Read Maru 1 KHO:KHAM MHOMYI: 9 Bible Online

1 KHO:KHAM MHOMYI: 9 - Maru bible

1 KHO:KHAM MHOMYI: 9

¹Israel byu qe alhab' re yao: bam: yham khaung jham re cao" yang: japhin: kad' to: mung: ceru re Israel kho:kham qe: mhomyi: paug' mae tung" xam" to" ako". Yuda byu qe wa yao: bam: qobo qhid' mae" qobo dae byid' ru khyo" Babelon mung" khyo pyaung" jhui" lo" qhug' ako".

²Yao: bam sang: ra" vogaung: jham khyo sao qhid' dam: tug' lo nae" mo, mae Israel byu qe- khinjaung qe- Levi byu qe- Caung:pa" Yham mau" vin mo, ngad: ako".

³Yuda- Benyamin- Ephrim- Manashe- amyu" kaung mae" amyu" byu qe wa Yerusalem mae ye na nae" ye" lo" ako".

⁴Yerusalem mae na ko" ra" Yuda amyu" kaung mae" yham khaung wa 690 ngad: ako". Yuda nho: yauggai zo: Pere nho: myid:zo: qe wa Omri nho: yao: myid: Amihu nho: yauggai zo: Uthai wa au: jhaung khyo" ngad: ra". Uthai nho: phug' pho" gatau qe wa Imri we' Banu bobo: ako". Yuda nho: yauggai zo: Shela nho: myid:zo: qe wa yao: bam: au: jhaung khyo" Asaia ngad: ra". Yao: wa yao" yham khaung au: jhaung ngad: ra". Yuda nho: yauggai zo: Zera nho: myid:zo: qe wa yao: bam: au: jhaung khyo" Yeue ngad: ra".

⁷O mae tung" to" ra" Benyamin amyu" kaung mae bobo mo, wa Yerusalem mae na: ako". Ai bam wa Meshulam nho: yauggai zo: Salu- Meshulam wa Hodavia nho: yauggai zo: Hodavia wa Hasenua nho: yauggai zo: ngad: ra". Yeroham nho: yauggai zo: Ibneia- Uzi nho: yauggai zo: Ela ngad mung: Makhri nho: yao: myid: ngad: ra". Meshulam wa Shephatia nho: yauggai zo:- Shephatia wa Reuela nho: yauggai zo: Reuela wa Ibniya nho: yauggai zo: ngad: ra".

⁹Ai mae na ko" ra" ce: amyu" kaung qe: yham khaung wa 956 ngad: ako". Tho' mae mang bo mo, alhab' wa yham khaung au: jhaung qe ngad: ako".

¹⁰O mae tung" to" ra" khinjaung qe wa Yerusalem mae na: mo, ngad: ako". Aibam wa Yedaia- Yehoiarib- Yakhin- Hikhia nho: yauggai zo: Azaria (Caung:pa" Yham mae" au: jhaung qi) yao" phug' pho" qe wa Meshulam- Zadog- Meraiod- Ahitub- bam ngad: ako". Amung: Yeroham nho: yauggai zo: Adaia- yao" phug' pho" qe wa Pashu- Malkhiya bam bobo: ako". Adiela nho: yauggai zo: Masai- yao" phug' pho" qe wa Yahzera- Meshulam- Meshilemid- Imma bam bobo: ako".

¹³Yham khaung qenho: au: jhaung qe ngad ko" ra" khinjaung qe alhab' wa 1,760 yaug ngad: ako". Yao: bam alhab' wa Caung:pa" Yham mau" zaui" ru mae gyai jhao mo, ngad: ako".

¹⁴O mae tung" to" ra" Levi byu qe wa Yerusalem mae na mo, ngad: ako". Aibam wa Hashub nho: yauggai zo: Shemaia- yao" phug' pho" qe wa Azrikam- Hashabia ai bam wa Merari kaung qe bobo: ako". Amung: Bakbakka, Heresha- Gala we' Mikha nho: yauggai zo: Matania- yao" phug' pho" qe wa Zikhri- Asab- Shemaia nho: yauggai zo: Obadia- yao" phug' pho" qe wa Gala- Yeduthun Asa nho: yauggai zo: Netopha vogaung: sang: ra" mug: myid mae na: ra" Elkana nho: yao: myid: Berekhia bam bobo: ako".

¹⁷O mae tung" to" ra" mo, wa Caung:pa" Yham gug: gam mo, ngad: ako". Ai bam wa Shalum- Akub- Talmon- Ahiman- bam ngad: ako". Shalum wa yao: bam: au: jhaung ngad: ra".

¹⁸Ai: ayo, mae" ana" joe" sho' yao: bam: kaung mae bobo mo, wa ba thug' shad' mae" kho:kham nho: kham: mae gug: gam na: lo: ako". Yao: bam wa Levi amyu" qe: jamu mae" kham: mae ye, mung: gug: gam mo, ngad: ako".

¹⁹Kore nho: yauggai zo:- Ebiasab nho: yao: myid: Shalum we' Kora kaung mae" yao" mao:nhaung: qe wa yao: bam: phug' pho" qe ASANG: nho: Zaung mae au: jhaung kad' lai: lo ko" ru we' dakhyo: ASANG: nho: qhid' kheim: zaung kham: dung: mae gug: gam: ra" qo qo" mo, ngad: ako".

