Read Maru YOBA 35 Bible Online

YOBA 35 - Maru bible

YOBA 35

¹Yoba we"- Mao"So: qhid' kheim: mae nao qobo maqo" ga: ta" ru wa majo ngad: ra".

³Mangad: lao"- Mao"So re- nga" nho: qobo: yang nao re pe" li" mung: i? ngo qobo mashad' yang: pe" the' va" i? ga: myid' rure: majo nae".

⁴Ngo wa nao re we' ni" byin cao: qere re: myid: nae".

⁵Mug:gaung khyo qu" ke' ge,- Jham thaui: jham wa khonho" myhao: ra" i?

⁶Nao qobo shad' re Mao"So khyo pe" malo" zao"- nao myo: sho' lhang shad' ru kad' ngad: re- aiwa yao: re pe" lo" mung nae" i?

⁷Nao ainho" din:man: mung: Mao"So re qo" bao" i? Mao"So qo ca" ru nao mae pe" majo,

⁸Ni" nho: qobo jham: mathao mae dae leim zo" ru wa naonhaung" byu yao: cao za: angad:- aimung: nao kad' ra" gai: rure byu yao: cao: re za: bao" thaug' byid' ra".

⁹Byu qe wa deim" zag zo: qhug' gelao" yao: bam nokyang: kyang" ako". Yao: bam wa yao: bam re khyad' yu nae" byu dayaug yaug re hug' yao: ako".

¹⁰Ngadqere: yao: bam wa- yao: bam re phan" ra" ASANG Mao"So jhao" malhang: lo ngad: ako". Mug: cad' no, sang: kyid ngad: au: yao: bam re myid: lao" jo, qo byid: yaug jhao" malhang: lo ngad: ako".

¹¹Yao: bam wa- ngonhaung" re gug'nyhug' mangad: lao" ngho' tho' pha,jhi" bo nhao: ra" Mao"So jhao" malhang: lo ngad: ako".

¹²Yao: bam wa bao" yu nae" mho' yao: ako". Ngadqere:- Mao"So maphaug' tau: byid: ngad: ra". Pe"mung:ga"re- yao: bam wa ngad beim: mung: makhyang: mashab mo, ngad: ako".

¹³Yao: bam hug' yao: ru wa yao: bam: qhid' mae" pe" akyu" mabo ngad: ra". Qam: so' bo: thao" ra" Mao"So wa yao: bam re mamyao byid:- gyo: re magyo: byid: ngad: ra".

¹⁴Yoba we"- nao wa Mao"So re mathe' myao ga: ta" ra"- ngadqere: nhag' lam: qhang qhang to: mung: lao" na wa,- ni" si: wa yao" qhid' kheim: mae joe" jo; ra".

¹⁵Mao"So wa qobo dae mabyid: ga:- yao: wa qobo re pe" xan: masun: ga: nao myid: jho: ra".

¹⁶Nao xo' yang: jhau: na: ru wa pe" akyu" mabo ngad: ra"- nao pe" ta" na: rure nao maba: ru wa de: de: za: myao: jo; ra".