Read Maru NEHEMIA 11 Bible Online

NEHEMIA 11 - Maru bible

NEHEMIA 11

¹Au: jhaung qe wa Yerusalem mae te" na: bam mung: dang: ra" mung" byu qe wa -gyang" lho" Yerusalem vomo" mae yena nae" qhid' mae" yham khaung daxe mae" dayham khaung khaung khyin: yu nae" pha" ce' khyo" ako". Dang: ra" mo, wa gatau: vomo" jham we' gatau: vogaung: jham mae na ca" nae" ngad: ra".

²Yerusalem mae yena nae" qhid' mae" yao: yao" myid khyo" mang ke' mo, yaug khao: ngo" re- mung" byu qe ceim" khin" ako".

³Gatau: vogaung: jham we' gatau: vomo" jham mae wa- Israel byumyu" qe- khinjaung qe- Levi byu qe- Caung:pa" Yham mae mau" zaui:mo, we' Sholamon nho: daui daui mo; nho: myid:zo: qe wa yao: bam yao" vogaung: jham mae yao: yaug yao" jo,nho" dao mae na: ako". O mae japhin: bo: ra" mo, wa Yerusalem mae na: ra" Yuda mung" dau mae" au: jhaung kad' ra" vobyu qe ngad: ako".

⁴Yuda kaung boe: mae" byu qe- Athaia wa- Zekharia nho: yao: myid: ngad: mung:- Uzia nho: yauggai zo: ngad: ra". Yao" nho: phug' pho" gaje: gu: mae bobo mo, wa- Yuda nho: yauggai zo: Pere nho: myid:zo: qe ngad ko" ra" Amaria- Shephatia we' Mahalale bam ngad: ako".

⁵Maaseia wa -Kholhoze nho: yao: myid: ngad mung:- Barug nho: yauggai zo: ngad: ra". Yao" nho: phug' pho" gaje: gu: mae bobo mo, wa- Yuda nho: yauggai zo: Shela nho: myid:zo: qe ngad ko" ra"- Hazaia- Adaia- Yoiarib we' Zekharia bam ngad: ako".

⁶Pere nho: myid:zo: qemae"- Yerusalem mae na: ra" baug thug' mo, wa 468 yaug ngad: ako".

⁷Benyamin kaung boe: mae" byu qe- Salu wa- Yoed nho: yao: myid: ngad: mung:- Meshulam nho: yauggai zo: ngad: ra". Yao" nho: phug' pho" gaje: gu: mae bobo mo, wa- Pedaia- Kolaia- Maaseia- Ithie we' Yeshaia bam ngad: ako".

⁸Salu nho: ba nam sang: tin: qe wa Gabai we' Salai bobo: ako". Yerusalem mae na: ra" Benyamin kaung boe: mae" mo, alhab' wa 928 yaug ngad: ako".

⁹Zikhri nho: yauggai zo: Yoela wa yao: bam: au: jhaung ngad mung:- Hasenua nho: yauggai zo: Yuda wa ai: vomo" mae" qi" thao" zug: shid' yaug ein: yaug ngad: ra".

¹⁰Khinjaung qe- Yoiarib nho: yauggai zo: Yedaia we' Yakhin ngad: ako".

¹¹Seraia wa- Meshulam nho: yao: myid: ngad mung: Hilkia nho: yauggai zo: ngad: ra". Yao" nho: phug' pho" qe mae bobo mo, wa- Zadog- Meraiod we' Khinjaung Yin" boe" lai: lo: ra" Ahitub bam ngad: ako".

¹²Caung:pa" Yham mae caung da" byid' na: ra" ce: amyu" kaung mae" byu alhab' wa 822 yaug ngad: ako". Adaia wa- Pelalia nho: yao: myid: ngad mung:- Yehoram nho: yauggai zo: ngad: ra". Yao" nho: phug' pho" bam mae bobo mo, wa- Amzi- Zekharia- Pashu we' Malkhiya bam ngad: ako".

¹³Ce: amyu" kaung mae bobo: ra" 242 yaug alhab' geim" wa yham khaung vin mo, ngad: ra". Amashsai wa- Ahzai nho: yao: myid: ngad mung:- Azare nho: yauggai zo: ngad: ra". Yao" nho: phug' pho" qemae bobo mo, wa Meshilemod we' Imma ngad: ako".

¹⁴Ce: yham khaung mae" baug thug' ra" gyezo: qe wa 128 yaug ngad: ako". Yao: bam: au: jhaung pho" wa- au: she: ra" yham khaung mae" yham byu Zabdie ngad: ra".

