Read Maru CAUNG: KHIN" 122 Bible Online

CAUNG: KHIN" 122 - Maru bible

CAUNG: KHIN" 122

¹ASANG: yham khyo ye: gelang: ga: yao: bam ngore ta" gelao" ngo ngaui bau" na:.

²Amung: ana" kam" wa Yerusalem vogaung: kham: mo" jham: khug mae ngonhaung"' joe" na bam va".

³Yerusalem wa- yaung" lho" qu" dau: ra" khyo" dam: te" to" ra" vomo" ngad: ra".

⁴Ce: mae Israel byumyu" kaung qe joe" li" mung: Asang re yao: byid' to" ra" tarha" we' dakhyo: jeju beim: so" ra" jo, qo ngad: ra".

⁵Ce:mae Israel kho:kham qe zaung mung: yao: bam: mung" byu qere tarha" kho' phyid' byid' ako".

⁶Yerusalem ngaui pyo: yaug yo nae" akyu" mho' ge,- Nao re jhid'de; ra" mo, na: dai vageshao:-

⁷Ni" nho: vang khug mae ngaui pyo: yaug yo: ru jo, vashao:- amung: ni" kho:kham kho" mae gug: gam: ru jo; vashao:.

⁸Nga" ba nam sang: cao: qe we' mao:nhaung: qe: mathao mae nao mae Ngaui Pyo: Yaug Yo: ru jo, vashao:- ein: Yerusalem re ngo ta".

⁹Ngonhaung" nho: Mao"So ASANG yham mathao mae ngo wa ni" nho: na: dai khyo qhid' mae" akyu" mho' ra".