Read Maru 1 KHO:KHAM MHOMYI: 14 Bible Online

1 KHO:KHAM MHOMYI: 14 - Maru bible

1 KHO:KHAM MHOMYI: 14

¹Turu kho:kham Hiram wa Phaga phung: daphung: Davi Jhao" nhao: ke' ra". Yao: wa Davi re shaug' sag' thaung:- laug kho' ba mo,- kho:kham kho" kad' ra" lag sama qe we' daga" byid' ke' ra".

²Aimung: Davi wa yao: re ASANG: yang Israel kho:kham khyo" kad' nhao mung: yao" amyu" byu qe: mathao mae yao" mung"dan: re na: dai nhao yang: yao: re tau: to' rure myid: beim" li" ra".

³Davi wa Yerusalem mae myi: myo: sho' yu mung: yauggai zo: myiqe: zo: myo: sho' qo" ra".

⁴O mae tung" to" ra" zoshao qe wa Yerusalem mae khau: ra" mo, ngad: ako". Ai bam wa- Shamua- Shoba,- Nathan- Sholamon-

⁵Ibha- Elishua- Elpeled-

⁶Noga- Nepheg- Yaphia-

⁷Elishama- Beliade- Elipheled bam ngad: ako".

⁸Philisti byu qe wa Davi Israel mung" geim re eib: ra" kho:kham boe" va" rure the' gyo: gelao"- yao: bam: gyezo: gyetab wa Davi re ye taung: nae" to" ye" lo" ako". Amung: Davi wa yao: bam we' ye qhug' nae" qhid' mae" thug' ye" lo" ra".

⁹Philisti byu qe wa Rephaim lao: khaung: mae joe" ye: mung: yelhad' zo" ako".

¹⁰Davi wa Mao"So re Philisti byu qere ngo gye ye zin: zai i?. Nao ngo re aung doe, nhao nae" i?- ga: myid' ra". ASANG wa yezin: wa,- ngo nao re aung doe, nae" ga: tau" ra".

¹¹Airumung: Davi wa yao: bam re Bala, Perazim jo, qo mae gye zin: mung: nhin" aung: pye' ra". Yao: wa Mao"So wa qid gyui we' dakhyo: gye vo gye tab re lai: phyid' ye: nae" ngo re ci: ra" ga: ta" ra". Aimung: ai: jo, qo re Bala Perazim ga: mhang" ako".

¹²Philisti byu qe tao" phao: lo" gethao re yao: bam: so alho re to: co' ako". Davi wa ai jham re ngha" pye' genae" qhid' mae" amyin" byid' ra".

¹³Mataung" myao" re Philisti byu qe wa lao: khaung: khyo dam: tug' lo mung: dam: lhad' zo" na: ako".

¹⁴Davi wa Mao"So we' dalhang dam: byin phyo: jho" zin" ra"- Mao"So wa- cetau mae" gye daye: zin:- gatau shad' khyo" lhang" ye: mung: basam bin: gae jham: anhae shad' khyo" yao: bam re gye zin: nae" seim" jin" to: wa,.

¹⁵Sag' gae au: mae" gye to" li" ra" thoe re nao the' gyo: lao"- gye zin: wa,- Pe"mung: gare Philisti gye tab re aung: pye' nae" qhid' mae" ngo wa ni" qhid' au: mae ye" lo" nae" ga: ta" ra".

¹⁶Davi wa ASANG: yang amyin" byid' to" ru we' dakhyo: kad' mung: yao: wa Philisti byu qere Gibeon mae" Geze khyo thao" sho' khe' tug' pye' ra".

¹⁷Davi nho: lahau: wa khyi" khao: ngo" khyo byo: sin" lo" mung: ASANG wa byumyu" khao: ngo" re Davi re gyaug nhao: ra".