¹⁵Levi byu qe- Shemaia wa- Azrikam nho: yao: myid: ngad mung:- Hashub nho: yauggai zo: ngad: ra". Yao" nho: phug' pho" qe mae bobo mo, wa Hashabia we' Bunni ngad: ako".

¹⁶Shabethai we' Yozabad wa- Caung:pa" Yham taung gaung shad' mae" mau" re jhui" zaui" ra" au: jhaung Levi byu ngad: ako".

¹⁷Zabdi nho: yao: myid:- Mikha nho: yauggai zo: Matania wa Asab nho: myid:zo: dayaug ngad: ra". Yao: wa akyu" mho' dao: we' jeju beim: Caung:pa" Yham mae" nghaui" caung: phung: re jhui" au: she yaug ngad: ra". Matania nho: bao" thaug' yaug wa Bagbukia ngad: ra". Gala nho: yao: myid:- Shammua nho: yauggai zo: Abda wa Yeduthun nho: myid:zo: ngad: ra".

¹⁸Gyang" lho" vomo" Yerusalem mae na: ra" Levi byu qe alhab' wa 284 yaug ngad: ako".

¹⁹Caung:pa" Yham gug: gam mo,- Akub- Talmon we' yao: shid' zo" nho: ba nam sang: tin: qe alhab' wa 172 yaug ngad: ako".

²⁰Dang: ra" Israel mung" byu qe we' na: dang: bam: ra" khinjaung qe- Levi byu qe wa Yuda mung" mae" yao: bam yao" vomo" jham we' vogaung: jham mae yao: yaug yao" yham yo we' na: ako".

²¹Caung:pa" Yham mae mau" zaui: mo, wa Ophela ga: mang: ra" Yerusalem vogaung: dadau mae na mung:- Ziha we' Gispa shid' zo: qu" kam" na: ra" khug mae mau" zaui" ako".

²²Yerusalem mae na: ra" Levi qere qu" kam: yaug wa- Hashabia nho: yao: myid:- Bani nho: yauggai zo: Uzi ngad: ra". Yao" nho: phug' pho" qe mae bobo mo, wa Matania we' Mikha ngad: mung: yao: wa Caung:pa" Yham mae- be; nghaui" mau" vin: ra" Asab kaung boe: mae bobo: ra".

²³Ba khao:ngo" Caung:pa" Yham mae" be; nghaui" ra" mau" re khomyu" kaung khoru: yao" ayab cao" yang: lozaui: nae" ru ta" to" ra" kho:kham Tarha" jham jo; ra".

²⁴Yuda kaung Zera boe: mae" Meshezabe nho: yauggai zo: Pethahia wa- Persia kho:kham Tarha" yung" mae" Israel byumyu" qere gaung tha" boe" yaug ngad: ra".

²⁵Byu myo: sho' mo, wa- yao: bam: yodae jham: nhae mae" vogaung: jham mae na: ako". Yuda kaung mae" mo, wa Kiriad Arba- Dibon- Yekabze we' yao: bam: vomo" jham: nhae mae jo; ra" vo jham mae na: ako".

²⁶Yao: bam wa Yeshua- Molada- Bedpheled we'

²⁷Hazar Shua we' Bersheba- ai: avai: ayae mae" vo jham mae re: na: ako".

²⁸Yao: bam wa- Mekhona mae" Ziglag vomo" we' ai: nho: vogaung: jham ngad ko" ra"-

²⁹Enrimmon- Zoa- Yamud

³⁰Zanoa- Adulam mae we' ai: vogaung: jham: avai: ayae mae" vo jham mae na: ako". Yao: bam wa Lakhi mae we' avai ayae mae" yodae jham mae Azeka we' ai: vo jham mae na: ako". Ceru wa- Yuda mung" byu qe wa- mug: thao shad' Bersheba we' mug: am: shad' Hirom lao: khaung: agyo: mae" mug: kyo: mae na: ein: ru ngad: ra".

³¹Benyamin kaung boe: mae" mo, wa- Geba- Mikhma- Ai- Bethela we' avai: ayae mae" vo jham

³²Anathod- Noba- Anania-

³³Hazora- Rama- Gitaim-

³⁴Hadid- Zeboim- Nebalad-

³⁵Loda- Ono we' lo,mau" zaui: mo, qe: Lao:khaung: mae na: ako".

³⁶Yuda mug: kyo: mae na: ra" Levi byu phung: damyo" wa- Benyamin byumyu" qe we' daga" na nae" kho' byid' ru qhug' ako".