Read Maru YOBA 37 Bible Online

YOBA 37 - Maru bible

YOBA 37

¹La qam" wa nga" sang: re phabau: phaxe' sang: gaug: thaung: nhao: ra".

²Naonhaung" alhab' Mao"So: thoe re tae" gyo" qu" shige,- yao" nhad' mae" thug' li" ra" mug: gyug: re tae" gyo: ge,.

³Yao: wa- myidgaung athao dashad' mae" gatau athao dashad' joe" sho' mug:gaung khyo" lhe' cad' re nhao: ke' ra".

⁴Ailao" yao: myang: ra" thoe re the' gyo" ra" phung bo: ra" mug: gyug: myang thoe the' gyo" ra". Aimung: ai: au: yao: khyao za: lhe' cad' cad' ra".

⁵Mao"So amyin" byid' ke' lao" mug' pho: mau" jham boe" lo: ra" ngonhaung" matho' ba: gyo" ra" mug' ja: jham boe" thug' lo: ra".

⁶Yao: wa- gyu: re myidgaung khyo gyo" nhao mung: taung byaung: byaung: sho' mug: qu: yang bab bab jhug' nhao: ra".

⁷Yao: wa byu qenho: mau" re tam" pye' byid' ra". Yao: wa yao: qo" kad' rure qhu" byid' ra".

⁸Gug'nyhug' lhe: jham wa yao: bam yao" khyaung khyo phao: vao lo" ako".

⁹La qam" wa mug: thao shad' khyo" lo mung: gyai ngin" ra" la ngin" wa mug: am: khyo" lo: ra".

¹⁰Mao"So: so' wa qid re khai" lo" nhao: ra". Aimung: aijham re gyukhai" boe" lo" nhao: ra".

¹¹Jham thaui: jham mae" lhe' cad' thug' li" ra".

¹²Jham taui: jham wa Mao"So myid: o: ra" khyo" qui" qin" ako". Jham thaui: jham wa Mao"So amyin" byid' to" ru alhab' re myidgaung khyi" khao: ngo" cao" kad' ako".

¹³Mao"So wa myidgaung re qid dag nhao nae" qhid' mae" mug: qu re nhao: ke' ra". Yao: wa byu qere qobo dae byid: nae" qhid' mae" ngad ngad- yao: bam re jeju byid: nae" qhid' mae" ngad ngad ai: rure nhao: ke' ra".

¹⁴Yoba we"- dazab: thang mung: tae" gyo: wa,- Mao"So kad' ra" mug' pho: jham re myid: ke' qu" wa,-

¹⁵Mao"So khoru: amyin" byid' ke' ru we' jham thaui: jham mae" lhe' cad' thug' li" rure nao ba: i?

¹⁶Jham thaui: jham mug:gaung mae khoru: lhu: qin" ru- Mao"So: mug' pho: laba lajhao mau" re nao ba i?

¹⁷Mangad:- mug: thao khyo" lo: ra" la: yang myidgaung re nug: khyo: hug' zag: nhai" au: re nao wa laung thoe za: athe' gyo" ke' ra".

¹⁸Nao wa Mao"So re mug:gaung re phyid: lhu nae" qobo dae byid: nae" i? aimung: aire boe; yaung" to" ra" to' we' dakhyo: qao sho' qo" bobao" kad' nae" i?

¹⁹Mao"So re pe" ta" nae" ru ngonhaung" re mho" byid: la, Ngonhaung" myid mae akeim ngad: ra" ngonhaung" ta" nae" pe" maqo"-

²⁰Ngo wa Mao"So we' jho" jhau: nae" qhid' mae" mamho' nae". Yao" yang ngore phyo' qheim" pye' nae" akhang" yao: re ngo pe"mung: ba: byid: nae" i?

²¹Aimung: ana" wa- mug:gaung mae" bo" bao wa qhi qhi mung: bao: ra". Airu: saung" bao mung: aire ngonhaung" matho' qu"- aimung: la: yang mug:gaung re hug' khyad' san: pye' ra".

²²Mug: am: shad' khyo qu" ke' re qhang ru: bao: jo; ra". Aimung: Mao"So: phungbao wa ngonhaung" re gyaug: mug' byaug nhao: ra".

²³Mao"So: kheim: so' wa saung" thin mung: yao" nhae khyo ngonhaung" maqo" ye:- Yao: wa din:man: mung: byu qere tarha" nyang: ra" khyo" zam" khug: ra".

²⁴Aimung: yaug khao: ngo" yao" qhid' kheim: mae gyaug: mug' ye; jo, ako". aimung: yao: wa pha,jhi" bo: ga: mo, re pe" xan: masun: ngad: ra".