Read Maru NEHEMIA 10 Bible Online

NEHEMIA 10 - Maru bible

NEHEMIA 10

¹Sao Qhid' lo, xam: deim: yaug wa Hakalia nho: yauggai zo: mung" eib zug: mo" Nehemia ngad: ra". Ai: thao Zedekia lo, xam: deim" ra". O mae mang bo mo, re: lo, xam: deim" ako".

²Khinjaung qe- Seraia- Azaria- Yeremia- Pashu- Amaria- Malkhiya- Hatu- Shebania- Malug- Harim- Meremod- Obadia- Daniela- Ginethon- Barug- Meshulam- Abiya- Miyamin- Mazia- Bilgai we' Shemaia bam ngad: ako".

⁹Levi byu qe- Azania nho: yauggai zo: Yeshua- Henadad kaung mae" Binnui- Kadmie- Shebania- Hodia- Kelita- Pelaia- Hanan Mikha- Rehob- Hashabia Zaku- Sherebia- Shebania- Hodia- Bani we' Beninu bam ngad: ako".

¹⁴Mung" byu qe: au: jhaung qe- Paro- Pahad Moba Elam- Zatu- Bani Bunni- Azgad- Bebai Adoniya- Bigvai- Adin- Ate- Hezekia- Azu Hodia- Hashum- Bezai Harib- Anathod- Nebai Magpia- Meshulam- Hezira Meshezabe- Zadog- Yadua Pelatia- Hanan- Anaia Hoshea- Hanania- Hashub Halohe- Pilha- Shobeg Rehum- Hashabna- Maseia Ahia- Hanan- Anan Malug- Harim we' Bana bam ngad: ako".

²⁸Israel byumyu" ngonhaung"- khinjaung qe- Levi byu qe- caung:khin" yham lhaug' mo,- Caung:pa" Yham mae" be; nghaui" mo,- Caung:pa" Yham mae" mau" zaui: mo, we' Mao"So: Tarha" re phug' cao" mo, alhab' wa ngonhaung" mug: myid mae na: ra" taung bug byu qe mae" gatau kho' na: bam va". Ngonhaung" re: ngonhaung" nho: yham sang myhi" we' ba: gyo: qae: ngad va"- ngonhaung" nho: zoshao qe alhab' we' daga"-

²⁹Ngonhaung" nho: au: jhaung qe we' qhan: yang: jham tang: va". Aire phyo' qheim" pye' lao" yug: dae phau: zo: nae". Ngonhaung" wa Moshe khyo" yang Mao"So byid' to" ra" Mao"So: Tarha" we' dakhyo: na nae". Ngonhaung" wa ASANG ngonhaung" nho: Mao"So: yang ngonhaung" re byid' to" ra" amyin" alhab' re phug' cao" na nae". Ngonhaung" wa yao" tarha" jham alhab' we' yao: mho' ru alhab' re cao" nae" ein: jham tang" bam va".

³⁰Ngonhaung" wa ngonhaung" nho: mug: myid mae na: ra" taung bug byu qe we' myibyid: myiyu makad' nae".

³¹Taung bug byu qe Dugno: Ba mae" mangad: lao" gyang" lho" ra" ba na gatau daba: ba mae taung bug byu qe ngonhaung" re gaug zo mangad: lao" gatau daja: ja: li" aung: byid ko" ngad: re yao: bam mae" ngonhaung" mavai nae". Nhad' zin joe" khao: ngo" ngonhaung" yo re: makad' maphaug' nae". Aimung: ngonhaung" nho: yu ca" jhin alhab' re khyad' pye' nae".

³²Ngonhaung" yaug khao: ngo" wa- zin khao: ngo"- Caung:pa" Yham mae yhung: ca" ru qhid' mae" ngaui shekela sam bam mae" dabam ke' nae".

³³Ngonhaung" wa- Caung:pa" Yham qhid' mae" o mae japhin: bo: gu: re ceim" ke' nae". Gyang" lho" mug- ba khao: ngo" mae" qhaug' byid' ra" gaug zo- ba khao: ba ngo" ngaui" xeim: khyo" phad' ngaui" ca" ra" gug'nyhug' jham- Dugno: Ba: qhid' mae" gyang" lho" xeim: jham- lho" xin: poe qhid' mae" xeim: we' gatau poe jham gatau gyang" lho" xeim: jham- Israel byumyu" qenho: qobo re yu: pye' byid: nae" ngaui" xeim: alu: jham we' Caung:pa" Yham mae qo ca" ra" gatau ja: khao: ngo" re ke' nae".

³⁴Ngonhaung" mung" byu qe- khinjaung qe we' Levi byu qe wa- zin khao: ngo"- Tarha" yang mho" to" ru we' dakhyo: ASANG ngonhaung" Mao"So re xeim: phad' ngaui" re ci nae" thao: re kho: myu" kaung qe phoe' ca" ru boe, phyid' nae" qhid' mae" pha" ce' khyo" yu nae" ngad: ra".

³⁵Ngonhaung" wa zin khao: ngo" Caung:pa" Yham khyo ngonhaung" yad: yu: ra" gaug zo mae" sao qhid' ameim" we' ngonhaung" nho: shigae jham mae" sao qhid' zaui" rure ci:ye: nae".

³⁶Ngonhaung" mae" myhung: li" ra" zo qhid' yauggai zo: re Caung:pa" Yham mae" khinjaung qejhao" jhui" ye: mung:- aimae- Tarha" mae tung" to" ru we' dakhyo: Mao"So re qhaug' byid: nae". Ngonhaung" wa ngonhaung" nho: nung: zang dau: khao: ngo" mae" sao qhid' xao" ra" nung: nau" re we' ngonhaung" nho: yao jham mangad: lao" cad' be, jham mae" sao qhid' xao" li" ra" dau: re qhaug' byid: nae".

³⁷Ngonhaung" wa zin khao: ngo" sao qhid' yad: yu: ra" gaug zo maui: lam: mae" cin man" we' gatau ngonhaung" nho: sabyi qang: xeim:- zhanlun xau we' shi: aja: ja: re- Caung:pa" Yham mae na: ra" khinjaung qejhao" ciye: nae". Ngonhaung" wa ngonhaung" nho: qho: zo: qho: shaug' ra" vogaung: jham mae" xebam dabam khyui: ra"- ngonhaung" nho: mug: myid mae qho" ra" qhovo: qhoshi: mae" xebam dabam re Levi byu qejhao" ciye: nae".

³⁸Xebam dabam re khyui: zhang: ra" au: Arun mae" gyo" lo: ra" khinjaung qe wa Levi byu qe we' daga" bo: bo ca" genae" ngad: ra". Aimung: Caung:pa" Yham mae ci nae" qhid' mae"- Levi byu qe wa yao: bam qo" khyui: zhang: yu ra" xebam dabam re- Caung:pa" Yham mae" zai to: qe, jham khyo ciye: ca" genae" ngad: ra".

³⁹Israel byumyu" qe we' Levi byu qe wa- gaug zo- sabyi qang: we' zhanlun xau re- Caung:pa" Yham mae" keim kang: shaung: zai to" ra" zai to: qe, jham mau" ang: ra" khinjaung qe- Caung:pa" Yham gug: gam qe we'- Caung:pa" Yham mae" thoejab nghaui"caung: mo, mae bobo mo; jo, qo khyo ciye: ca" genae" ngad: ra". Ngonhaung" wa- ngonhaung" nho: Mao"So: yham re maqu" lhaui" to: nae".