Read Maru 1 KHO:KHAM MHOMYI: 4 Bible Online

1 KHO:KHAM MHOMYI: 4 - Maru bible

1 KHO:KHAM MHOMYI: 4

¹Cebam wa Yuda nho: myid:zo: qe damyo" ngad: ako". Aibam wa Pere- Hezron- Kami- Hura Shobala bam ngad: ako".

²Shobala wa Reaia nho: yao: pho". Reaia wa Yahad nho: yao: pho"- Yahad wa Ahumai we' Lahad tao: yao: pho" ngad mung: aibam wa Zoa mae na ko" ra" mo; nho: phug' pho" qe ngad: ako".

³Hura wa yao: pho" Khaleb nho: yham sang myhi" Ephrad nho: yauggai zoqhid' yaug ngad: ra". Yao" myid:zo: qe wa Betlehem vogaung: re te" ako". Hura wa Etam Penue- Ezra ga" ra" yauggai zo: sam yaug qo" ra". Amung: Etam wa Yezre- Ishma- Idba ga" ra" yauggai zo: sam yaug we' Hazeleponi ga" ra" myiqe: zo: dayaug qo" ra". Penue wa Gedora vogaung: re te: mung:- Ezra wa Husha vogaung: re te" ra".

⁵Tekoa vogaung: re te" ra" Ashu wa Hela we' Naara ga" ra" yham sang myhi" shid' yaug qo" ra".

⁶Yao: we' Naara wa Ahuzam- Hephera- Temeni- Hahashtari- ga" ra" yauggai zo: byid yaug qo" ako".

⁷Ashu we' Hela wa Zeret- Izha- Ethnan- ga" ra" yauggai zo: sam yaug qo" ako".

⁸Koza wa Anub we' Zobeba tao: yao: pho" ngad mung: Harum nho: yauggai zo: Aharhe nho: myid:zo: kaung qenho: phug' pho" ngad: ra".

⁹Yabed ga: mang: ra" byu dayaug na: ra". Ai: yaug wa yao" yham khaung byu qemae" je: phug' myao: byid: qhug' ra" yaug ngad: ra". Yao: re khau: rumae gyai no: ruyang yao: myhi" wa yao: re Yabed ga: mhang" byid' ra".

¹⁰Ngadqere: Yabed wa Israel nho: Mao"So re Mao"So we"- ngore shaman" byid: la,- ngore mug: myid myo: sho' byid: la,- ngo we' daga" na mung: ngore no nhao nae" ra" makhyang" ra" ja: alhab' mae" gug: gam byid: la, wo"- ga: akyu" mho' ra". Amung: Mao"So wa yao: akyu" mho' ra" ja: yao: re byid' ra".

¹¹Shuha nho: yao: nhaung: Khaleb wa Mehira ga" ra" yauggai zo: dayaug qo" ra". Mehira wa Eshton nho: yao: pho" ngad: ra".

¹²Yao: wa Bethrapha- Pasea- Tehina ga" ra" yauggai zo: sam yaug qo" ra". Tehina wa Naha vogaung: re te: yaug ngad: ra". Aibam: myid:zo: qe wa Rekha vogaung: mae na: ako".

¹³Kena wa Othaniela we' Seraia ga" ra" yauggai zo: shid' yaug ngad: ra". Othaniela re Hathad we' Meonotha ga" ra" yauggai zo: shid' yaug re: qo" ashi".

¹⁴Meonothai wa Ophra nho:yao: pho" ngad: ra". Seraia wa lo, mau" zaui: mo; lao: khaung: re te: yaug Yoba nho: yao: pho" ngad: ra". Aimae na mo, alhab' wa gyai jhao: ra" lo, mau" zaui: mo, ngad: ako".

¹⁵Yephune nho: yauggai zo: Khaleb wa Iru Ela- Naam ga" ra" yauggai zo: sam yaug qo" ra". Ela wa Kena nho: yao: pho" ngad: ra".

¹⁶Yehalele wa Zib- Zipha- Tiria- Asare ga" ra" yauggai zo: byid yaug qo" ra".

¹⁷Ezra wa Yetha- Mered- Ephe- Yalon ga" ra" yauggai zo: byid yaug qo" ra". Mered wa Egutu kho:kham nho: myiqe: zo: Bithia re lo, xo' yu: ra". Yao: tao wa Miriam ga" ra" myiqe: zo: dayaug we' Shamai we' Ishba ga" ra" yauggai zo: shid' yaug qo" ako". Ishla wa Esthemoa vogaung: re te: yaug ngad: ra". Mered wa Yuda amyu" kaung mae" myiqe: dayaug rere: lo,xo' yu: ra". Yao: tao wa Gedora vogaung: re te: yaug- Yered wa Sokho vogaung: re te: yaug Hebera wa- Zanoa vogaung: re te: yaug Yekuthie ga" ra" yauggai zo: sam yaug qo" ako".

¹⁹Hodia wa Naham nho: nhae: mo" re lo,xo' yu: ra". Yao: bam wa Keila vogaung: mae na ko" ra" Garm amyu" kaung re we' Esthemoa vogaung: mae na ko" ra" Makhathi amyu" kaung qenho: phug' pho" qe ngad: ako".

