Read Maru YOBA 32 Bible Online

YOBA 32 - Maru bible

YOBA 32

¹Yoba wa yao: qobo maqo" ga: tin: tin: myid: ci: ra" mathao mae yao" ba nam byin cao: sam zo: wa yao: re phaug' tau: nae" khyo re to" pye' ako".

²Ngadqere:- ayae mae ye; jo; yaug Elihu ga: mang yaug wa- Yoba yao" gaung re dangman" ga: myid mung: Mao"So re qobo vhin: ruyang yao: nhag' yo: nug: rure matho' zang: lo: ngad: ra". (Elihu wa Bu myid:zo: qemae" Barake nho: yauggai zo: ngad mung: Ram kaung boe: mae bobo: ra".)

³Yao: wa Yoba nho: ba nam byin cao: sam yaug rere: nhag' yo" ra". Yao: bam wa Yoba re phaug' tau: nae" khyo khoru: maba: qho lomung: ceru wa Mao"So shad' ra" ga" khyo" myao: thug' li" nhao: ra".

⁴Elihu wa aimae na mo, mae" ngai: thao" yaug ngad yang: yaug khao: ngo" bin: jhau sho' lao" na: ra".

⁵Ai: byu sam yaug: geim" yang Yoba re maqo" phaug' tau: loko" rure yao: the' myao lao" yao: nhag' yo" li" ra".

⁶Aimung: yao: jhau: qhid: li" ra". Ngo wa zolau: ngad mung: naonhaung" wa mao" avako" aimung: ngo myid: to" ru naonhaung" re mavae" ta" kyo:-

⁷Naonhaung" je: qao" va" mo, shi" naonhaung" pha,jhi" re gae: myho" byid: ca" rumung: naonhaung" shi" jhau ca" ra" ein: ngoyao" gaung re ta" peim" ra".

⁸Ngadqere:- byu re pha,jhi" byid' ru wa byu qe: dao mae gyo" li" ra" qam: so' bo: thao" Mao"So: byo angad: ra".

⁹Byu jham wa na: mao" lo" yang: pha,jhi" bo: li" ru mangad:- mangad: lao" na: mao: yang: jo: ru pe" ngad: ga" re ba: li" rure: mangad:-

¹⁰Aimung: ana" ngo wa- naonhaung" re ngo ta" ru tae" gyo: nhao nug: ngo myid: to" ru naonhaung" re ta" kyo: geli".

¹¹Naonhaung" jhau: na: au:- ngo nhag' lam: qhang qhang to: mung: sae za: tae" gyo" na:- Aimung:- pha,jhi" dao: kheim: jham re myid: qho: na ko" au: ngo lao" na:-

¹²Ngo te' dai" za: gyo" na: re naonhaung" madoe, loko" ru the' gyo" Yoba ta" lai: lo: rure majo: ga: naonhaung" maqo" ceim" qhu" ngad: ako".

¹³Naonhaung" wa pha,jhi" re qhug' qho: myao va" ein: khoru: ba: qo" ta" genae" i? Naonhaung" maboe" lo: geyang: Yoba re Mao"So yao: phaug' tau: ca" ra".

¹⁴Yoba wa naonhaung" re jhau: na: ra"- ngore jhau: na: ru mangad:- Ngadqere: ngo wa naonhaung" ru: khonhae" re: maphaug' tau: nae".

¹⁵Yoba we"- yao: bam pe" dao: dakheim: maqo" qho lo:ngad: ako". Nao re phaug' tau: nae" dao: phyid yao: bam maqo" ngad: ako".

¹⁶Yao: bam sae za: tae" jo; au: ngo xo' yang: lao" na gai: i? Yao: bam wa ta" nae" pe" majo, lo: aimae ye, bam: ako".

¹⁷Mangad: nae"- ana" ngo wa ngoyao" dao: phyid re byid: mung: ngo myid: ci: ru nao re ta" shid' nae".

¹⁸Ngo dao: jhau nae" matho' lao" lo:- nga" dao: jham re matho' zang" cilo:-

¹⁹Ngo dao: jhau nae" akhang" maqo" re- sabyi qang: asag' byang" sho' bo: ra" shoqid thaung re" ru: baug: go; lo" li" nae".

²⁰Ngo maqo" zang: lo: ngo jhau yao: jhau ca" va".

²¹Ngo wa- ce: jho" ta" ngag: ra" phaung mae khoshad' re: mabode, nae"- ngo wa khag' rere: makhin" nae".

²²Ngo wa su re maba: khin" amung: ngo qe airu: jhu" yang: ngad re Mao"So: wa ngore phyad phyad qobo dae byid' li" nae".