Read Maru CAUNG: KHIN" 111 Bible Online

CAUNG: KHIN" 111 - Maru bible

CAUNG: KHIN" 111

¹ASANG re caung:khin" byid: ge,- ngo wa ASANG re nga" nhag' lam: alhab' yang yao" byu qe: phaung mae jeju caung: byid: nae".

²ASANG kad' ra" mau" zo" jham wa khonho" mug'pho: ngad: ra" i? Aijham re qu" ngaui mo, alhab' wa aijham re ba: gyo: nug: ako".

³Yao: kad' ru alhab' wa nga: lho" ru we' phung bo: ru byang" sho' ngad: ra". Yao: dangman" ru wa apyad ato mae ngad: ra".

⁴ASANG wa yao" mug' pho: mau" zo" jham re ngonhaung" yang mato" myhid' pye' geshao: ga" ra". Yao: wa sho: no byid: ba mung: nhag' khyag' myid bo: ra".

⁵Yao: wa yao: re nga: yhe' ra" mo, re zo:ve jaung byid' ra". Yao: wa yao" dao: thang" re khonhae" re: mato" myhid' ngad: ra".

⁶Yao: wa yao" byu qere taung bug byumyu" qenho: mug: myid byid: mung: yao" kheim: so' qhu" byid' ra".

⁷Yao: wa yao: kad' ra" mau' zo" alhab' mae jhaug' zaug mung: dangman" ra" yao" amyin" jham alhab' wa lam ga" ra".

⁸Aijham wa ayo, byang" sho' dang: jo, mung: aijham re jo: ru we' dangman" ra" khyo" byid' to" ra".

⁹Yao: wa yao" byumyu" qere loe; beim nhao mung: yao: bam we' apyad ato mae" dao: thang" kad' to" ra". Yao: wa gyang" lho" ru we' qam: so' qi" ra".

¹⁰Pha,jhi" bo nae" khyo wa ASANG re gyaug phug' ru ngad: ra". Yao: wa yao" amyin" cao" mo, re jo: ra" khyo" dao: ba: kho' nhao: ra". Yao: wa apyad ato mae caung:khin" byid: tho' yaug ngad:. ra".