Read Maru 1 KHO:KHAM MHOMYI: 25 Bible Online

1 KHO:KHAM MHOMYI: 25 - Maru bible

1 KHO:KHAM MHOMYI: 25

¹Kho:kham Davi we' Levi byu au: jhaung qe wa o mae" Levi kaung qere caung:pa" mau" mae au: she nae" qhid' mae" khyin: to" ako". Aibam wa- Asab- Heman- Yeduthun bam ngad: ako". Yao: bam wa tang: thoe we' jhe' cang" thoe be; myhang" mung: Mao"So: mung dao: re ta" hau: nae" mo, ngad: ako". Ce: byu japhin wa caung:pa" ja: re cao" yang: yao: phung: yao: zaui: so: nae" caung:pa" ru mae au: she nae" khyin to: qhug' mo, ngad: ako".

²Aibam wa Asab nho: yauggai zo: byid yaug ngad: ko" ra" Zaku- Yoseb- Nethania- Asharela- bam ngad: ako". Yao: bam wa kho:kham: yang amyin" byid: khao: ngo" Mao"So: mung dao: re ta" hau: yaug ngad: ra" Asab nho: mho" shid' ra" qao: mae na mo, ngad: ako".

³Yeduthun nho: yauggai zo: khyaug' yaug wa Gedalia- Zeri- Yeshaia- Shimi- Hashabia- Matithia bam ngad: ako". Yao: bam: yao: pho" mho" shid' ra" qao: mae na mung: tang: be; myhang" yang: Mao"So: mung dao: re ta" hau: mung: nghaui"caung: yang: ASANG re jeju caung: byid' ako".

⁴Heman nho: yauggai zo: daxe: byid yaug wa- Bukia- Matania- Uzie- Shebuela- Yerimod- Hanani- Hanania- Eliatha- Gidalti- Romamti Ezera- Yoshbekasha- Malothi- Hothi- Mahaziod- bam ngad: ako".

⁵Mao"So wa kho:kham nho: lapa Heman re qam: so' byid: nae" yao: dao:so: byid' to" ru we' dakhyo:- ce: yauggai zo: daxe: byid yaug we' myiqe: zo: sam yaug rere: byid' ra".

⁶Yao" yauggai zo: qe alhab' wa Caung:pa" Yham mae caung:pa" ru mae bocao: bo nae" qhid' mae" yao: bam: yao: pho" nho: mho" shid' ra" qao: mae na mung: jhe' cang" jham we' tang: jham re be; ako". Amung: Asab- Yeduthun- Heman bam wa kho:kham mae" lo: ra" amyin" jham: qao: mae na: ako".

⁷Ce: shid' xe: byid yaug alhab' wa jhao mo, ngad: ako". Yao: bam: Levi mao:nhaung: qe wa mho" jhao: to" ra" tang: be, mo, ngad: ako". Aibam wa alhab' 288 yaug ngad: ako".

⁸Mau" zo" re phyid' kho' nae" qhid' mae"yao: bam wa ngai qere: qi: qere: jhao mo, ngad qere: majhao mo, ngad qere: yao: bam alhab' mo, pha" ce' khyo" ako".

⁹Ce: byu 288 yaug re daphung: re au: jhaung dayaug to: mung: yao: bam: yham khaung jham re cao" mung: daphung: re shid' xe: byid yham khaung khaung- daxe: shid' yaug yaug kho' ako". Ceru wa yao: bam: mau" adai ato' ngad: ra". 1) Asab nho: yham khaung mae" Yoseb- 2) Gedalia- 3) Zaku- 4) Zeri- 5) Nethania- 6)Bukia- 7) Asharela- 8) Yeshaia- 9) Matania- 10) Shimi- 11) Uzie- 12) Hashabia- 13) Shebuela- 14) Matithia- 15) Yerimod- 16) Hanania- 17) Yoshbekasha- 18) Hanani- 19)Malothi- 20) Eliatha- 21) Hothi- 22) Gidalti- 23) Mahaziod- 24) Romamti Ezera- bam ngad: ako".