Read Maru APAN AQAO: 5 Bible Online

APAN AQAO: 5 - Maru bible

APAN AQAO: 5

¹Ceru wa Adam nho: myid:zo: qe: mang japhin: ngad: ra". (Mao"So wa Xao su byu re phan" ra" au: yao" gaung khyao we' dau tau" yang kad' to" ra".

²Yao: wa yauggai we' myiqe: re phan" ra". Yao: tao re shaman" byid: mung: Xao su Byu ga: yao: tao re mhang" byid' ra".)

³Adam 130 zin ngad lao" yao: we' dau: ra" yauggai zo: dayaug re myhung: ra". Adam wa yao: re Sed ga: mhang" byid' ra".

⁴Ai: thao Adam wa 800 zin daui: na: ashi"- yao: wa gatau yauggai zo: myiqe: zo: qere myhung mung:-

⁵Apyad 930 zin re shid: lo" ra".

⁶Sed wa 105 zin ngad lao" yao: wa yauggai zo: Eno re myhung: ra".

⁷Ai: thao 807 zin daui: na: ashi". Yao: wa gatau yauggai zo: myiqe: zo: qere myhung mung:-

⁸Apyad 912 zin re shid: lo" ra".

⁹Enu wa 90 zin ngad lao" yao: wa yauggai zo: Kenan re myhung: ra".

¹⁰Ai: thao 815 zin: daui: na: ashi". Yao: wa gatau yauggai zo: myiqe: zo: qere: myhung mung:-

¹¹Apyad 905 zin re shid: lo" ra".

¹²Kenan wa 70 zin ngad lao"- yao: wa yauggai zo: Mahalale re myhung: ra".

¹³Ai: thao 840 zin daui: na: ashi"- yao: wa gatau yauggai zo: myiqe: zo: qere: myhung mung:-

¹⁴Apyad 910 zin re shid: lo" ra".

¹⁵Mahalale wa 65 zin ngad lao"-yauggai zo: Yared re myhung: ra".

¹⁶Ai: thao 830 zin daui: na: ashi" yao: wa gatau yauggai myiqe: zo: rere: myhung mung:-

¹⁷Apyad 895 zin re shid: lo" ra".

¹⁸Yared wa 162 zin ngad lao" yauggai zo: Enog re myhung: ra".

¹⁹Ai: thao 800 zin daui: na: ashi" yao: wa gatau yauggai zo: myiqe: zo: qere: myhung: mung:-

²⁰Apyad 962 zin re shid: lo" ra".

²¹Enog wa 65 zin ngad lao" yauggai zo: Methusela re myhung: ra".

²²Ai: thao Enog wa Mao"So we' 300 zin zam" khug mung: gatau yauggai zo: myiqe: zo: qere myhung: ra".

²³Yao: wa 365 zin joe" sho' daui: na: ra".

²⁴Yao: wa yao" apyad re Mao"So we' zam" khug yang: kao so' daui: ra". Ai: thao yao: byaug: lo" ra" pe"mung:ga"re Mao"So wa yao: re jhui" yu: pye' ra".

²⁵Methusela wa 187 zin ngad lao" yauggai zo: Lameg re myhung: ra".

²⁶Ai: thao 782 zin daui: na: ashi" yao: wa gatau yauggai zo: myiqe: zo: qere myhung mung:-

²⁷Apyad 969 zin re shid: lo" ra".

²⁸Lameg wa 182 zin ngad lao" yauggai zo: dayaug re myhung mung:

²⁹Yao: wa ASANG nhang: kheim: ke' to" ra" ce: myid gaung mae" ce: zoshao wa ngonhaung" nho: mau" jam: alhab' mae" ngonhaung" re myaung: ngho: nhao: li" nae"- ga: ta" mung: yao: re Noa ga: mhang" byid' ra".

³⁰Lameg wa 595 zin daui: na: ashi" yao: wa gatau yauggai zo: myiqe: zo: qere myhung yang:-

³¹Apyad 777 zin re shid: lo" ra".

³²Noa apyad 500 zin ngad thao re Shem- Ham- Yaphed ga" ra" yauggai zo: sam yaug re myhung: ra".