Read Maru CAUNG: KHIN" 110 Bible Online

CAUNG: KHIN" 110 - Maru bible

CAUNG: KHIN" 110

¹ASANG wa nga" asang kho: kham re- ni" gyevo alhab' re ngo: yang ni" khyid qao: mae ke' to: sho'- ce: nga" lo, yo shad' mae zaung: jo, wa,- ga: ta" ra".

²ASANG wa ni" kho:kham mung" eib kheim: so' re Ziun mae" ce" laung" ke' byid: nae". Yao: wa- ni" gyevo qenho: dao mae eib zo: wa,- ga: ta" ra".

³Ni" gyevo qere nao: yang mang: zin" ra" ba na mae ni" mung" byu qe wa yao: yao" myid khyo" bo:vao: zin" li" genae". Ni" zolau: qe wa ne, seim no' no' mae" nghin we' dakhyo:- gyang" lho" ra" bug gaung jham mae nao jhao" phao: lo: li" genae".

⁴ASANG wa- gang" tang: ra" dao:so: to: byid: mung: ai: rure madam: tug' yu: pye' nae"- Nao wa Melkhizedeg akhu mae apyad ato mae" khinjaung gaung tha" ngad: li" nae".

⁵ASANG wa ni" lo, yo shad' mae na: ra". Yao: nhag' yo" li" re kho:kham qere khe' aung: pye' nae".

⁶Yao: wa byumyu" qenho: dao mae dao: kho' byid' li" nae". Aimung: gyekhe' jao: mae mao gaung jham byang" byaug nhao nae". Yao: wa myidgaung alhab' mae kho:kham qere gyekhe' aung: pye' nae".

⁷Kho:kham wa hau" mo" khyoyae mae yug: ra" qid gyaung: zo: mae" shaug' li" nae". Aimung: qam: bo: lo mung: aung doe; ru we' to" ye; li" nae".