Read Maru CAUNG: KHIN" 101 Bible Online

CAUNG: KHIN" 101 - Maru bible

CAUNG: KHIN" 101

¹Nga" nghaui" caung: wa jhaug' zaug: ru we' tarha" dangman" ra" khyo ngad:- aimung: O" ASANG we"- nao re ngo Nghaui"caung: caung: byid' ra".

²Nga" ave, lo, mau" wa qobo made; ru ngad nae". Ngo jhao" nao khonhae" li" nae" i? Ngo wa nga" yham mae gyang" san: ra" khyo" kao so' daui: na nae".

³Aimung: makhyang: mashab: rure khonhae" re: zang: qhao" byid: nae" mangad:- Mao"So mae" phaug' lo" ra" mo; ave, jham re ngo nghang" ra". Yao: bam we' ngo pe" majho" sin: nae".

⁴Ngo wa madin: man" ra" khyo: makad' nae"- aimung: makhyang: mashab mo, we' re: mazam" khug nae".

⁵Su gaje dayaug yaug: khyo re magai makhyang" ra" khyo" jho" khug' so' jhau: ru khag' rere: ngo kang" thug' pye' nae". Ngad beim: mung: nhag' lam: myhao yaug re ngo zang: kham nae" mangad:.

⁶Mao"So re jhaug' zaug mo, re ngo thaug' qhao" byid: mung: yao: bam re nga" kho:kham kho" mae na nhao nae". Jab byang" sho' dangman" ra" mo, re wa ngore caung:pa" byid: nhao nae".

⁷Mhug' hab' khag' re: nga" kho:kham kho" mae- geim kad' ru khag' re: nga" qhid' kheim: mae maqo" na: dang genae".

⁸Daba: we' daba mae nga" mug: myid mae" makhyang: mashab: ra" nhag' lam: kaui mo, re phyo' qheim" pye' nae"- Makhyang: mashab: ra" byu alhab' re ASANG: vogaung: mo" mae" ngo khe' thug' pye' nae".