Read Maru CAUNG: KHIN" 130 Bible Online

CAUNG: KHIN" 130 - Maru bible

CAUNG: KHIN" 130

¹ASANG we"- nga" nhag' lam: xo sho' ngai: jo; rumae" ASANG nao re ngo khai: yao: ke' ra".

²O" ASANG we"- nga" nho: hug' yao thoe re gyo: byid: la,- bao" thaug' yu nae" qhid' mae" ngo khai: rure tae" gyo: byid: la,.

³Ngonhaung" nho: qobo jham re nao tung" xam" to" ngad: re wa dao: phyid' rumae" khag' qo" loe, nae" i?

⁴Ngadqere: nao ngonhaung" re qobo khyad' pye' byid: mung: ngonhaung" wa nao re gyaug phug' zo" re" na: bam nae".

⁵Ngo wa ASANG: yang bao" thaug' yu nae" rure kao bau taung" lao" na:- amung: yao" dao: kheim: re ngo khug: ngha: na:.

⁶Gye lhaug' yaug mug: bo" li" nae" rure so' kho' so' yao lao" na: ra" tho'- gye lhaug' yaug mug: bo" li" nae" rure lao" na: ra" tho' mae" ngo wa ASANG re kao bau taung" lao" na:.

⁷Israel we"- ASANG mae khug ngha wa,- pe"mung:ga"re yao" jhid'de; myid wa abang mabyid ngad mung: yao: wa khonhae" re: khyad' yu nug: ra".

⁸Yao: wa yao" byumyu" Israel qere yao: bam: qobo jham alhab' mae" khyad' yu: li" nae".