Read Maru YOBA 8 Bible Online

YOBA 8 - Maru bible

YOBA 8

¹Nao wa ni" dao: je dao: myid bin: jhau va" i?

³Mao"So wa tarha" dangman" rure khonhae" re: manai: sham" nag: pye'- yao: wa jo: rure kad' nae" khonhae" re: malhoe' pye' ngad: ra".

⁴Ni" zo: qe wa Mao"So re qobo shad' ge-ang va". Aimung: yao: wa yao: bam kham zo: nae" man: qi" ra" khyo" yao: bam re qobo dae byid' ava".

⁵Ngadqere:- ana" lhang: lo mung: qam: bo: thao" ra" Mao"So re goe; mho' wa,-

⁶Nao qe ainho" dangman" mung: san sin" yaug ngad: re wa- Mao"So li" mung: nao re bao" yu nae" ngad: ra". Aimung: ni" aphug' jhaung qhu" khyo" ni" yham byu qere dam: tau: to' byid' li" nae".

⁷Ailao" Mao"So nao re byid: nae" ru we' tai" re- nao seim" pye' va" jo,nho" alhab' wa pe" lhao" magai: tai" nae".

⁸Ganhae" gaco' mae" pha,jhi" re dazab kho lhau" qho: qu" shi: wa,. Ngonhaung" nho: phug' pho" qe- mho" zhao: yu: ra" dangman" rure myid: ca: qu" wa,.

⁹Ngonhaung" nho: apyad kao so' wa lang" ra" ngonhaung" wa pe" yao: maba- Ngonhaung" wa mug:myid dao mae bao qab jham we' dakhyo: na: lai: lo" ako".

¹⁰Ngadqere:- ganhae" gaco' mae" pha,jhi" bo mo; yang nao re mho" shid' vageshao: yao: bam ta" ang: rure tae" gyo: wa,.

¹¹Qid phaung: jham wa- qid majo; rumae maqo" yaug- aijham re tham: nheim" taung gaung mae khonhae" re: maqhug' myao.

¹²Qid kin" byaug lao"- thau: ci magai shimae" aijham shi" sao qhid' jhoe' mai: lo" ako".

¹³Mao"So re maba mo, wa ai: akyu" mabo: ra" qid phaung: jham we' dau: ako". Mao"So re to" myhid' pye' gelao" yao: bam: myid: lao" khyo ci: phyaug' pye' ako".

¹⁴Yao: bam wa- phyogao: yham khyang re myid: lam: na: ako".

¹⁵Yao: bam qe phyogao: yham re ngha: na: re aiwa yao: bam re qo" zaui" ci nae" i? Yao: bam qe khyang dakhe' re zhab' ci: re ai wa yao: bam qhid' mae" gang: nae" i?

¹⁶Makhyang: mashab mo, wa ba zho mae myo, gae yaug: thug' li" ru we' dakhyo: yaug: thug' li" ako". Dakhyae: geim" mae byo: lo" ra" myo, gae we' dakhyo: yaug: li" ako".

¹⁷Aijham: nho: agyi: jham wa laug zang jham re thab' pye' ako". Aimung: laug zang khao: ngo" mae tang za: kyin" zhaug' ci: ako".

¹⁸Ngadqere:- yao: bam re lao" phan" pye' lao" yao: bam ai: jo, qo mae yaug: lai: lo: rure khag' re: maba genae".

¹⁹Ngad va"- makhyang: mashab mo, qo" yu: ra" ngaui bau: khyo wa aigu: za: ngad: ra". Gaje byu qe li" mung: yao: bam: jo, qo re yu: pye' byid' ako".

²⁰Ngadqere:- jhaug' zaug mo, re khonhae" re: Mao"So mashapye' nae". Makhyang: mashab mo, rere: khonhae" re: bao" thaug' byid' li" nae" mangad:-

²¹Yao: wa nao re dam: qi nhao mung: ngaui bau: taung" dam: hug' nhao: nae".

²²Ngadqere:- yao: wa nao re nghang: mo, re nga: yeim nhao: li" nae". Aimung: makhyang: mashab mo, yham jham wa baui" byaug: li" nae".