Read Maru CAUNG: KHIN" 12 Bible Online

CAUNG: KHIN" 12 - Maru bible

CAUNG: KHIN" 12

¹ASANG we"- ngonhaung" re bao" thaug' yu la,- byugai dayaug re: madang lo:- dangman" ra" byu qere maqo" qhug' myao lo:.

²Yao: bam alhab' mo, wa yao: cao: jho" mhug' ako". Dayaug we' dayaug mhug' khin" dao: we' jho" mhug' pyag' ako".

³ASANG we"- ai: mhug' khin" ra" sho jham re tae" lo" nhao wa,-

⁴Ngonhaung" jhau: ke' ra" dao: thoe: yang ngonhaung" o: ru qo" yu:. Ngonhaung" ta" nug: ru pe" re: ta" nae"- Khag' yang qo" tam: nae" mangad:- ga: phug: ta" ra" nhad' jham re pyid' pye' wa,.

⁵ASANG wa- Ngadqere: ana" ngo li" nae"- pe"mung:ga"re myaung sho: mo, wa zag zo" ru qhug' na mung: yhin" ru qhug' mo, wa nokyang: kyang" na: ako". Aimung: yao: bam myid: nghae" na: ra" gug: gam cae: tae" rure ngo byid: nae"- ga: ta" ra".

⁶ASANG ta" to" ra" dao:so: jham re myid: lam gai: ra". Ai: jham wa myi:khyeim" mae nhad' lhang byang" sho' phad' kyang" pye' va" ngaui re" ru: gyang" san: ra".

⁷Makhyang: mo, wa khyi" khao: ngo" na mung: makhyang" ra" mau" re caung:khin" ako". ASANG we" Ngonhaung" re khonhae" re: gug: gam byid' na la,. Airu" ra" byu qe mae" khyad' yu yang: gug: gam byid: la, wo".