Read Maram Naga MATIMANGOU KAPYII 3 Bible Online

MATIMANGOU KAPYII 3 - Maram Naga bible

MATIMANGOU KAPYII 3

¹“Sardis kito kalei Charshmah rangii dakii ryiilo, Saraamah rangii sana sateichii sageiti sana kalei Ah teinii sam hang ai tam leile, Inii gomah tha hangtei tile, nangnii karing mah zei doukalei tei Inii tile, sateichii nangnii kataile.

²Gungkhii wolo sateichii taina nasii mashak kalei meihang gotei tiisangting pyiilo. Kadapokii nangnii tiikabam tei go Saraa doito bimasangsii Inii dousu- takle.

³Teipiinii nangnii kadapei dou wopo sateichii kadapei shii wopo katu maning gonglo, sateichii teitei swi wosii lungkali wolo. Nangnii gungkhii wosu leponii, karagamei takumpiinii Inii gong tangle, sateichii Inii go phyiiryii tinglang kadadou gong tangpo katu nangnii tisang tilakle.

⁴Nlenii teiki Sardis kito mei chengniikanii ahnyiimah peimani tiimahong supii kaibam wotakle. Peimani kaha kai wosii ahnyiinii n-gu kaswisii tat tangle, kadapokii ahnyiinii teitei tiimajyiile.

⁵Ngam kalu ah gotei aitiisii peimani kaha kaipyii tangle; sateichii Inii ahmah zei tei karingmah larekbung kiteito poisang poitoipyii lakle, sateichii Inii ahmah zeitei gu pfii doito sateichii mpoumah sating gamluihang doito mazhiipyii tangle.

⁶“Rangiinii charsh hang dakii tam kalei ai khoi pungkalei meihangnii shiimatulo.

⁷“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.

⁸Nangnii tiikalei tei Inii tile, julo, mei kaniido takampei wokalak laat kabam takam hangninii Inii godoikii kaibam takle, katunii, gomah teimaham chengniikii leile sateichii nangnii gusam swile sateichii guzeigo mazhii kasu tiimakle.

⁹Julo, seitanmah bemei, Jehudimei supiinii Jehudimei lesii tam kalei, ahnyii gotei Inii gonyiidoi gongsii gonyii pibangto nkwimang matu tangle, Inii gonyiigo lungsyii katu tei ahnyii hangnii titangle.

¹⁰Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

¹¹I-kalangsii gongtu tang takle, meikaniido gomah phyiihung tei poitoi matu kasu tiisii, gomah kalei tei tiigatpii jum wolo.

¹²Ngam kalu ah gotei Inii gumah Saraamah kamateiki mah ki acheng hangninii tiimatu tangle sateichii ahnii bam teiki teito tatsang tat tulakle, sateichii gumah Saraamah zei, gumah Saraamah namdimah zei gumah Saraa dato, Sating gamto kahum kasatai Jerosalem sateichii gumah kasatai zeitei Inii ah phyiiryiikii ryiikai pyii tangle.

¹³“Rangiinii Charsh hang dakii tam kalei ai khoi pung kaleimei hangnii shiimatulo.

¹⁴“Laodisiya, kito kalei Charsh- mah rangii dakii ryiilo, Amen sii kalat, malum kabui ninado kasang sakchyii Saraa baichem mah apum katii Ah teinii sam hang ai tam leile.

¹⁵“ ‘Gomah tha hang tei Inii tile, Nangnii majungdo majung makle, thiido thiimakle. Nangnii majung katu mak-kii thii katu Inii mareile.

¹⁶Teipiinii nangnii lumlok loksii kalei sateichii thiido thiikasu, majungdo majung kasu jangpii Inii n-go gumah mwi kito masuitoi aitangle.

¹⁷Gonyiinii ka-nkhii kasana kamage kamarhii, mah kaga, mik kachet ninado peimani kai kasutei tisupii I mah nitakle, kani kahii hangkapii doutakle sateichii mah- kado tang kalak tiimaklesii gonyiinii tamle.

¹⁸Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.

¹⁹Inii lungkasyii hang go duido duile, raatdo raatle, teipiinii lungnhiilo sateichii lung kaliwolo.

²⁰Julo, Inii takam pibangto satsii kakhii leile, mei kata hangninanii gumah roktei shiisii takam tei laatpyii leponii, Inii ah dato liit tosii, Inii ahgo kaswisii sateichii ahnii n-gu kaswisii chii sak njoitangle.

²¹Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

²²Rangiinii Charsh hangdakii katam sam ai khoi pung kaleimei hangnii shiimatulo!”