Read Maru CAUNG: KHIN" 127 Bible Online

CAUNG: KHIN" 127 - Maru bible

CAUNG: KHIN" 127

¹ASANG wa yham re mazhaug' ngad: re- ai: yham zhaug' ra" mo; lo, mau" wa aje amyid ngad: ra". ASANG wa ai vomo" re magug: gam byid: re lhaug' zaung" ra" mo, aje lhaug' zaung" pye' ako".

²No'no' mae" to" mung: yab yo, lai sho' mau" jam: khao" ngadqere: aje ngad: ra"- pe"mung:ga"re ASANG wa yao: jhid'de; ra" mo, re yao: bam yab; jo, shi:ko" au: mae" shaman" byid' ra".

³Myid:zo: qe wa ASANG mae" jhaung qhu" ngad: ako". Yao: bam wa shaman" jeju agyang" yao: ngad: ako".

⁴Byu dayaug apyad ngai shi" au: re qo" ra" yauggai zo: qe wa gye sulhe: pho" nho: lo, khug mae" myo:khe' jham we' dau: ako".

⁵Airu" ra" myo:khe' myo: sho' qo" to: yaug wa ngaui lho" ra". Yao" gyevo qe we' jho" qhug' mung: dao: jho" kho' ra" jo, qo mae yao: wa khonhae" re: seim" nae" mangad:.