Read Maru CAUNG: KHIN" 112 Bible Online

CAUNG: KHIN" 112 - Maru bible

CAUNG: KHIN" 112

¹ASANG re caung:khin" byid: ge,- ASANG re gyaug phug' yaug wa ngaui lho" ra". Yao" amyin" jham re ngaui bau: taung" cao" ye: yaug wa ngaui lho" ra".

²Byugai: nho: yao: zo: qe wa ai:mung" mae kheim: so' qi" na genae". Yao" myid:zo: qe wa shaman" jeju qo" yu: li" genae".

³Yao" yham byu qe wa na: dai mung: jo,nho" qo" genae". Aimung: yao: wa apyad ato mae qo" jo; li" nae".

⁴Byugai: qhid' mae" mug: cad' mae bo" bao bao byid: nae" nhag' khyag' sho: no ba mung: dangman" ra" mo, re bao byid: nae".

⁵Mabyag maqhag' lo: jhid' byid: yaug- dangman" ra" khyo" aung: zo: yaug wa ngaui lho" ra".

⁶Byugai wa- khonhae" re: jeim: nae" mangad:- Yao: re khonhae" re: ceim" myid: beim" na genae".

⁷Yao: wa magai: ra" lau dao: the' gyo: nae" rure magyaug. Yao" lam khug: myid wa gang" tang mung: yao: wa ASANG re lam: khug: na: ra".

⁸Yao: wa sang: re: makho: myid re: mamyo: Yao: wa- yao" gyevo qe jeim: nae" rure the' myao nae"- ga: myid: lam: ci: ava".

⁹Yao: wa myaung sho: mo, re mabyag maqhag' lo:za: gae byid' ra". Yao" nhag' khyag' sho: no myid re: khonhae" mabyaug makin" lo". Yao: wa kheim: so' qi: mung: su: yang phug' myao" ru qhug' nae".

¹⁰Nhag' lam: kaui: ra" makhyang: mashab mo, wa ce:rure myao mung: nhag' qu" yo" ako". Yao: bam wa nghang" ru we' zhaug' qu" co' mung: byaug: lo" ako". Yao: bam: myid: lao" ru wa apyad ato mae baui" byaug va".