Read Maru CAUNG: KHIN" 11 Bible Online

CAUNG: KHIN" 11 - Maru bible

CAUNG: KHIN" 11

¹Gug: gam nae" qhid' mae" ASANG re ngo lam khug: na:. Ngho' we' dakhyo: bam jham khyo dao" lo" wa,-

²Pe"mung:ga"re makhyang: mo, wa byu gai qere bag nae" qhid' mae" mug: cad' khug mae" yao: bam: lo, la: jham re thaung yang: myo: jham re qang: na: ako".

³Ja: nam jab byo; sin" lo" lao" byu gai: yang pe" qo: kad' nae" khyo majo,- ga: ngore ta" ra" yaug nao wa khoqhi" go: ra" i?

⁴ASANG wa yao" gyang" lho" ra" yham mo" mae na: ra". Yao: wa mug:gaung mae yao" tao" myhao qo" ra". Yao: wa khyi" khao: ngo" mae" byu qere lhaug' qu" na mung:- yao: bam pe" kad' na: rure ba byid' ra".

⁵Yao: wa byu gai we' makhyang" ra" byu re dakhyo: za: ca: qu" byid' ra". Yao: wa tarha" maci mo, re lo" thao" sho' nghang" ra".

⁶Yao: wa makhyang: mashab mo; dao mae myi: gyang" ra" myi:gyoe: jham we' nga" na: ra" vhang re vhe' sheim" khyo" ke' ra". Yao: bam re la laung: yang qobo dae byid' ra".

⁷ASANG wa din:man: mung: gai: ra" lo, mau" jham re jhid'de; ra". Aijham re cao" kad' ra" mo, wa yao" qhid' kheim: mae qo" na: li" genae".