Read Maru YOBA 26 Bible Online

YOBA 26 - Maru bible

YOBA 26

¹Masho: majhin phyag' mung: qam: nang" ra" ngo ru" yaug re nao: yang bao" thaug' ru khoqhi" ngad i?

³Nao wa ngo ru: nhag' magyang" yaug re aiqhi" gai: ra" pha,jhi" byid' ra" i?

⁴Ni" dao: kheim: alhab' re khag' gyo: byid: nae" ein: myid: jho: i? Ceru: ba: jhau nae" qhid' mae" nao re khag' yang jaung" byid' i?

⁵Shid mo; nho: subyo jham wa myidgaung khug mae" qid mae nin" na: ako".

⁶Movo: mug: wa Mao"So: qhid' kheim: mae de: de: myao: thug' jo; ra". airu re yao" qhid' kheim: mae" pe" yang re: pe" ja" go: yang re: maqo" nghoe' to: ngad: ra".

⁷Mao"So wa mug: am: shad' mae" mug:gaung re phyid: myhung" ke' ra". Aimung: myidgaung rere: mug: le; phyo: mae lhao" to" ra".

⁸Jham thaui: jham mae qid ke' pyang" mung: aijham re la: yang: mabaug: sheim: gyo" lo sho' tam" to: yaug wa Mao"So ngad: ra".

⁹Yao: wa lho" lang" mo" re jham thaui: khug mae nyham" to" ra".

¹⁰Yao: wa panglai: dao mae khao" to" ra" akheim" yang mug: bo" we' mug: cad' re kho' to" ra".

¹¹Mug:gaung re thaug' to" ra" zang baung: jham re yao: kyaug' nin" ke' lao" aijham wa gyaug: nin" mung: lab: nan" ako".

¹²Pang:lai:: re aung: pye' ru wa yao" qam: ngad: ra" yao" laba lajhao: yang maojaung: Rahab re phyo' qheim" pye' ra".

¹³Yao" so' she: ru wa mug:gaung re gyang: gyang: za: sho' pye' ra". Aimung: phao: loe; lo" ra" maojaung: re se' pye' ru wa yao" lo, yang ngad: ra".

¹⁴Ngadqere: cegu: wa yao" kheim: so' mae" daqhae: za: angad:- ngonhaung" the' gyo" ru wa yao" dao: so' so' thoe ru za: angad:- Mao"So dang dang za: khoqhi" qi" qhang: rure khag' qo" ba nae" i?