takle; sateichii Saraago maning kamala zei hangtei piinii tokryiisii kalei, phyiibung sana, kha kearii kapung saramkow kaghang hang- ninii gamto bamsii kalei sapwimei hangninii Inii ngoutakle.

⁴Sateichii sapwi mpei tei ghangzing katu ninado ghang mazui katu peimani kaile, sateichii sonapii, maikateeng kuitupii ninado sana raguiba piinii gombamle; sateichii mpoupei bah kiteikii ngou kasaba piinii katokryii, katunii, mpoupeimah sapwimei sapfii- mei kashyii kahong tha katiimah matei kasuhang teipiinii tokryii kalei, peek hangninii poileile.

⁵Sateichii mpoumah saiphang gamkii kabai kabam kamakum sam: “Kadi Bebilon, saha kahamei mah ninado sazyii pouryiimah ngou kasaba hangmah pwi,” sii ryii kabam zei aileile.

⁶Sateichii sapwi mpei teinii kamateimei ninado Jisu sam kaswi- meigo kagimah zai tei sak panhii wosii kalei tei Inii ngoutakle. Inii mpoupeigo ngou wosek-kii, Inii hangkapii sung gatakle.

⁷Nlenii sating gamlui teinii n-gu tamle, “Kadajangpiinii nang sung galeipo? Inii godakii sapwi mpeimah ninado ahgo pungkalei saramkow ninado, phyiibung sana kha kearii kapung- mah kabai kabam kamakum samtei tampyiine.

⁸Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.

⁹“Ainii swirek kabi ninado kati gotei latsii leile. Phyiibung sana teinii, sapwi mpeinii bam kalei zang sana teile. Ahnyii tei sagong sana teidole:

¹⁰ahnyii mangii teinii koumang takle, hangninanii apum tiijousii leile; sateichii kaki hangninii teinii gongmaklerei; ahnii gong sekchii tinglang shangniikii roinii ahnii apum tiitang karamle.

¹¹Sa- teichii tinglang hangniniiki ringsii kalei, nlenii ringloi kasu saramkow ai, ah sekpiinii siisat kashang sagong, sana kak kito hangniniile sateichii tiimaga tang karam jangpii tat tutakle.

¹²“Sateichii nangnii kangou kha kearii teinii sagongmah teimaham rei dou wokasu sagong kearii teile; nlenii ahnyiinii sagongmei hang takumpiinii saramkow gotei kaswisii pungkii jangpii ahnyii hang go teimaham tei pyii tangle.

¹³Ai kearii ainii lungswi hangniniile, sateichii ahnyiinii ahnyiimah pumtei ninado teimaham tei saramkow dakii pyiile.

¹⁴Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”

¹⁵Sateichii ahnii gudakii tamle, “Sahapwi peinii bam kalei nangnii ngou katu dwihang tei meihang, meimoi, luihang, ninado lat hang teile.

¹⁶Sateichii nangnii ngou katu kha kearii, ahnyii ninado saramkow teinii sahapwipei gotei ngourou tangle; ahnyiinii mpoupeigo tiima- rong tangle ninado natkai supii apumpii kaidek tangle, ahnyiinii mpoupeimah kamyii tei chiitangle ninado mpoupeigo mipiinii tiimaga tangle.

¹⁷Kadapokii Saraamah samkang hangtei gong matwi kasuta, ahmah kamaning tei tiimatu tang karam jangpii, lungswi hangninii matu tang karam ninado saramkow dateikii ahnyiimah sagongmah teimaham tei pyii matu tang karam jangpii Saraanii ahnyii lung kikii kaipyii bam takle.

¹⁸Sateichii nangnii ngou katu sapwi mpei teinii sazyii pouryiimah sagongmei hang phyiiryiito apum tiikalei namdi kadi teile.”