²⁰Eleaza nho: yauggai zo: Phineha wa ASANG yao: we' daga" ngad vashao: wo"- Yao: wa ai bam re eib: lai: lo: ava".

²¹Mashelemia nho: yauggai zo: Zekharia re: ASANG: qhid' kheim: Zaung kham: dung: mae gug: gam yaug ngad: ra".

²²Alhab' 212 yaug re kham: dung: zaung" mo, khyo" khyin: san: to" ako". Yao: bam re yao: bam na: ra" vogaung: re cao" yang: mang tung" to" ako". Kho:kham Davi we' lapa Samuela yang ce: qo re yao: bam phug' pho" qere jaung: vhin: to" ako".

²³Yao: bam we' yao: bam: myid:zo: qe wa Caung:pa" Yham kham: dung: re xo' yang: gug: gam: lo: ako".

²⁴Ba thug' ba vao- mug: am: mug: thao shad' khao: ngo" mae kham: dung: jo, mung: kham: dung: khao:ngo" mae gug: gam au: jhaung na: ako".

²⁵Ce: gug: gam mo, re vogaung: jham mae na ko" ra" mo, we' dalhang re nhad' ba ai: qo re vin vo; nae" ayab ang: ra" yao: bam ba nam qe yang bao" thaug' byid' ako".

²⁶Gug: gam au: jhaung byid yaug wa Levi byu qe ngad mung: qo qo" thao" mo, ngad: ako". Yao: bam wa Caung:pa" Yham mae" qe, jham rere: aimae qaung" to" ra" zokho jham rere: qu" gug: gam nae" qo qo" mo, ngad: ako".

²⁷Yao: bam wa Caung:pa" Yham nhae mae na: ako". Pe"mung: gare yao: bam: mau" wa ai re gug: gam nae" we' ne, seim khao: ngo" kham: phung" nae" qo qo" geyang: ngad: ra".

²⁸Levi byu gaje qe wa caung:pa" ru mae ci: ra" keim kang: jham qo re vinvo; ako". Yao: bam ai jham re ci khao: ngo" ci thug' ci vao: ra" mau" re ca mo, ngad: ako".

²⁹Gaje qe wa gyang" lho" ra" zai gatau re qo yu: ra" mau" kad' ako". Ai jham wa cin man" phaui:- sabyi' qang:- Zhan:lun: xau- Sheim nae pyo: xau- xeim: nae pyo: cid' jham ngad: ako".

³⁰Ngadqere: xeim: nae pyo: cid' jham re lhag' nae" mau" wa khinjaung qe: mau" ngad: ra".

³¹Levi byu Kora nho: kaung mae" Shalum nho: zoqhid' yauggai zo: Matithia wa mug ngaui" xeim: kad' jaung: ra" mau" qo" yaug ngad ra".

³²Kohad nho: kaung mae bobo mo, wa dugno: ba ba khao: ngo" Caung:pa" Yham qhid' mae" gyang" lho" mug re nyhang" jaung: ra" qo qo" ako".

³³Levi byu yham khaung daqhae: wa Caung:pa" Yham re caung: ngaui" ra" mau" vin vo; ako". Ce: yham khaung qenho: au: jhaung qe wa Caung:pa" Yham mae" yham daqhae: mae na mung: gatau mau" makad' ca" ngad: ako". Pe"mung: gare yao: bam wa myi" re: na" re: mau" kad' ako".

³⁴Tho' mae mang bo: ra" mo, wa Levi byu yham khaung qe: au: jhaung qe ngad mung: yao: bam: phug' pho" yham khaung cao" yang: ngad: ako". Yao: bam wa Yerusalem mae na ko" ra" au: jhaung qe ngad: ako".

³⁵Yeie wa Gibeon vogaung: re te: mung: aimae na: ra". Yao" yham sang myhi" wa Makha ga: mang yaug ngad: ra".

³⁶Yao" zoqhid' yauggai zo: wa Abdon ngad mung: yao" yauggai zo: gatau wa Zura- Kisha- Bala- Nera- Nadab-

³⁷Gedora- Ahio- Zekharia- Shimea nho: yao: pho" Miklod bam ngad: ako".

³⁸Yao: bam: myid:zo: qe wa Yerusalem mae" yao: bam: kaung yham khaung gaje qe nhae mae na: ako".

³⁹Nera wa Kisha nho: yao: pho"- Kisha wa Sholu nho: yao: pho" ngad: ako". Sholu wa Yonathan- Melkhishua- Abinadab- Eshba ga" ra" yauggai zo: byid yaug qo" ra".

⁴⁰Yonathan wa Meribba nho: yao: pho" ngad: ra". Meribba wa Mikha yao: pho" ngad: ra".

⁴¹Mikha wa Pithon- Meleg- Tarea- Ahaza ga" ra" yauggai zo: byid yaug qo" ra".

⁴²Ahaza wa Yara nho: yao: pho" ngad: ra". Yara wa Alemed- Azmaved- Zimri ga" ra" yauggai zo: sam yaug qo" ra". Zimri wa Moza nho: yao: pho" ngad: ra".

⁴³Moza wa Binea nho: yao: pho"- Binea wa Rephaia nho: yao: pho"- Rephaia wa Eleasa nho: yao: pho"- Eleasa wa Azela nho: yao: pho" ngad: ra".

⁴⁴Azela wa Azrikam- Bokheru- Ishmae- Shearia- Obadia- Hanan ga" ra" yauggai zo: khyaug' yaug qo" ra".