²⁰Simon wa Amnon- Rina- Benhanan- Tilon ga" ra" yauggai zo: byid yaug qo" ra". Ishi wa Zohed we' Benzohed ga" ra" yauggai zo: shid' yaug qo" ra".

²¹Shela wa Yuda nho: yauggai zo: qemae" dayaug ngad: ra". Yao" myid:zo: qemae Lekha vogaung: re te: yaug Era- Maresha vogaung: re te: yaug- Lada- Bed Ashbea vogaung: mae na ko" ra" jid: mo" qo, gin: qo; mo,-

²²Yokim we' Khozeba vogaung: mae na: ko" ra" amyu" byu qe- Moba myiqe: qe we' lo,xo' xo' mung: Betlehem vogaung: mae te" na: ko" ra" Yoasha we' Sarapha bam re: bobo: ako". (Ce: phug' phyid' mhomyi: wa gyai xug' ava".)

²³Yao: bam wa kho:kham nho: ug' kad' mau" zaui: mo,ngad mung: Netaim we' Gedera vogaung: mae na: ako".

²⁴Simun wa Nemue- Yamin- Yarib- Zera Sha-ula ga" ra" yauggai zo: ngo" yaug qo" ra".

²⁵Sha-ula nho: yauggai zo: wa Shalum ngad mung: yao: myid: wa Mibsam ngad: ra". Yao" nho: myid: kai: wa Mishma ngad: ra".

²⁶Mishma nho: kaung mae" Hamuela- Zaku- Shimi bam ngad: ako".

²⁷Shimi wa yauggai zo: daxe: khyaug' yaug we' myiqe: zo: khyaug' yaug qo" ra". Ngadqere: amyu" ba nam qe wa zo: dau nang" ako". Simun amyu" kaung qe wa Yuda amyu" kaung qenho" maje: ko" ngad: ra".

²⁸Kho:kham Davi pyad joe"sho' Simun nho: myid:zo: qe wa- Bersheba- Molada- Hazashuala-

²⁹Bilha - Ezem - Tolad -

³⁰Bethuela - Horma - Ziglag -

³¹Beth Makhabot - Hazarsusim- Betbiri we' Shaaraim vogaung: jham mae na: jo; ako".

³²Yao: bam wa Etam - Ain - Rimon -

³³Tokhen - Ashan ga" ra" jo, qo ngo" lam: we' lhang" gam: vogaung: jham- bobo mung: mug: thao shad' Balad vogaung: vha" joe" sho' mae re:- na: jo; ako". Cejham wa yao: bam: yham khaung mhomyi: we' yao: bam na: lo: ra" jo, qo tung" xam: ngad: ra".

³⁴O mae tung" to" ra" mo, wa yao: bam: kaung mae" au: jhaung qe ngad: ako". Aibam wa Meshobab- Yamleg- Amazia nho: yauggai zo: Yosha- Yoela- Yehu (yao: wa Yoshibia nho: yauggai zo:- Yoshibia wa Seraia nho: yauggai zo:- Seraia wa Asie nho: yauggai zo: ngad: ra".) Elioenai - Yakoba - Yeshohaia - Esaia - Adie - Yesimie - Benaia - Ziza (yao: wa Shiphi nho: yauggai zo:- Shiphi wa Alon nho: yauggai zo:- yao: wa Yedaia- Shimri we' Shemaia bam: myid:zo: qe ngad: ra".) Pe"mung:ga"re yao: bam: yham khaung kaung wa xo' yang: je" li" gemung:-

³⁹Yao: bam wa ba vao shad' Gerara alaug joe" sho' na: byo: lo" ako". Ai: vogaung: jo; ra" lao: khaung: ba thug' shad' jo, qo mae yao: bam: yao jham re zam" ako".

⁴⁰Yao: bam wa aimae yaug yo cae: tae" mung: myid xau gai: ra" pa: din" mhin: gyo, jao: re qho: myao: ako". Qhid' phyao: ai: jo, qo mae na ko" ra" byu qe wa Ham byumyu" qe ngad: ako".

⁴¹Yuda kho:kham Hezekia pyad mae- tho' mae tung" to" ra" mo, wa Gerara khyo ye: mung: aimae na ko" ra" byumyu" qenho: jamu we' zaung khyae: jham re ye phyo' pye' ako". Pe"mung:ga"re aimae yao: bam: yao jham qhid' mae" mhin: gyo, jao: gyai jo; ruyang yao: bam wa ai: byumyu" qere khe' thug' pye' mung: ai: mae gyag maqui: yete" na: ako".

⁴²Simun amyu" kaung mae" gatau ngo" yo yaug wa ba thug' shad' Edom khyo ye" lo" ako". Yao: bam re- Ishi nho: yauggai zo: qe ngad ko" ra" Pelatia- Nearia- Rephaia- Uzie bam: yang jhui" ye" lo" ako".

⁴³Yao: bam wa aimae na: dang: ra" Amaleg byu qere se' pye' gemung: yao: bam ai ao, mae" ai: jo, qo mae ana" joe" sho' na: jo; ako".