Read Maram Naga MATIMANGOU KAPYII 21 Bible Online

MATIMANGOU KAPYII 21 - Maram Naga bible

MATIMANGOU KAPYII 21

¹Sateichii kasatai sating ninado kasatai sazyii tei Inii ngoutakle; kadapokii karei ninado karei sazyii tei maju aitakle sateichii dwijai tei gatutakle.

²Sateichii Saraa dato kamatei namdi, kasatai Jerosa- lem teinii, mpoupeimah naa jangpii natkai kai ka-mbi amyiipeipwi takumpiinii tiikada wosii, sating gamto humkalei tei Inii ngoutakle.

³Sateichii sagongbam kiteito rok kasagoi hangninanii aitiisii katam Inii shiitakle, “Julo, Saraamah kitei meinahgo kaswi leile, sateichii ahnii ahnyiigo kaswisii bampyii tangle, ahnyiinii ahmah mei hang tiitangle, sateichii Saraa sekpiinii ahnyiigo kaswido kaswipyii tangle.

⁴Sateichii ahnii ahnyiimah mik kiteito mikdwi hangtei piit toipyii tangle; kataido leikei lakle; sateichii madaksii magee katu ninado kahat tei leiloi lakle, sateichii katchii kanhii teido leiloi lakle, kadapokii kareimah hangtei maju aitakle.”

⁵Sateichii sagongbam kito bam kalei ah teinii tamle, “Julo, Inii mah- lyiihang tiisatai pyii takle.” Sateichii Ahnii tamle, “Ai ryii wolo; kadapokii samhang ai malum wokabui ninado kasangle.”

⁶Sateichii ahnii gudakii tamle, “Ai tiisangtakle, Inii karei ninado akat, kahou ninado kalui teile. Karingmah dwipok kiteito kasaryiimei hang go Inii matapii pyiisak tangle.

⁷Ngam kalumei hangteinii aihang ai doutangle, sateichii Inii ahmah Saraa ninado ahnii gunah sapfii mpou tei tiitangle.

⁸Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

⁹Teito kalui sararahum sana teipiinii tokryii kalei kok sana poikalei sating gamlui sana kak kito hangninanii gong n-gu sam rashiisanii tamle, “Patlo, Inii n-go amyiipeipwi katunii, Jaonah mah noutei mangoule.”

¹⁰Sateichii ahnii n-gu rangii paikito kadi ninado kasagoi zang hangninii kikii pang- maasanii, Saraa dato, Saraamah pumtei kava kalei kamatei namdi, Jerosalem tei, sating gamto hum kalei tei gudakii mangou takle.

¹¹Ahmah kava teinii dwi kamatei kamaleek takumpii mai kating jasper takum katu, hangkapiinii mai kating kuitu takumle.

¹²Teimah kadi ninado kasagoi mbaang, takam kamjao keariisiinakhii, sateichii takam kamjao hang kitei sating gamlui keariisiinakhii leile, sateichii takam kamjao hang phyiiryii tei Isrelmah nah sapfiimei mah sadung keariisiinakhii zei tei ryiikai bamle;

¹³Leimik kapat lamkii takam kamjao hangtum, longryii lamkii ta- kam kamjao hangtum, lamka lamkii takam kamjao hangtum, sateichii leimik kaliit lamkii takam kamjao hangtum leile.

¹⁴Sateichii namdi teimah mbaang tei bangmaa kearii- siinakhii, sateichii teimah aphyiiryii teikii Jaonah mah tiilamlwi kapyii- mei keariisiinakhiimah zei tei leile.

¹⁵Sateichii teimah namdigo, ninado takam kamjao go, ninado mbaang hang gotei tham jutang karam jangpii n-gu sam rashii katupii datei sonapii katii tham kajupii tei leile.

¹⁶Sateichii namdi tei saka madai mashamle, sateichii teimah ata adet kadi tei masamle, sateichii sating gamluinii namdi tei kilomitar 2,400 ai masak mpat takle; teimah ata adet ninado sagoi tei masamramle.

¹⁷Sateichii ahnii teimah mbaang tei meinah mah katunii, sating gam- luimah tham kaju taiswisii metar reksiirok kasagoi ai masak mpat takle.

¹⁸Sateichii teimah mbaang tei jasper kuitupiinii tiile sateichii namdi teinii sakhiibung takumpiinii matei kabi sonapiinii tiile.

¹⁹Teimah namdimah mbaangmah bangmaa tei maikateeng kuitu hang piinii tiigat bamle, bangmaa karei tei jasper, hangna kashang teinii Sapphire, hangtum kashang teinii Agate, madai kashang teinii Emerald,

²⁰Mangii kashang teinii Onyx, siiruk kashang teinii Carnelian, sana kashang teinii Chrysolite, siisat kashang teinii Beryl, sokchyii kashang teinii Topaz, kearii kashang teinii Chrysoprase, keariisiikankhii kashang teinii Jacinth, Kearii- siinakhii kashang teinii Amethyst kuitule.

²¹Sateichii takam kamjao keariisiinakhii tei sanahkang keariisiinakhii teile; takam kamjao nsang tei sanahkang nsangpiinii tiile, sateichii namdimah pwidi kadi tei sakhiibung takumpiinii akhii kangou kamatei sona piinii tiile.

²²Sateichii namdi lung teikii Inii Saraa kamaningki tei ngoumakle, kadapokii Bangpii Saraa kadi kathang ninado jaonah teinii teimah Saraa kamaningki teile.

²³Sateichii teiki namdi kiteito vatang karam jangpii leimikdo sakhiido kabi tei gale, kadapokii Saraamah pumtei kava teinii teimah kava teile. Satei- chii teimah thaomi teinii Jaonah teile.

²⁴Sateichii luihangnii teimah kava lungto roitat tangle; sateichii sazyii pouryiimah sagongmei hangnii ahnyiimah pumtei kava tei teilungkii poigong tangle.

²⁵Sateichii teiki namdimah takam kamjao hangtei tingna majang laatbam tangle; ta- kamsang takam lakle; dapodinchiinii teiki tei tinghum katu tei gale.

²⁶Sateichii ahnyiinii teilung teikii luihangmah pumtei kava ninado kani kahii hangtei poigong tangle.

²⁷Nlenii Jaonah mah karingmah larekbung kikii zei ryiikai kabam mei tei supiinii, matei kasu, ka-nrou tha katiimei, mak-kii kachuimei hang- teinii teiki lungtei liitsang liitlakle.